Рубрикатор

Происшествия СВЯТКИНЭНЬ ИНЕ ТЕВЕЗЭ А СТУВТОВИ…
СВЯТКИНЭНЬ ИНЕ ТЕВЕЗЭ А СТУВТОВИ…

 

Аволь умок Мордовиясо ильтизь меельце килангов МР-со МВД-нь полициянь капитанонть, эрзянь паро цёранть Юрий Святкинэнь. Ледстясынек, те од ломаненть эрямозо сезевсь апак учо васоло Дагестансо, косо сон седейшкава, тевень содазь кандсь службанзо минек республикасто сводной отрядс совицятнень марто.

Февралень 15-це чистэ ГИБДД-нь инспекторось Юрий Святкин службанзо кандомсто вейсэ Дагестанонь полициянь лейтенантонть Давид Фаттаковонь марто лоткавтсть ВАЗ-2109 автомобиль, конась апак учо сезевсь… Кавонест цератне ламо томбавкстнэде маштовсть. Седеймарямонь валт Святкинтнэнь семиятненень ёвтасть Мордовия Республикань Прявтось В.Д.Волков ды Дагестан Республикань Прявтось Рамазан Абдуллатипов.

Ризксэнтень, МР-со МВД-нь эштё кото важодицят понгсть те кажонтень, ламот эйстэст ранязь. Неть: Валерий Кадаев, Сергей Мартьянов, Валерий Холодов, Сергей Марус, Алексей Кулясов ды Евгений Семушев.

Калмамонь чинь валскень 8 чассто Юрий Святкинэнь уловонть пачтизь Саранск ошонь Культурань кудос. Меельце ки лангов сонзэ ильтямо пурнавкшность республикань прявттнэ, виень (силовой) структурань руководительтне, мартонзо важодицятне, тиринь ёнксонь эрицятне (сон чачсь-кассь Дубенкабуень Поваделесэ).

Святкинтнэнь раськентень седеймарямонь валонь ёвтамо сакшность, МР-нь Госсобраниянь Председателесь В.В.Чибиркин, МР-нь Правительствань Председателесь В.Ф.Сушков, сонзэ полавтыцязо Г.П.Комусов, Главной Федеральной инспекторось М.С.Сезганов, Саранск ошонь округонь Администрациянь прявтось П.Н.Тултаев, МР-со МВД-нь министрась Ю.В.Арсентьев.

Трауронь митингенть панжизе МР-нь Правительствань Председателень полавтыцясь Г.П.Комусов. Седеймарямонь валтнэнь ёвтамодо мейле Геннадий Петрович кемевтинзе Ю.Д.Святкинэнь малавиксэнзэ те семиянтень лезксэнь максомадо, ськамост кажос а кадомадо.

МР-нь Прявтонть пельде пачтясь, кемекстазь решения 1,36 миллионт целковоень покшолмасо ипотекань долкост пандомадо.

Седе тов пурнавозтнень икеле кортась МР-нь МВД-нь министрась, полициянь генерал-майорось Ю.В. Арсентьев.

– Колмо ковдо икеле минь ильтинек полициянь сводной отрядонть Северной Кавказов. Ютксост ульнесь Юрий Святкингак. Сонзэ обуцясо стакачиде а пелемась, тиринь ёнксонть алкукс вечкемась, – мерсь Юрий Васильевич. – Сон свал васенцетнень ютксоль, аноколь топавтомс икелензэ путозь тевтнень. Максызе эрямонзо ялганзо идемга, эзизе нолда седеяк покш кажонть. Кулось масторонть вандынь чинзэ кисэ, кадовсь кемевикс присягантень ды долгонтень. Куломась саизе минек ютксто од, виев сотрудникенть.

Стака ульнесь неемс ды кунсоломс Юрань лелянзо, Владимир Святкинэнь, нурькине кортамонзо. Весемева неявсь, кодамо покш седейризкс кирди сон ялаксонзо апак учо маштовоманть коряс.

