Рубрикатор

Истя моли эрямозо…

Кода-бути вастовинь Н.П.Огарёв лемсэ МГУ-нь Историко-социологической институтсо дореволюционной отечественной историянь, археологиянь ды этнографиянь кафедрань прявтонть, исторической наукань докторонть, профессоронть Н.Ф.Мокшин марто. Зярсыя кортнинек эрьва мезде: течинь студенттнэде, пенсионной од реформадонть, сетнеде, кинь покш путовксост эрзянь койтнень-кирдатнень виевгавтомасо, национальной ёжонь кемекстамосо, сеть писательтнеде, конатнень книгаст совасть эрзя-мокшонь литературань сырнень фондс...
Николай Фёдоровичень мельспаро кунсоломс. Сон парсте содасынзе масторонок раськетнень эрямост ды эрьвадонть анок ёвтнемс семс, зярс те эряви. Н.Ф.Мокшинэнь ламо ялганзо, конат эрить масторонь келес. Ютксост – «Эрзянь правда» газетань икелень редакторось В.И.Кечемайкин.

– Виктор Иванович – алкуксонь ломань! Мартонзо ояксчисэ эрятано умок, – ёвтни Николай Фёдорович. – Вейсэ эрсинек мероприятиятнесэ, косо ванкшновсть эрзятнень койтнень-кирдатнень виевгавтомань кевкстематне. Виктор Иванович – чевте седей, валдо ойме ломань. Сонзэ покш путовксозо раськень журналистиканть кемекстамосо-виевгавтомасо. Текенень, кодат вадря юморескат сёрмалесь! Ужодояк. Эдь неть читнестэ Виктор Иванович Кечемайкиннэнь топодсть 80 иеть. Тень кувалма арсян юбиляронтень кеме шумбрачи, эрямонь кувака пинге, уцяска!
Алкукскак, В.И.Кечемайкин чачсь 1938 иень июлень 6-це чистэ Мордовиянь Покш Игнатовань райононь Покш Игнатова велесэ. Средней школань прядомадо мейле Виктор Кечемайкин ялганзо марто сыргасть паро эрямонь вешнеме Свердловской областень Нижний Тагил ошов, тосонь покш заводсо важодсть малавиксэст. Иетне стакальть. Эзть сатно аволь ансяк ярсамопелесь, оршамопелеськак. Ялгатне эль-эль мусть трёшникть ки лангс. В.И.Кечемайкинэнь валонзо коряс, Нижней Тагилсэ эрямс эзь удала. Мекев, кудов, кись а шождатнестэль. Окойники, пачкодсть Саранскойс, вана эштё эрявсь понгомс Покш Игнатова велес. Од цёратне косо автомашинасо ардсть, косо – тракторсо, косо – лишмень крандазсо.
– Пекенек истя вачомкшность, молемс виенекак арасельть, – ледстни Виктор Иванович. – Окойники, пачкодинек Чапамо велес, кона ашти Покш Игнатова веленть эйстэ аволь васоло. Совинек окольцясо васенце кудонтень. Ёвтынек меленек, мезень кувалма совинек. «Меземгак арась», – рукштядинзе кедензэ сырькаесь. – «А неть пидезь модамартне?» – невтинь чугунонть лангс. – Те, келя, тувотненень пидинек. Сырькаесь ялатеке макссь тенек пидезь зярыя модамарть ды кшикочом.
В.И.Кечемайкин те шканть, те молеманть зярдояк а стувтсы. Истя, келя, тантейстэ ярсынек, истя меленек витевсь! Те танстесь нейгак а стувтови, куш течи мезе ансяк а микшневи лавкатнесэ, ярсамопелень рынкатнесэ.
