Рубрикатор

Сядо иень перть сехте якшамо телетне

Россиясо 2017 иесь ульнесь сехте якшамо телекс историясонть меельце сядо иетнень перть. Сехте якшамо шкакс ульнесь январесь, зярдо температурань невтевксэсь Московонь областьканть валгокшнось 36 градусос, а седе якшамо ёнксонь регионтнэсэ якшамось пачколесь 38-39 градусос. Истямо якшамо теле арасель уш умок. Метеорологтнень исторической невтевксэст коряс жо ялатеке те ульнесь аволь сехте якшамо телесь. Россиясо сядо иень перть сехте якшамо телетнестэ якшамось валгокшнось мик 43 градусос.

1955 иесь

Те иестэнть телесь эзь явово покш якшамосо, сон марявсь седе якшамокс аламо ловонть кувалма. Метеостанциянь невтевкстнэнь коряс, осадкатнень ламочись ульнесь ансяк 46 миллиметрат. Те весемезэ колмоце пельксэсь сезононь нормастонть. Икелень телетнень средней невтевкстнэнь коряс телесь седе якшамоль 6,9 градусто. Те пек ламо. Якшамось азаргалесь весе колмо ковтнень перть, вестькак арасель летьке шка.

1994 иесь

Те телесь ульнесь аволь пек якшамо, ансяк Россиянь прявт ошонтень пракшнось ламо лов. Температураськак свал полавтневсь. Январенть перть ульнесь летьке. Февральстэ жо ушодовсть телень алкуксонь даволтнэ. Телень меельце ковстонть зярыя чинь перть ульнесь виев кандылов. Ловонть сэрезэ таркань-таркань ульнесь малав метра.

1950 иесь

Те телесь Россиясо явовсь виев якшамосо. Январень якшамотне эсь вийзэст совасть ковонть куншкасто ды Россиянь эрицятнень дивавтызь 37-38 градуст якшамосо.

1979 иесь

Те иень телесь Россиянь эрицятнень истя жо пек эзь кенярдовто. Январесь ульнесь пек якшамо. Сехте якшамо читне жо савкшность 1978 иень декабрянь 30-це ды 1979 иень январень 1-це читнес.

1956 иесь

Россиясо телесь ютазь пингень 1956 иестэ истя жо а пек кенярдовтсь Россиянь эрицятнень. Малав телень перть ульнесть виев якшамот. Сехте якшамо чись – 38,1 градус, савкшнось январень 31-це чинтень, теде мейле температурань невтевкстнэ аламонь-аламонь кармасть касомо.

1929 иесь

Телесь эзь алтне пек якшамот. Январьстэ 25 градусто якшамо арасель. Февралесь явовсь лия ковтнестэ виев вармасо. Ансяк пертьпельксэнть эсензэ аксунгалеманзо, ды февралень 6-це чинь вестэнть вачкодсь виев якшамо, термометрань столбикесь валгокшнось 38,2 градуст якшамос. Те телестэнть Кавказонь иневеденть чиресэ кельместь виноградниктне ды цитрусовойтне. Се ёнкссонть якшамось пачколесь 10 градусос.

1911 иесь

Те телестэнть масторонь Европань пелькссэнть ковонь перть азаргалесь давол, температурась валгокшнось 40 градусос. Седеяк стака ульнесь пелевеёнксонь регионтнэнь эрицятненень, косо температурась валгокшнось мик 55 градусос. Штобу лисемс ушов, ломантненень савкшнось мик ваднемс чамаст куясо сеске а кельмевтемга.

1942 иесь

Ине Отечественной войнань шкастонть телесь азаргалесь Россиянь келес. Виев якшамотне кирдевсть январень перть. Сехте якшамо читнестэ, январень 20-це чистэ, температурась ульнесь 41,1 градуст якшамо ды январень 25-це чистэ – 36 градуст якшамо.

1892 иесь

Россиясо те телесь ульнесь якшамотнестэ вейкекс. Виев даволось азаргалесь январень перть. Сехте якшамо чись ульнесь январень 27-це чись, зярдо термометрась невтсь 42 градуст якшамо. Виев якшамосо явовсть те иенть меельце читнеяк, самай декабрянь меельце читнестэ якшамось валгокшнось 39 градусос.

1940 иесь

Ютазь пингень 40-це иесь ульнесь сехте якшамокс Россиясо меельце сядо иетнестэ. Малав весе январенть перть температурась кирдевсь 40 градуст якшамо тешксэнть лангсо. Сехте якшамо читне савкшность Крештениядо икелень читнес – те 42,2 градуст якшамо. Те шкастонть ульнесть алкуксонь сибирень якшамот. Якшамотнеде башка, ульнесть виев даволт ды прась ламо лов. 1940 иень телесь кандсь покш зыян садпиретненень, мик кельместь сехте якшамодо а пелиця сорттнэяк, истя жо вирень чувтотнеяк.

 

 

Новости

Национальной театрасо панжови сезонось

Ванды, сентябрянь 27-це чистэ, Эрзянь ды мокшонь раськень драматической театрасо панжови сезонось. Ваныцятнень туртов невтеви К.Петровань «Ташто койсэ» эрзянь кельсэ спектаклясь. Путовкссонть кармить ламо морот, киштемат, невтеви покш свадьба. Парсте невтевить эрзянь фольклорось, койтне-кирдатне. Спектаклясонть ули мезе лангс ваномс. Нама, шкась кезэрень, XIX-XX-це пингесь. Кой-кона тевтне абунгавтыть. Ансяк те – весе ульнесь алкукс, те минек историясь.

Моледе ваномо, ушодксось 18:30 чассто.

 
Пивсэзь 1 миллион тоннат сюро

Кода а кецямс?! Мордовиянь агропромышленной комплекссэ важодицятне, тедедень коське кизэнть лангс апак вано, пивсэсть 1 миллион тоннат сюро. Эрьва гектарсто среднейстэ саезь 25,8 центнерт. Теде пачтясть МР-нь Велень хозяйствань ды продовольствиянь министерствань специалисттнэ.

Подробнее ...
 
На заседании Социальной платформы обсудили принятие региональных льгот

17 сентября в Государственном Собрании РМ состоялось заседание Социальной платформы Партии «ЕДИНАЯ РОССИЯ», в рамках которой депутаты Госсобрания обсудили принятие на предстоящей сессии проекта закона Республики Мордовия «О внесении изменений в статьи 2 и 9 Закона Республики Мордовия «О мерах социальной поддержки отдельных категорий населения, проживающего в Республике Мордовия». 

Подробнее ...
 
Сторонники Партии проанализируют возможности регионов в области переобучения и повышения квалификации людей предпенсионного возраста

  Региональные координационные советы сторонников Партии «Единая Россия» с 21 сентября начинают сбор и систематизацию информации относительно возможностей субъектов Российской Федерации по предоставлению различных курсов и программ, направленных на профессиональную переориентацию людей старшего поколения. Об этом сообщил сопредседатель Центрального координационного совета сторонников Партии Сергей Боярский.

Подробнее ...
 
Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...