Рубрикатор

Юлия Богатова: «Эрямованть ютан мизолкс марто»

Патрульно-постовой службасонть романтикадонть аволь ламо. Паряк, секскак правопорядкань ванстыцятнень ютксо седе сеедьстэ минь тонадынек неемс цёраломанть, самай сынст лавтовост лангс путовить зыянонь теицятнень кундамонь-сасамонь, правань коламотнень а нолдамонь стакачитне. Ансяк те овсе а корты седе, те аволь шожда важодемасонть арась тарка тейтерь-аватнень туртов. Полициянь старшей сержантось Юлия Богатова  патрульно-постовой службасонть важоди кемень иеде ламо. Полициянь те подразделениясонть важодемась – сехте стакатнестэ ды ответственнойтнестэ вейкесь.

 

 Полициясо служамс Юлия Богатова бажась вишка шкасто саезь. Обуцязояк эрзянь мазый тейтеренть тенень ладиця: бойка, а пелиця, эрьва тевс чарькодиця. Чачсь-кассь Юлия Ицял ёнксонь Пардэлесэ. Школань прядомадо мейле мольсь тонавтнеме Саранскоень Кооперативной техникумов.

– Тонавтнеманть прядомадо мейле ялгань марто мелявтынек-арсинек, ков молемс важодеме. Ульнесь покш мелем понгомс полицияв. Ансяк кеминь, тов саить специальной вузонь прядыцятнень, – ледстни Ю.Богатова. – Ансяк весемесь ульнесь ков седе шожда: ялгань марто вейсэ молинек внутренней тевень отделс ды сёрмадынек яволявтомат. А ёвтави кодамо покш мелем чачсь улемс полициянь сотрудникекс! Арсян, те покш бажамось лездаськак тень истя шождасто понгомс полицияв. Шкань ютазь гайневтсть тень ды пачтясть роботамо саемадон.

Юлия Богатова видькстась, патрульно-постовой службасонть важодемась аволь шождатнестэ: аволь нормированной важодемань чи, дежурстват, командировкат – весемесэ эрзянь тейтересь а явови цёратнень эйстэ профессионализмасонть, цидярдомасонть ды важодемантень эсь прянь максомасонть.

– Мон пек вечкса эсь тевем. Патрульно-постовой службась мельстуиця, минь вансттано порядканть ошонь куротнесэ, дежурятано массовой мероприятиятнень ютавтома шкасто. Ошонь куротнесэ ламо пшкадицят улить тенек. Эдь ломантне сынст талновтыця кевкстемаст марто васняяк пшкадить миненек, аволь кабинетэв сыть. Нама, лиясто эрси стака, моральна ды физически, савкшны важодемс виев якшамосто, пиземе ало, ансяк те монь а тандавтни, эдь вакссон свал улить кемевикс ялгат, – ёвтни Юлия. – Эрямосонть ламось ашти эсензэ ломаненть эйстэ, кодамо мель сон яви важодемантень. Мон эрямованть ютан мизолкс марто ды роботангак истя, вечкса эсь тевем ды коллективенть.

Цидярдомась ды ёжомарямось – обуцянь прявт ёнкст, конат, Юлиянь валонзо коряс, лездыть тейтерь-авантень цёратнеде аволь седе беряньстэ, лиясто мик седе вадрясто, топавтомс патрульсэ службанть. Эрямосояк Юлия мелень явиця, ломантненень лездыця. Сон а ютави ломаненть вакска мельтеме, бути тонанень эряви лезкс: вети эйгажа кинть трокс сыре ломантнень, кевкстни вишка эйкакштнень, мекс ушова молить ськамост, кепедьсы ушосо празь ломаненть.

– Покш каштанчи ды мельспаро, зярдо марян сюкпрянь валт эрицятнень пельде. Лиясто апак учо вастат ломантнень, конатненень зярдо-бути лездыть службанть топавтомсто. Мельспаро чарькодемс, сынь тонь эзидизь стувто, – ёвтни Юлия Богатова. – Тетям-авам мелявтыть кисэнь: кармавтыть ванстомс прям тевем топавтомсто. Мон пейдян каршост: важодемань кемень иетнень перть ламос тонадынь, а максса эсь прям покордамс.

Полициянь старшей сержантось Юлия Богатова службанть кандома шкасто аволь весть ульнесь служебной командировкасо. Васенцесь – 2012 иестэ Северной Кавказсо. Пельие кандсть служба Чечнянь Республикасонть.

– Те шканть нейгак ледстнян покш мельспаросо. Пельиесь ливтязь ливтясь, пек мельс кадовиця ульнесь шкась. Нейгак кирдтяно ялгаксчинь сюлмот сетнень марто, кить ульнесть тосо командировкасо. Александр Васильевич Забненков командирэнек ульнесь мартонок, пек кемевикс ломанесь, мездеяк мартонзо а пелят, – ледстни Юлия. – Кавказось – пек дивавтыця ёнкс, валт а муевить неть мазычитнень ёвтамс: сэрей пандот, ванькстэяк ванькс кошт. Валске стят – коштонть тантейчидензэ пешкедят! Мон сестэ васенцеде ульнинь Кавказсо ды истя вечкевсь тень пертьпельксэсь: теде мейле эрьва ие ардтнян оймсеме тона ёнов.

Юлия Богатова истя жо ульнесь командировкасо Сочисэ телень Олимпиаданть шкасто. Колмо ковонь перть ванстсь тосо общественной порядканть, дежурясть Красной Полянасо. Видькстась, тосо службанть кандомсто пурнась важодемань покш опыт, эдь мероприятиясь ульнесь пек покш, ломантнедеяк тосо ламольть. Теде башка, ламо од ялгат тосто мусь, нейгак гайневтнить вейкест-вейкест туртов, а стувтнить.

Неень шкане Юлия тонавтни Нижней Новгородонь МВД-нь Академиясо. Тейтересь ёвтнесь, сон оймсема чистэяк а аштеви ве таркасо: сокссо кирякстни, якси бассейнав. Отпусконь шкасто пек вечки ардтнеме минек масторонь оштнева.

– Ютазь иестэ важодема таркасто макснесть тень путёвка Калининград ёнксонь Зеленоградское ошов, сон ашти иневедь чиресэ. Мон якинь сёксня, пек мазый пертьпельксэсь тосо. Истя жо отпусконть шкасто кенеринь ардомс Кисловодскоев, Сочив, Санкт-Петербургов. Отпусксто велявтынь кудов, пек ламо седеень эждиця ледстнемат ускинь мартон, цела иес сатыть, – мельспаросо ёвтни Юлия. – А эряви пелемс веёнга ардтнемадо, мекевлангт, те вити ёжонть ды кази кеняркс. Эряви бажамс саемс эрямонть пельде весементь, кенярдомс эрьва чинтень ды каземс мизолкст малавикстнэнень.

Т.Аксенова

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...