В.И.Кечемайкинэнь мельсэнзэ сеть иетнеяк, зярдо служась Советской Армиясо. Венгриясо мольсь гражданской войнась. Советской солдаттнэ тердезельть Венгриянь правительстванть каршо молицятнень лепштямо. Ранязель. Зярдо Виктор Иванович велявтсь кудов, ялгатне яла кевкстнесть сонзэ, косо служась.
– Тосо, масторонь томбале, – мериль сон.
В.И.Кечемайкин свал арсесь тонавтнемадо. Ды те мелесь топавтовсь. Виктор Кечемайкин парсте прядызе Н.П.Огарёв лемсэ Мордовской госуниверситетэнть. Арась икелензэ кевкстемась: ков молемс важодеме? Сась «Эрзянь правда» газетас. Васня ульнесь младшей литсотрудникекс, мейле – отделэнь прявтокс, редакторонь полавтыцякс ды редакторокс.
Ули моро, косо эйсэнзэ истят валт: «Трое суток шагать, трое суток не спать ради несколько строчек в газете». В.И. Кечемайкин кемевти неть строчкатнень. Газетасо важодемань васень шкасто сон тельня ульнесь командировкасо Ичалкань районсо. Вана кода теде ледстнесь: «Мольсь варма марто виев лов. Мезеяк а неят. Кадовинь. Туинь чугункань кинть ланга. Ванан… веёно ашти, теке палмань, ломань, ансяк судозо неяви. Сон тень лездаськак понгомс Саранскоев».
– Теде мейле ютасть зярыя иеть. Важодинь КПСС-нь Мордовской обкомонь отделэнь прявтонь полавтыцякс, – ледстни Виктор Иванович. – Весть лисян кабинетстэнь, каршон эрязасто мольсь покш судо цёра-ломань. «Косто сонзэ содаса?» – прясон чарась кевкстемась. Ансяк мейле фатинь: эдь те сон тень лездась а кадовомс чаво паксяс. Те ульнесь Юрий Васильевич Щегонцев. Сон важодсь Печатень кудонь прявтокс.
1986 иестэ В.И.Кечемайкинэнь аравтызь «Эрзянь правда» газетань редакторокс. Тесэ важодицятне Виктор Ивановичень вастызь лембестэ. Содасть, редакторось парсте содасы газетань нолдамонь тевенть, сон пек паро журналист. Газетань теицятне од редакторонть пельде учость эрямонть лангс од вановт. Тень кувалма кода седе ламо улест тиринь газетань ловныцят. Ды коллективенть мелензэ Виктор Иванович эзизе кола. Од редакторось тонавтсь сёрмадомо истят материалт, конат ёвтневельть республиканть эрямодонзо, а стувтнемс эрзянь стихотворениянь, ёвтнемань, очеркень, повестень, романонь сёрмадыцятнень, газетанть вельде тешкстамс сынст чачома чист, раськень койтнень-кирдатнень.
– Виктор Ивановичень пингстэ газетась кармась ловновомо шождасто, тесэ ловныцясь муиль ламо мельстуиця мельть-арсемат, – ледстни «Эрзянь правда» газетань редакторонь икелень полавтыцясь, МР-нь культурань заслуженной роботникесь П.Н.Калигин. – Газетасонть ушодсь важодеме «Эрзянь литературань сырнень фондсто» рубрикась. Тесэ ловныцятне теевсть содавиксэкс эрзянь прозань ды поэзиянь ушодыцятнень произведенияст марто. Журналисттнэ пряст марямо кармасть олясто. Сёрмадсть истят материалт, конат лездасть ловныцятненень те эли тона асатыксэнть решамсто. Сялдсть сеть прявттнэнь, конат важодсть мельде-валдо.
Текенень, Виктор Ивановичень пингстэ кармасть лиснеме полосат писательтнеде, учёнойтнеде, сетнеде, кинь покш путовксост эрзя-мокшонь литературанть, науканть виевгавтомасо.
