Рубрикатор

Сабанцелень «килейнетне»

Отяжелень райононь чачома чинть тешкстамсто мельспаросо ванынь Сабанцеле велень школасо тонавтницятнень лангс, конатне киштсть ды морасть кенярксчинь сценанть лангсо. Концертэнь ветицясь ёвтызе ансамблянть лемензэ – «Килейне». Одт, мазыйть, ёлганя, мизолдыця тейтерькатне алкукскак мольсть килейне ёнов, кепедсть ёжомарямонть, пильгетне бажасть сыргамс мартост киштеме. Ледстявсь эсень школань шкам, зярдо киштеме минек тонавтомо сакшнось натой хореограф Саранскойстэ. Атинесь ульнесь кежей, цють мезе а истя теят, понги пильге ланга указкасо. Ялатеке сон ульнесь алкуксонь профессионал ды тонавтымизь парсте – изнинек, ледстнян, райононь художественной самодеятельностень пелькстамосонть. «Луганясо келунясь» киштеманть марто минь мейле эште куватьс ардтнинек эсенек райононь велетнева.



Неявсь, неть тейтерькатнень туртовгак те вечкевикс тев, конантень сынь максыть весе виест. Кенярдозевинь, паро, неень шкане аволь весе од ломантне бажить ансяк аштемс компьютер икеле, ванномс «ютубонь» кортыця чаво прятнень ды лужалемс дискотекава. Монь ульнесь мелем седе ламо содамс Сабанцелень «килейнетнень» ланга. Сынст тонавтыцяст ды истя жо ансамблянь прявтось Надежда Николаевна Слугина седейшкава ёвтнесь эсь проекттэнть, конантень сон ды эште зярыя Сабанцелень эрицят путыть весе седейлембест.

Надежда Николаевна тешкстызе, «Килейнесэнть» киштить-морыть малав весе Сабанцелень школань покш классонь тонавтницятне. А мезть сёпомс, неень шкане те школасонтькак эйкакштнеде аламо, секскак ансамблясонть киштицятне кавксоце, вейксэце ды кеменце классо тонавтницятне. Ёвтасынек весень лемест: сехте вишкинетне – Ирина Батяркина, Надежда Чепухина –  сынь 8-це классто; Елизавета Бояркина, Любовь Красноперова, Наталья Сорокина – 9-це классонь; Клавдия Батяркина, Мария Нестеркина ды Анна Федотова прядсть 10-це класс.

Весе тейтерькатне мельспаросо сайсть мель тонавтнемс киштеме-морамо, ды те тевесь тенст удалась. Надежда Николаевна Слугина ды Сабанцелень Культурань кудонь прявтось Ольга Александровна Кузнецова вейсэ анокстыть репертуар, козонь совавтсть эрзянь ды рузонь раськень ламо морот. Ольга Александровна сонськак пек парсте моры, сон а весть ульнесь «Шумбрат, Мордовия!» раськень творчествань фестивалень участникекс ды лауреатокс. Киштеме тонавтомо «килейнетнень» сакшны Саранскойстэ Н.П. Огарёв лемсэ МГУ-нь Раськень культурань институтонь хореографиянь отделениянь студентка, конась сави тенст роднякс-раськекс ды теевсь весень туртов алкуксонь ялгакс-оякс. Киштематне истя жо эрзянь ды рузонь, ули мелест путомс Латинской Американь «кирвазтиця» ча-ча-ча-нть эли тангонть.

Тейтернетнень туртов сценанть лангс эрьва лисемась – кенярксчи, Надежда Николаевнанень ды Ольга Александровнанень жо – талнома. Ялатеке «Килейнесь» свал вити эсь тонавтыцятнень ды ваныцятнень мелест. Вейкеяк покш мероприятия эли пелькстамо Сабанцелесэ ды районсонть а ютни од киштицятневтеме. 2016 иестэ «Шумбрат, Мордовия!» фестивальсэнть сыненст максозель лауреатонь лемесь, ды, минь арсетяно, те изнямось ансяк ушодкс.

Ансамблянть ули вейке мелявксозо – сынст арасть эсест оршамопелест. Зярс весе концерттнэс костюмтнень максни Отяжелень Культурань кудось. Монень пек вечкевсть эрзянь стилизованной платиятне ды пряс путоматне – пек мазыйть, пек ладить тенст. Рузонь киштемань оршамопельтнеяк кадык аволь уш одт, ялатеке сельмс каявицят.  Тейтертне сынст седеяк мазылгавтызь – кодасть прязост паксянь ды вирень цецянь каштазт. Вечкить уш сабанцелеть кезэрень шкасто саезь истят пряс путовкст! Свадьбань кудаватне нейгак прязост путнить истят «каштазт», конатнень тейнить мазый, эрьва кодамо тюсонь конёвсто. Кизна жо сонсь пертьпельксэсь касты каштазтнэнь туртов цецят.

«Килейне» ансамблядонть ёвтнемстэ ули мелем тешкстамс сынст кедьчелькев ёнксосткак. Отяжелень райононть чачома чинзэ каршо яволявтозель кораблянь моделень пелькстамо, конась алтазель иневанькс воинэнть, рузонь флотоводецэнть Феодор Ушаковонь кулома чистэнзэ 200 иетнень топодемантень. Сабанцелень школань тонавтницятне (покш венч кандокшнось истя жо 10-це классонь тонавтницясь Виталий Логинов) те пелькстамосонть лиссть изницякс, казезельть Отяжелень райононь прявтонть пельде почётонь грамотасо ды питней казнесэ.

Меельцекс. Зярдо монь икеле сыретне кортыть неень шкань од ломантнеде, конатне, келя, ней аволь истят, кодат сынь ульнесть од порасто, свал ули мелем тешкстамс: минек вакссо эриця тейтерькатне-цёрынетне истят, кодамо «видьме» минь путтано эсенек пельде. Бути те видьмесь паро, вечкема лувонь, кенярксонь максыця-кандыця, сестэ од ломантнеяк туить виде киланга, ансяк эряви тенст путомс мель.

Марина Девятова

 

Новости

Турчак заявил о запуске конкурса социальных проектов первичных отделений «Единой России»
В ближайшее время стартует конкурс социальных проектов первичных
отделений «Единой России», лучшие проекты смогут претендовать на
грантовую поддержку Партии. Об этом сообщил секретарь Генсовета Партии
Андрей Турчак, выступая на пленарном заседании форума первичных
отделений «Единой России» в Северо-Кавказском федеральном округе.
Подробнее ...
 
20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...