Рубрикатор

Доступное жилье
Программанть вельде – 401 эрямо тарка


2014 иестэнть саезь Мордовиясо тевс нолдави «Жильё для российской семьи» программась, конась важоди «Обеспечение доступным и комфортным жильём и коммунальными услугами граждан Российской Федерации» Россиянь Федерациянь государственной программанть юрсо. Те программась лезды эрицянь башка категориятненень рамамс эрямо таркат.
Аволь умок Саранскойсэ истя жо ушодовсь те программанть топавтомазо, ошонь Администрациясо кармасть примамо яволявтомат программань участниктнень пельде. Течинь чине истят яволявтоматнеде лововить уш 542.

Подробнее...
 
Урозтнэнень - эрямо таркат

Законодательствань коряс, уроз эйкакштненень максови эрямо тарка седе мейле, кода сон прядсы тонавтнеманзо, армиясо служамодо мейле, опекань саемадо мейле. Теде кортави «Об обеспечении жилыми помещениями детей-сирот, детей, оставшихся без попечения родителей, лиц из числа детей-сирот и детей, оставшихся без попечения родителей» Мордовия Республикань Законсонть. Сонзэ коряс лововить уроз эйкакштне, кинень эряви максомс эрямо тарка, истя жо социальной наймонь договоронь коряс рамавить неть эрямо таркатне. Нормась – 33 квадратной метрат вейке ломаньс. Эрямо таркатнень рамамс ярмакт максы МР-нь бюджетэсь. Те Законось совась вийс 2011 иень январень 1-це чистэ саезь.

МР-нь Прокуратурась пштистэ ваннось тень мельга. Истя, республикань прокурорось Валерий Мачинский евтась мель Мордовиянь Прявтонтень, Правительствантень, Госсобраниянь депутаттнэнень теемс витемат «О республиканском бюджете Республики Мордовия на 2012 год и на плановый период 2013-2014 годов» Закононтень. Явозь ярмактне сатовольть рамамс эрямо таркат весе уроз эйкакштненень.

2011 иестэ республикань бюджетстэ квартирань рамамс явозель 26 миллиондо ламо целковоень покшолмасо субсидия.

Аволь умок Саранскоень Социальной политикань коряс департаментэсь ютавтсь Попечительской советэнь заседания. Опекунской советэнь ютавтомадо заседаниянть сермадстызе ошонь прявтось В.Ф.Сушков. Те советэнть пингстэ ютавтозель уроз эйкакштнень туртов квартирань максомань коряс жеребьевка.

Подробнее...
 
Одкстомтыть кудот, мазылгавтыть ульцят

Денис Викторович Тикшайкин Отяжелень муниципальной райононь Администрациянь строительствань, архитектурань ды ЖКХ-нь управлениянь прявтокс роботы аволь умок. Ялатеке сонзэ шкасто районсонть теезель ламо мезе од: мазылгавтозь ульцятне, одкстомтозь кудотне, киланготне вельтязь од асфальтсо. Течи Д.В.Тикшайкин минек инженек.

Денис Викторович, весень сельмс каявить одс теезь кудотне Атяшева поселкасонть. Кие умок арасель тесэ, кортыть, маряви, понгинек омбо масторов. Кода те Тыненк топавтовсь?

– Отяжелень районось 2008-2010 иетнестэ «О Фонде содействия реформированию ЖКХ» Федеральной закононть коряс ульнесь «Мордовия Республикань ламо квартирас кудотненень капитальной витнемань топавтомга» муниципальной программанть участникекс. 2008-2011 иетнестэ райононтень капитальной витнемань теемс сакшность 59,2 млн. целковойть.

Сехте ламо ярмакт явозельть ЖКХ-нь фондонть пельде (41,5 млн. целковойть) ды МР-нь бюджетстэ (14,1 млн. целковойть). Кавто миллионт макссь сонсь районось ды 1,6 млн. целковойть пурназельть кудотнень азортнэнь пельде. Неть ярмактнень лангс районсонть витнезельть ламо квартирас 36 кудот. 34 кудот витнезельть-петнезельть райцентрасонть, кавто кудот – «Сараст» совхозсонть. Кудотнесэ полавтозельть латотне, инженерной коммуникациятне, икелькстнэ вельтязельть профлистсэ. Тень кувалма, зданиятнесэ кармась седе лембе ды сынь пек мазылгадсть. Ялатеке, ремонттомо кадовсть эште ламо квартирас 28 кудот ды сынст витнемга-петнемга эрявить 65 млн. целковойть.

Подробнее...
 
Ламо эйкакшонь трицятненень - эрямо таркат

Саранск ошсо Пьянзовтнень покш семиясь эрясь Вокзальной куронь 4-це № кудосонть. Те эрямо таркась ашти овсе рельсатнень вакссо. Икеле неть квартиратнень теекшнизь чугункань ки лангсо важодицятнень туртов. Зярдо-бути тосо эрясь а покш семия, шкась ютась, эйкакштне кассть ды ней уш эрьванть эсензэ улить эйкакшонзо. Истя, вейке комнатань квартирас пуромсть мик вейксэ ломанть. Чарькодеви, сынь весе тов эзть кельге, секс од семиясь Владимир ды Ольга васенце эйкакшост чачомадо мейле тусть сиведезь квартирас.

Эйкакш пингесь

а шождаль…

Ольга Николаевна Пьянзова (тейтерькс Немова) чачсь-кассь Торбеева енксонь Морд. Юнки велесэнть ламо эйкакшонь триця семиясо. Тетяст, Николай Осипович, ды аваст, Василиса Сергеевна, трясть-кастасть сисем эйкакшт. Ольга сехте вишкинель, сонензэ ульнесть ансяк кемень иеть, зярдо семиясост апак учо лиссь кажо. Тетязо ды авазо автомашинасо ардомсто понгсть ки лангонь зыянов тевс. Аваст томбавкстнэде кулось. Нама, а шожда ульнесь Николай Осиповичнень ськамонзо кастомс сисем эйкакшт, секс шкань ютазь семиязост сась од ава. Кода кортыть народсо, эрьванть эсензэ уцясказо… Ольгань вишка пингстэ ульнесь покш мелезэ улемс врачокс. Ансяк те мелесь эзь топавтово. Стака ульнесь ярмаконь коряс, секс школанть прядомадо мейле тейтерькась тусь училищав микшницянь ды стыцянь тевенть тонавтнеме.

Шкань ютазь кшинь лавкасо микшницякс важодемстэ вастызе эрямонь ялганзо.

Подробнее...
 


Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...