Рубрикатор

Реклама и объявления
Апандыцятнень лангс – судс

Саранскойсэ поладовить важодематне жилищно-коммунальной услугатнень кис апандыцятнень марто. Сынст лангс каявить яволявтомат судс. Истя, ошонь Ленинской районсонть судс максозь 1160 искт 56 миллиондо ламо целковойс. Течинь чине эйстэст пандозь малав 2 миллионт целковойть. Кемекстазь 52 договорт долконь реструктуризациянть лангс. Теке марто 116 квартиратнесэ керязь электроэнергиясь.

 

Ленинской райононь прявтось Александр Юткин тешкстызе, покш робота ветяви муниципальной квартиратнесэ эрицятнень мартояк, конат а пандыть коммунальной услугатнень кис. Истя, те иенть ушодовомсто ошонь прявтонтень пшкадекшнесь Полежаевень куронь 161 кудонь домкомось. Сон ёвтнесь, вейке квартирань эрицятнень ЖКУ-нть коряс пек покш долкост. Райононь администрациясь апандыцятнень лангс каясь иск судс, штобу сынст паневлизь муниципальной эрямо таркастонть. Лиссь истя, неть эрицятне жилищно-коммунальной услугатнень кис эзть пандо 19 иень перть. Искень яволявтоманть получамодо мейле сынь сеске пандсть 215 тыщат целковойть.

Ошонь Пролетарской районсонть судс максозь 2607 искт (74,5 миллионт целковоень покшолмас). 986 яволявтоматнень коряс решения примазь 40 миллионт целковойс, 12 миллионт пандозь. Неень шкане ванновить эште 934 искт. 93 квартиратнесэ электроэнергиясь лоткавтозь.

Октябрьской районсо судс каязь 1271 яволявтома. Целанек долкось 65 миллионт целковойть, конатнень эйстэ течинь чис пандозь 16 миллионт целковойть. Муниципальной вейке квартирань эрицятнень лангс каязь иск панеманть коряс.

«Ламот эрицятне а колыть закононть ды ЖКУ-нть кис пандыть шкастонзо. Теке марто улить истят, конат неть пандоматнень а ловить эрявиксэкс. Арась сынст мелест важодемс ульцянь ванськавтыцякс, штобу эсь долконть роботамс. Неть кевкстематнень эрявить решамс», – мерсь мэрэсь.

Саранскойсэ поладови «Светофор» акциясь. Эрьва ков якстере конёв лангс печатавить 10000 квитанцият. Ансяк эрицятне тонадсть неть квитанциятнес ды сынст те а талновты. Ошонь прявтось мерсь жилищно-коммунальной услугатнень лангс счёттнэнь печатамс раужо конёв лангс.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...