Рубрикатор

Алкуксонь профессионал

Арсян, зярдояк бу а чарькодевлия Сергей Евгеньевич Шитинэнь, бути сонзэ роботамо тарканть а неевлия эсень сельмесэ. КЭС-холдингень «ТГК-6» ОАО-нть Мордовиянь филиалонь Саранскоень 2-це ТЭЦ-нь турбинной отделениянтень, нама, ульцясто-косто а понгат ды нолдытькак тов аволь весень. Ялатеке журналистэнь уцяскась ветимим товгак. Тесэ ТЭЦ-нть «седеезэ». Монень савсь тов совамодо икеле путомс прязон каска, ансяк кодамояк оршамопель а идетянзат виев гайтенть ды пси коштонть эйстэ, конась моли турбинатнестэ. Кортамс тосо савкшны пижнезь эли ансяк пиледе-пилес. Астяко турбинной отделениясонть важодицятненень пандыть седе ламо стака роботанть кисэ ды пенсиявгак тосто туить седе икелев.

Сергей Евгеньевич Шитин важоди тосо котелонь-турбинань оборудованиянь витнемань коряс слесарекс. Те таркасонть сон 3,5 иеть ды уш тонадсь певтеме гайтентень ды трубатнестэ молиця псинтень.
Энергетикань сферанть марто сон сюлмизе весе эрямонзо. Армиясто самодо мейле прядызе Саранскоень машиностроительной техникумонть, ды 1981 иестэ саезь важодсь зярыя предприятиясо эрьва кодамо специальносттьсэ: монтажникекс, энергетикекс, мастерэкс…
– Истятнэде мерить «алкуксонь профессионалт», – корты ланганзо тепломеханической оборудованиянь службань прявтось Олег Владимирович Алехин. – Сонзэ покш авторитетэзэ коллективсэнть. Лия важодицятне сакшныть тензэ превспутомань кевкстеме. Те ломанесь пек содыця, истят уш ней чуросто вастат. Весе эрямонзо максызе важодемантень, чинь-чоп пии-палы роботасо. Неть ломантнеде эште мерить «люди старой закалки». Сергей Евгеньевич зярдояк а отказы максомс виде превспутомат од ломантненень. Сон минек ловови одтнэнь неформальной наставникекс.
Сергей Евгеньевичень, кода слесаренть, роботазо ламо. Сынь важодить аволь сменасо – эрьва чистэ. Ялатеке лиясто лиснить аварийно-аволь планонь тевтькак, ды слесартненень савкшны кадновомс чокшнес эли, мекевланк, ушодомс мелявксонть изнямо валске рана.
Ансяк Шитин аволь сеть ломантнестэ, конатне пелить стакачитнеде. Чизэнзэ савкшны ламо мезе витемс: полавтыть яжазь элементтнэнь котелтнэсэ ды трубопроводтнэсэ. Лиясто эряви витнемс-петнемс яжавксонть турбинатнень потмова молиця трубопроводтнэсэ, топкасонть, котелтнэнь потсо. Зярдо потмозост совить слесартне – сестэ давлениясь седе валгстови. Ялатеке тосонь псись аволь весе рунготненень кирдеви. Секскак, нать, Сергей Евгеньевичень чамазо теке калязь псисэнть.
Шитинэнь трудонь биографиясо ламо истят тевть, конатнень сон ледстни те шкас, ды сонзэ кедьсэ теевкстнэ нейгак служить предприятиянть лезэс. Зярдо-бути умок станциясонть лисекшнесь стройстэ вейке трубась. Командась, косо ульнесь Шитингак, тейсь сонзэ таркас 60 метрасо кшнинь труба ды вачкизе кирьпецьсэ. Васняяк арсесть – кавтошка иес саты, ансяк сон уш ашти 12 иеть. Кода невти эрямось: парсте теезель роботась, алкуксокс. Эште вейке история. Эрявсь седе куроксто путомс ведень ванськавтомань туртов бакт. Шкань апак сатстне монтажось ушодозель, ды те оборудованиясь истя жо а лисни стройстэ уш зярыя иеть. Сергей Евгеньевич понгонекшнесь омбоце турбинанть одкстомтомстонзояк. Ламо эрьва кодат тевть савкшнось топавтомс Шитиннэнь 34 иень перть. Истяшка кувалмозо сонзэ трудонь биографиянть, ды сон седе товгак арси важодемс предприятиянть лезэс.
Династиянь поладыця

 

Новости

Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...
 
Плотников: Фермеры смогут жить на своей земле, а не ездить каждый день туда как на работу

 Госдума приняла в первом чтении законопроект, который разрешает фермерам строить дом для себя на своей земле сельскохозяйственного назначения. Законопроект меняет порядок строительства жилых домов в КФХ. Такое заявление сделал координатор партпроекта «Единой России» «Российское село», депутат Государственной Думы Владимир Плотников.

Подробнее ...
 
Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...