Рубрикатор

Доступное жилье Одкстомтыть кудот, мазылгавтыть ульцят
Одкстомтыть кудот, мазылгавтыть ульцят

Денис Викторович Тикшайкин Отяжелень муниципальной райононь Администрациянь строительствань, архитектурань ды ЖКХ-нь управлениянь прявтокс роботы аволь умок. Ялатеке сонзэ шкасто районсонть теезель ламо мезе од: мазылгавтозь ульцятне, одкстомтозь кудотне, киланготне вельтязь од асфальтсо. Течи Д.В.Тикшайкин минек инженек.

Денис Викторович, весень сельмс каявить одс теезь кудотне Атяшева поселкасонть. Кие умок арасель тесэ, кортыть, маряви, понгинек омбо масторов. Кода те Тыненк топавтовсь?

– Отяжелень районось 2008-2010 иетнестэ «О Фонде содействия реформированию ЖКХ» Федеральной закононть коряс ульнесь «Мордовия Республикань ламо квартирас кудотненень капитальной витнемань топавтомга» муниципальной программанть участникекс. 2008-2011 иетнестэ райононтень капитальной витнемань теемс сакшность 59,2 млн. целковойть.

Сехте ламо ярмакт явозельть ЖКХ-нь фондонть пельде (41,5 млн. целковойть) ды МР-нь бюджетстэ (14,1 млн. целковойть). Кавто миллионт макссь сонсь районось ды 1,6 млн. целковойть пурназельть кудотнень азортнэнь пельде. Неть ярмактнень лангс районсонть витнезельть ламо квартирас 36 кудот. 34 кудот витнезельть-петнезельть райцентрасонть, кавто кудот – «Сараст» совхозсонть. Кудотнесэ полавтозельть латотне, инженерной коммуникациятне, икелькстнэ вельтязельть профлистсэ. Тень кувалма, зданиятнесэ кармась седе лембе ды сынь пек мазылгадсть. Ялатеке, ремонттомо кадовсть эште ламо квартирас 28 кудот ды сынст витнемга-петнемга эрявить 65 млн. целковойть.

Кудотнень одкстомтомадо башка ютавтовить районсонть мероприятият китнень-янтнэнь теемга?

– Нама, кие ардтни Отяжелев Чаунза ендо, сеть неизь кода полавтовсь покш килангось Чебудасы велестэнть саезь Чаунзань райононь границянть видьс. Тосо ацазь паро асфальт, килангонть вакска стявтнезельть палманть. Истя жо одс теезь килангось Киржеманы веленть видьс. Ламбаське ды Тазале велетнень эрицятнень энялдомаст коряс теезель од ки, конась сюлминзе неть кавто велетнень. Сонзэ кувалмозо 3,3 вайгельбеть.

2010-2011 иетнестэ од асфальт путозель Атяшева поселкань вейксэ ульцятнева, теезель ки ветерантнэнень строязь од кудотнень видьс. Весе китнень кувалмост – 4,8 вайгельбеть. Сынст строямс ютавтозельть 22,2 млн. целковойть.

Кодат од проектт топавтовить сыця иетнестэ?

– Те иестэнть «Социальное развитие села до 2013 года» Федеральной целевой программанть коряс минь ушодынек водопроводонь ветямо Пилезеле ды Козловка велетнесэ. Те проектэнть питнезэ – 4,3 млн. целковойть. Арсетяно сонзэ топавтомс сыця иень декабряс.

2012-2013 иетнестэ бажатано топавтомс эште вейке покш тев – вейсэндямс Атяшева поселканть, «Сараст» совхозонть, Отяжеле ды Тетюши велетнень артезианской скважинатнень ведень максыця вейке системас. Тень кувалма, арсетяно, седе кепеди веденть тантейчизэ ды парочизэ. Од проектэнть коряс, строявить водопроводонь 18 вайгельбеть, одкстомтовить кавто скважинат, уш ушодозь од скважинань пелема «Сараст» совхозсо. Проектэнть арсетяно топавтомс зярыя программатнень вельде.

Ули мелем евтамс эште покш мелявкстонть. Атяшева поселкасонть неень шкане лембень максыця трубатне ды котельнойтне пек таштомсть ды каладома лангсот. Сынст вельде уштомсто еми пек ламо лембе, ды, нама, ютавтови седе ламо энергия, касыть лембенть кис пандовиця питнетне.

Те мелявксонть топавтомга 2012 иестэ саезь арсетяно строямс колмо котельнойть, конатне кармить роботамо неень шкань вешематнень коряс. Кавтотнень стявтсынек 1-це ды 2-це микрорайонтнэс ламо квартирас кудотнень эждемань туртов. Колмоцесь карми эждеме муниципальной ды государственной учреждениятнень: школанть, музеенть, ФОК-нть, РОВД-нть ды лиятнень.

Марина Девятова

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...