Тешкстасынек, В.И. Кечемайкин аволь ансяк кеместэ вансь ды ловнось материалтнэнь, истя жо сон сонсь сёрмадсь статьят, конатне пек тукшность ловныцятнень мельс. Истя, ловныцятне мельспаросо вастызь Виктор Ивановичень «Минек вейсэнь кудось» статьянть. Сон лововсь сехте вадрятнестэ вейкекс. Республикань прявттнэ мерсть сонзэ ютавтомс рузонь кельс ды печатазель «Советская Мордовия» (ней «Известия Мордовии») газетасо.
Тешкстама, В.И.Кечемайкин сёрмадсь эрьва кодамо жанрасо. Сонзэ перанзо алдо лиснесть пек паро юмористической ёвтнемат. Сынь печатазельть «Вайкин» лементь ало. В.И.Кечемайкинэнь пингстэ «Эрзянь правда» газетанть тиражозо ульнесь 12 тёжат экземплярт. Тиринь газетанть ловность Оренбургонь, Ульяновскоень, Нижней Новгородонь, Пензань ды лия областень эриця эрзятне. Натой Сахалинэнь областьсэяк.
Кецявты эште вана мезесь, «Эрзянь правда» газетась аволь весть лиснесь изницякс союзной творческой конкурстнэсэ. Премиякс максозь ярмактнень лангс редакциянь коллективесь ардтнесь экскурсияв: рузонь ине поэтэнть А.С.Пушкинэнь таркатнень ваномо Покш Болдинав, Ленинэнь мемориалонть ваномо Ульяновскоев, Якстере площаденть ваномо Московов...
В.И.Кечемайкин топавтсь общественной тевтькак. Ульнесь васенце созывень (1995-1999 иеть) МР-нь Центральной избирательной комиссиянь членэкс. Тесэ сон зярдояк эзь чатьмоне. Ёвтылинзе эсь мелензэ-арсеманзо талновтыця кевкстематнень коряс. Комиссиянь члентнэ пек шнасть Виктор Ивановичень мелензэ-арсеманзо.
В.И.Кечемайкинэнь обуцязо уш истямо – эрямонь вечкиця, ломаннень лездыця. Тень кемевтемга, та-кода весть журналисттнэстэ вейкесь газетань нолдамсто тейсь зярыя ильведевкст. Тенень омбоце чистэ фатясь сонсь дежурицясь. Сон тарка-эзем эзь муе. Юты чи, омбоце, колмоце. «Паряк, редакторось эзь фатя», – эсь пачканзо арсесь. Апак учне кабинетс совась секретаршась ды тензэ мерсь: «Азё, редакторось эйсэть терди!»
«Ней тень баня ушты», – эстензэ мерсь дежурицясь. Пельчасошка кортнесть газетасо важодемадо, лиядо мезде…
– Тон, паряк, эстеть чумондома муить, – меельцекс мерсь шефесь.
– Содатадо, редакторонть кабинетсэ лисемадо мейле прям мария истя, теке чумокс ульнинь аволь мон, а сонсь редакторось, – видькстась ильведевкстнэнь нолдыцясь.
В.И.Кечемайкин печатьсэ кувать ды парсте важодемань кисэ казезь СССР-нь ВДНХ-нь сиянь медальсэ ды «Трудонь ветеран» медальсэ. Сон – МР-нь культурань заслуженной роботник. Казезь МР-нь Госсобраниянь Почетонь грамотасо.
…2018 иень июлень 6-це чистэ В.И.Кечемайкиннэнь топодсть 80 иеть. Тень кувалма ялганзо, малавиксэнзэ ёвтасть поздоровт, арсесть тензэ эрямонь кувака пинге.
«Эрзянь правда» газетань теицятне вейсэндявить неть поздоровтнес, истя жо арсить тензэ шумбрачи, уцяска, валдо менель!


