Рубрикатор

Происшествия
А содавикс ломань марто туемась канды зыян

МР-нь МВД-сэ ютась Кругловой столь, косо кортамось мольсь минек эйкакштнеде. Вастовомантень сакшность «Поиск 13 регион» вешнемань-идемань отрядонь МР-нь общественной вейсэндявксонь прявтось Н.В.Романчева, Саранск ошонь округканть  Россиянь УМВД-нь 1№ полициянь отделэнь кемгавксово иеде седе вишкинетнень тевест коряс отделениянь прявтонь тевтнень топавтыцясь Е.В.Мигачева ды МР-нь МВД-нть юрсо общественной советэнтень совицясь, врачось-психотерапевтэсь В.Г.Самылин.

Россиянь покш оштнесэ ульнесть зыянов тевть, зярдо парксо эли косояк лия оймсемань таркасо эйкакштнень салсесть. Кода сынст идемс? Кода тонавтомс, илязт туе а содавикс ломань марто? Теде ульнеськак кортамось.



Подробнее...
 
Полицейскойтне идизь эйкакшонть

Саранскойсэ полицейскойтне идизь вете ковонь эйкакшонть – ормазкадозь тетясь снартнесь ёртомс тейтерьканть вальмава колмоце этажсто.

Вейке кедьсэнзэ тейтерьказо, омбоцесэнть – покш пеель. Иредьстэ цёрась тандавтнесь керямс эйкакшонть ваныцятнень сельме икеле, уцяскантень, правтызе пееленть. МЧС-нь сотрудниктне балкононть алов ацасть идемань куб ды батут. Зярдо полицейскойтне кармасть шабрань балконсто малавгадомо азарсь цёрантень, сон седеяк азаргадсь ды ёртыксэлизе эйкакшонть. Участковоесь полициянь лейтенантось Василий Мартынов, кона кортась, мерсь оймамс, кирнявтсь балкононтень, тесэ тензэ кенерсть лездыцят – старшей лейтенантось Виктор Ковальчук ды МЧС-нь подполковникесь Руслан Алукаев.

Кода ливтезель лангс, азаргалиця цёрась ульнесь уш аволь весть судязь.

Эйкакшось пачтязь медицинской учрежденияв, – пачтясть Мордовия Республикава МВД-стэ.


Подробнее...
 
Пачтить МВД-стэ: «Газконтролень» важодицятне кундазь!

Неть читнестэ МР-нь МВД-сэ ютась вастовома, ков тердезельть минек ёнкссо СМИ-сэ важодицятне. Тесэ ёвтнесть манчицянь покш группань кундамодо. Теде пачтясть МВД-нь Экономической безопасностенть ды коррупциянть каршо бороцямонь управлениянь отделэнь прявтось, полициянь подполковникесь А.П.Вдовин ды МВД-нь Следственной управлениянь Следственной частень прявтонь полавтыцясь, юстициянь подполковникесь А.П.Калигин.



Кортамось моли «Газконтроль» фирмадонть, кона меельце шкасто манчесь пек ламо ломанть. Важодицятне якасть кудова, лемдсть эсь пряст газонь службасо роботыцякс. Сеедьстэ сынь совсесть ансяк сеть квартиратнес, косо эрить пенсионерт, инвалидт, Ине Отечественной войнань участникть. Совамсто невтильть удостоверения, лангсост оршазь специальной оршамопельть. Сеске ушодыльть ломантнень кортавтомо ды тандавтнеме: эряви тенк рамамс загазованностень сигнализаторт ды пожаронь качамонь регистраторт. Бути а раматадо – тынк учи штраф эли жо палтадо! Паро, мелявтыть кисэнек, ансяк мекс-бути оборудованияст кеменьксть питниявтозь! Сигнализатортнэнь кисэ вешсть 6990 целковойть, регистратортнэнь – 2990. Сынсь жо микшницятне-манчицятне рамизь сынст 600 ды 300 целковоень питнесэ.

Августонь 8-це чистэ МВД-нь Экономической безопасностенть ды коррупциянть каршо бороцямонь управлениянь, Следственной управлениянь Следственной частень, РФ-нь ФСБ-нь Управлениянь ды Росгвардиянь важодицятне кундызь преступной группанть, сонзэ ветицянть ды активной участниктнень. Группань прявтось кармась индивидуальной предпринимателекс, сиведсь покш офис, пурнась важодицят, тонавтсь, кода манчемс ломантнень.

Оперативно-розыскной тевтнень вельде пурназь материалтнэ максозь ванномс МР-нь МВД-нь Следственной управлениянь Следственной частень Управленияв. РФ-нь УК-нь 159 статьянь 4-це пельксэнть коряс вейксэ ломантнень лангс панжозь уголовной тев.

Манязь 60-де ламо ломанть ды сынст пельде малав 350 тёжат целковойть. Неень шкане следственной тевтне поладовить, вешневить зыянс понгозь ломантне, чарькодеви, сындест седеяк ламо (теде кортыть нельгезь документтнэ).

МР-нь МВД-сь пшкади весенень, кинь манинзе преступной те группась, кить рамасть кедьстэст газонь ды качамонь извещательть. Пшкадеде эсенк эрямо таркань коряс внутренней тевень органтнэс!

Журналисттнэнень истя жо пачтясть, кода Зубова-Полянань районсо прядовсь уголовной тевень ванномась аволь алкуксонь ярмаконь тевс нолдамонь коряс. Вал сайнесь МР-ва МВД-нь Экономической безопасностенть ды коррупциянть каршо бороцямонь управлениянь отделениянь прявтось, полициянь майорось Н.А.Григорькин.

