Рубрикатор

Происшествия КОРРУПЦИЯСЬ ЯЛА КАСЫ
КОРРУПЦИЯСЬ ЯЛА КАСЫ

Августонь 25-це чистэ Саранскойсэ, Печатень кудонь пресс-центрасо ютась кругловой столь. Кортамось мольсь республикасонок коррупциянть каршо бороцямодонть. Журналисттнэнь марто вастовомо сакшность МВД-нь, следственной органтнэнь ды прокуратурань представительтне.

Коррупциянь коряс закононь колсематне меельце шкастонть вастневить пек сеедьстэ. Кода пачтясь МВД-нь представителесь Н.П.Тимошков те иенть ушодовомсто неень шкас республикань келес лангс ливтезь малав 300 уголовной тевть. Сехте ламотне эйстэст здравоохранениянь, образованиянь ды ЖКХ-нь сфератнесэ. Мордовиянь внутренней тевень министерствань сотрудниктне лангс ливтсть зярыя тевть, конатнесэ ломантнень чумондыть ярмаконь вешемасо. Эйстэст 9 тевть, косо ярмаконь суммась пек покш. Республикань келес сехте покш истямо тевекс ловови Мордовиянь ГИБДД-нь икелень прявтонть А.Шелудяковонь чумондомась. МВД-нь представителенть валонзо коряс, те уголовной тевесь прядовома лангсо ды курок карми ванновомо судсо.

Башка кортамо кругловой стольсэнть ульнесь эрицятнень ды правоохранительной органтнэнь коррупциянть каршо вейсэнь важодемадонть. Иеде иес ломантнень пшкадематне ламолгадыть. Улить ламо истят тевтькак, конатнень топавтомс лездасть эрицятне.

Меельцекс журналисттнэнь пельде максозельть ламо кевкстемат. Сынст лангс максозельть домка  ответт.

 

Н.Евдокимов

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...