Весе, кить те чистэнть кортасть трауронь митингсэнть, тешкстасть, кодамо паро, панжадо ойме ды чевте седей ломанель Юрий Святкин. Сон чась-кассь Дубенкабуень Поваделесэ. 1999 иестэ РФ-нь МВД-нь Елабугань милициянь специальной средней школань прядомадо мейле трудовой пингензэ ушодызе тиринь енкссо Дубёнкань РОВД-нь милициянь участковой инспекторокс. Шкань ютазь тонавтнеманзо поладызе РФ-нь МВД-нь Нижегородской Академиясо «Юриспруденция» специальностень коряс. 2005 иестэ Саранск ошонь Октябрьской райононь ОВД-нь милициянь участковой инспекторокс. Иень ютазь саизь важодеме МР-со МВД-нь милициянь патрульно-постовой службас. Сонензэ ульнесть ансяк 37 иеть, эрямозо сезевсь овсе одсто.

Тетявтомо кадовсть кавто горнипов эйкакшонзо. Тейтеренстэнь Киранень кемень иеть, цёрыненстэнь Сашанень ансяк колмо. Кодамо стака ризкс неть читнестэ кирдить Юрий Дмитриевичень авазо, Алекесандра Андреевна, низэ, Елена Николаевна ды весе Святкинтнэнь раськесь. Кадык Пазось максы вийть ды цидярдома истямо покш кажос понгозь семиянтень.

Героекс маштовозь полициянь капитанонть Юрий Святкинэнь панихидась служавсь Феодор Ушаков лемсэ Кафедральной соборсо, калмизь Саранск ошонь 5 № калмазырьс.

Преступниктнень ды террористтнэнь каршо Юрий Святкинэнь бороцямонь ине тевесь кувать а стувтови кода Мордовия, истя жо Дагестан Республикатнень эрицятненень. Эдь сон максызе эрямонзо минек масторонь ломантнень сэтьмечист ванстомга, тенек уцяскав эрямонть поладомга.

 

В.Юдина

 

Новости

«Единая Россия» будет добиваться придания захоронениям участников боевых действий статуса «воинских захоронений»

Партия «Единая Россия» займется созданием реестра захоронений ветеранов боевых действий и придания им статуса «воинских захоронений». Это позволит сохранить память о тех, кто защищал интересы нашей страны в ходе боевых действий, не допустить повторного захоронения в этих местах. Об этом заявил секретарь Генерального совета Партии Андрей Турчак на встрече с членами Всероссийской общественной организации ветеранов «Боевое братство», которые обратились к нему с соответствующей просьбой.

Подробнее ...
 
Турчак об ответственности членов «Единой России», обновлении рядов и партийной учебе

Люди ждут от власти взвешенной и справедливой позиции, а самое главное – конкретных действий и решения проблем и честных поступков. Бездумно сказанное слово воспринимается людьми как оскорбление и бьет по репутации власти в целом, заявил секретарь Генерального совета «Единой России» Андрей Турчак в своем интервью «Известиям».

Подробнее ...
 
Терминалтнэ кармасть «кортамо» эрзякс

Ютазь иень декабрянь меельце читнестэ Сбербанконь Мордовиянь отделениянь офистнэс совицятне дивавтозельть вейке ёнкссонть: терминалтнэсэ, конатне максыть обслуживаниянь талонт, информациясь кармась невтевеме аволь ансяк рузонь кельсэ – эрзянь кельсэяк. Лямбирь велень Сбербанконь офиссэ жо панжовсь приложения татаронь кельсэ. Минек республикань эрицятненень истямо од лувось пек вечкевсь. Кода кортыть банконь сотрудниктне, те оштё вейке вишка эскелькс Сбербанконь социальной проектэнть топавтомасо, конась бажи ванстомс Россиянь раськетнень ёмиця кельтнень.

Подробнее ...
 
«Школа грамотного потребителя» поможет жителям Мордовии обезопасить себя при использовании бытового газа

Партийный проект «Единой России» «Школа грамотного потребителя» подготовил комплекс мер по безопасному использованию газа в быту. Об этом рассказал координатор проекта, руководитель «Центра общественного контроля в сфере ЖКХ Республики Мордовия» Алексей Кливер. 

Подробнее ...
 
«Единая Россия» привлечет депутатов к контролю за каждым объектом в рамках реализации нацпроекта «Безопасные и качественные автомобильные дороги»

«Единая Россия» закрепит за каждым объектом, на котором ведутся работы в рамках реализации национального проекта «Безопасные и качественные автомобильные дороги», конкретного депутата, чтобы отслеживать выполнение работ и расходование выделенных на них средств. Об этом сообщил в рамках правчаса в Государственной Думе зампредседателя комитета Госдумы по транспорту и строительству, координатор партийного проекта «Безопасные дороги» Владимир Афонский.

Подробнее ...