Пётр Зиновьев,
МР-нь массовой информациянь средствань заслуженной роботник.

 

Новости

Госдума приняла во втором чтении социально ориентированный проект бюджета

- Проект  федерального бюджета на 2019 год и плановый период   2020 и 2021 годов, принятый 14 ноября  Госдумой во втором  чтении является бюджетом развития.  Впервые за долгие годы сформирован профицитный бюджет: доходы в 2019 году превысят расходы почти на 2 трлн. рублей. Планируется, что уровень инфляции в 2019 году составит 4,3%, в 2020 – 3,8%, в 2021 – 4,0%. Это социально-ориентированный бюджет, приоритетными направлениями которого являются развитие здравоохранения, образования, ЖКХ, культуры, экологии, социальной сферы.  Кроме того, в дальнейшем  предполагается  увеличение расходов по этим статьям»  - сказал    Секретарь  регионального отделения Партии, Председатель Государственного Собрания республики Владимир Чибиркин

Подробнее ...
 
«Единая Россия» отстояла благоустройство небольших населенных пунктов в бюджете 2019 года

Изменение облика российских городов, благоустройство дворовых и общественных территорий является одним из самых успешных и результативных направлений работы Партии, подчеркнул секретарь Генсовета «Единой России» Андрей Турчак.

«Единой России» удалось защитить действующую модель использования регионами федеральных средств на ремонт дворовых территорий многоквартирных домов, а также на благоустройство населенных пунктов с населением более одной тысячи человек, которая будет работать и в 2019 году. Об этом заявил секретарь Генерального совета Партии, комментируя решения трехсторонней комиссии по межбюджетным отношениям.

Подробнее ...
 
Моледе ярмункав!

Ноябрянь 10-це чистэ Саранскойсэ ютавтови продовольственной ярмунка. Тесэ ярсамопельтне кармить микшневеме седе алкине питнеде. Теде пачтясть МР-нь Минсельхозпродсо. Эштё поладсть: Саранскоень эрицятненень ды инжетненень сывелесь, ламбамопельтне, кулинарной изделиятне ды лия товартнэ миевить 20 % седе дешовасто.
Ярмункась карми молеме истямо таркатнева: куншкакуросонть – Ботевградской курось (Полежаевень куростонть саезь Васенконть видьс); Светотехстройсэ – Октябрянь 60 иетнень проспектэсь (Веселовскоень куростонть саезь Веденяпинтнэнь бульваронть видьс); Юго-Западсо – Ульяновонь курось (Энгельсэнь куростонть саезь М.Расковань куронть видьс); Химмашсо – Октябрянь 70 иетнень проспектэсь (Косаревень куростонть саезь Севастопольской куронть видьс).

 
Мазылгавтовить куротне

Аволь умок ошонь Администрациясо ютавтовсь промкс, кортамось мольсь ламоквартирас кудотнень перька таркатнень витнемадо-вадрялгавтомадо. Ошонь Ленинской райононь прявтось Александр Юткин пачтясь пурнавозтненень, весе роботатне прядозь, кода федеральной, истя региональной программанть коряскак. Целанек вадрялгавтозь 32 кудотнень перька таркатне. Теде башка, ярмактнень видестэ ютавтоманть вельде удалась витнемс эштё вейке кудонть перька тарканть ды Юго-Западонь районсонть теезь машинань путома таркат: «Спар» супермаркетэнть ды эрямо кудотнень ютксо теезь парковкань тарка, конадонть пек энялдсть Поповонь куронь 64 Г кудонь эрицятне. Теке марто истямо жо тарка теезь М.Расковань 25 ды 31 №№ кудотнень ютксо. Те тевеськак топавтозь эрицятнень вешемаст коряс.

Подробнее ...
 
Единороссы республики проведут партийную дискуссию «Обновление - 2018»
В преддверии XVIII Съезда Партии, который пройдет 7-8 декабря в Москве, во
всех регионах России состоятся партийные дискуссии в ходе которых будут
обсуждаться основные векторы развития «Единой России» и меры, направленные
на повышение эффективности работы Партии и ее
сотрудничества с гражданским обществом.
Подробнее ...