Рубрикатор

Происшествия Зыянов тевть
Зыянов тевть

Идесть ваиця ава

Мордовиянь идицятне таргасть эштё вейке ломань Луховкань сёлтстонть. Ваиця авась ульнесь симезь.

Зыянов тевесь лисcь ютазь недлястонть. Саранск ошонь округонь Октябрьской райононь 40 иесэ эрицясь кирнявтсь ведьс ды одов эзь лисе. Тень редизь малава укшниця ломантне ды пачтясть лисезденть идицянтень – Н.П.Огарёв лемсэ МГУ-нь студентэнтень Иван Ждановнень.

Цёрась чопавтсь ведентень ды таргизе аванть. Пляжсонть важодиця медсестрась Татьяна Тивертина тейсь медицинань васенце лезкс. Уцяскас, аванть эзь саво пачтямс больницяв. Кудов сонзэ саизе мирдезэ.

– Бути лисезь тевенть аволизь редя лия оймсицятне ды маласо аволь уле идиця, аванть аволь удала идемс, – тешкстызь МЧС-нь важодицятне. Ёвтызь, экшелямодо икеле иредстиця симемапелень копордамось – ведь лангсо маштовомань сехте сеедьстэ вастневиця тувтал.

 

велявтсть

пряст лангсо

Орданьбуе ёнксонь 9 классо кавто тонавтницятне томбавсть килангсо лисезь зыянов тевсэнть. Руленть экшсэ ульнесь тейтертнень эйстэ вейкесь.

Зыянов тевесь лиссь ютазь недлястонть Орданьбуе – Лесозавод кинть лангсо. Тейтересь, конанть арасельть праванзо ветнемс автотранспорт, велявтсь кюветс.

Зыянонть лисемадо мейле тейтертне ускозельть Орданьбуень больницяв. Автомобилень ветицясь медицинань лезксэнь явомадо мейле нолдазель кудов. Эштё вейке тейтересь томбавсь седе пек, сон путозель больницяв.

Лисезь тевенть коряс ушодозь административной правань коламодо тев. Ютавтовить ванкшномат. Автомобилень ветицясь ульнесь апак симе.

 

Манчесь 19 ломанть

Рузаевкань эрицясь чумондови квартирасо ремонтонь теемстэ манчематнень кисэ. Кода пачтясть МР-нь МВД-нь пресс-службасо, 28 иесэ цёранть манчемань тевензэ вельде зыян кирдсть Рузаевка ёнксонь 19 эрицят. Весемезэ ёмавкстнэнь покшолмаст     3 млн. 300 тыщат целковойть.

Лангс ливтезель, мошенникесь манчесь ломанть квартирасо ремонтонь тееманть кувалма. Сон вешнесь клиентт содавиксэнзэ вельде, сайсь кедьстэст ярмакт ды седе мейле эзь отвеча ломантнень гайневтемаст лангс. Максозь ярмактнень покшолмаст ульнесь 15 тыщасто саезь 1 млн. 200 тыщань покшолмасо.

Зярыя шкань перть цёрась кекшнесь Мордовиянь томбале. Оперативной вешнемань тевтнень вельде удалась редямс кекшнема тарканзо. Цёрась кундазель ды пачтязель Мордовияв.

Цёрась ёвтызе прянзо чумокс. Неень шкане тевесь максозь судс.

ранецт мчс-нть пельде

 

 

Донбассось течи – масторлангсо сехте «пси точкатнестэ» вейкесь. Боевой действиянь таркатнесэ эрицятне марить асатыкс эрьва мезень коряс.

Аволь васоло тонавтнема од иесь, эйкакштнень эрявить пурнамс школав. Мордовиянь МЧС-нь подразделениянь важодицятне эсь ярмак лангс рамасть Донбассонь эйкакштнень туртов 90 ранецт. Лиянь кажонтень мельтеме эзь кадово Саранскоень вейке лавкань администрацияськак. Предпринимательтне ранецтнэнь миизь пельпитнеде.

МЧС-нь сотрудниктне весе ранецтнэнь макссызь МР-нь Образованиянь министерствав, косо путыть эйзэст тонавтнемань кедьёнкст. Донбассов лезксэсь ильтяви Россиянь МЧС-нь гуманитарной конвоенть марто.

ютыцятненень – фликерт

2015 иень июлень 1-це чистэ саезь вийс совась киланга ардомань правилатнес совавтозь полавтомась, косо кортави: веть паксянь киланга молиця ломантнень улезт валдонь невтиця (светоотражающей) элементэст, конатненень мерить фликерт.

Кода тешкстызь Мордовиянь Госавтоинспекциясо, ней ошонь ды велень томбальга кичирева веть ютыцятненень эряви оршамопелезэст педявтнемс фликерт, штобу машинань ветицянтень седе парсте неявозо ялго молицясь.

«Неть элементтнэ лезэвть кода ялго молицянть, истя жо автотранспортонь ветицянть туртов. Сынь неявить ве ёндо, секс машинань ветицянть ули шказо лоткавтомс транспортонть», – тешкстызь УГИБДД-сэ.

 

Бути веть ялго молицянть арась фликерэзэ, сонзэ лангс путови 500 целковоень покшолмасо штраф.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...