Зубова-Полянань вейке эрицясь важодсь Московонь рынкасо. Весть, важодеманзо кисэ сонензэ пандсть 24 тёжат целковойть. Ярмактне ульнесть 2000 тёжань номиналсо ды весе сынь аволь алкуксонь. Цёрась сеске эзинзе ванно сынст. Ансяк зярыя чинь ютазь, кудов самодо мейле, редизе, ярмактне аволь алкуксонь, мендявома таркатнестэ артовксось пры-певери. Тень лангс апак вано, сон эзь моле полицияв. Арсесь сынст лангс мезеяк рамамс.

– Вейке купюранть лангс сон рамась райцентрасто сигаретат ды ярсамопельть. Микшницясь мезеяк эзь редя, макссь сдача. Цёрась кецязевсь. Омбоце чистэнть сон мольсь кинень-бути чачома чинь тешкстамо, ялганек сыргасть автозаправочной станцияв. Тесэ сон рамиксэль сигаретат ды бензин. АЗС-нь важодицясь сеске редизе, кавто тёжань ярмакось аволь алкуксонь, ёвтась теде азоронтень ды мерсь максомс сынст полицияв. Цёрась лиссь тосто ды сезнинзе аволь алкуксонь ярмактнень, – пачтясь Н.А.Григорькин.

Кассиршась ёвтась те тевденть полицияв. Цёранть кундызь. Ней сон чумондови РФ-нь УК-нь 186 статьянь 1-це пельксэнь коряс (аволь алкуксонь ярмаконь теемась, ванстомась, ускомась ды пандомась). Кода ёвтнесть МВД-сэ, ярмактнень лангс ванозь, сеске неяви – сынь аволь алкуксонь, конёвось олазь, артовксось певери. Кода чумондови 30 иесэ цёрась? – Теде карматано содамо судто мейле. Аволь алкуксонь ярмактнень кисэ кавксо иес пекстыть тюрьмас.

 

Татьяна Маторкина

14.08.2019

 
Манчицятне салыть ярмактнень банконь картасто

Пачтить МВД-стэ

Меельце шкане картасто ярмаконь саламотне ламолгадсть. Седе сеедьстэ марят истят кулят. Уш зяро кортазь ломантненень, сынь ялатеке манявить, кода одтнэ, истя сыретнеяк. Кие тенст а гайневти, весенень кемить. Сеске максызь PIN-кодонть ды лиядыть ярмактомо. Саемга, бути тенк гайневти Московонь номер, кона ушодови 495 кодсто, мезекс саемс телефононть? Кие гайневти истямо номерстэ? Ялганк, малавиксэнк, содавиксэнк? Улить истят? Манчицятне, коень коряс, гайневтить кавксть, колмоксть теке жо номерстэнть эли ансяк меельце цифратне полавтозь. Арседе, максомс-арась каршо вал. Бути понгиде, илядо эрязкадо кортамо, пшкадеде малавиксэнк, эйкакшонк эли нуцьканк туртов. Аволь умок преступниктне манясть Мордовиянь зярыя ломанть. Сынь гайневтнесть, лемдсть пряст банконь важодицякс ды ёвтылизь ломантнень лемест, фамилияст ды натой пачтясть, кинь зяро ярмакост картасо. Кода а кемемс? Мезе те ульнесь? Косто манчицятне саизь неть даннойтнень?

Аволь умок Саранскоень 1№ полициянь отделэв пшкадсь 28 иесэ тейтерь-ава. Сон пачтясь, телефонга гайневтсь тензэ цёра, лемдизе прянзо банконь важодицякс, манчезь сон салынзе банконь картасто 20 тёжат целковойть ярмаконзо. Полициясо сеске чарькодсть, манчицятне тевест тейсть содазь киява: гайневтсть тейтерь-авантень, алтасть ванстомс сонзэ салыцятнеде, кевкстизь, кодамо паролесь ды лия реквизиттнэ, авась ёвтынзе, истямо лувсо ярмактнень салызь.

Республикань полицейскойтне тагояк пшкадить эрицятненень а манявомс, а кемемс эрьва гайневтицянтень, ванстомс персональной даннойтнень.

Васняяк, а эряви тенк гайневтемс сеть номертнэс, конатнень кучизь смс-пачтямотнесэ. Банконь важодицятнень марто кортамось эрси вастовомсто чамадо чамас, эли сеть телефонтнэва, конат невтезь банконь карточканть лангсо.

Кирдеде мельсэнк, банктне зярдояк а кучнить сообщеният картань блокировкадо, телефонга кортамсто а вешить клиенттнэнь салавань информация ды код. Банконь важодицятне телефонга зярдояк а пачтить банконь картань блокировкадо. Киненьгак илинк ёвта картань PIN-кодонть ды CVV2-кодонть (неть цифратне аштить картань омбоце ёно), илядо пачтя шканть, зярс карми важодеме картась ды персональной даннойтнень. Кинь ули мелезэ кучомс тенк ярмакт, эряви ансяк картань 16 тешксэнь номерэсь, кона ашти картанть лангсо. Зярдояк илядо кирде PIN-кодонть картанть вакссо!

Банконь картасто ярмаконь саламотнень коряс МР-нь МВД-сэ ютась вастовома, ков сакшность кредитно-финансовой организациянь безопасностень службань важодицятне. Промксонть ветясь МР-ва МВД-нь министрань тевень топавтыцясь, полициянь полковникесь Олег Шилов. Сон ёвтнесь, кода салыцятне манчить Мордовиянь эрицятнень дистанционной лувсо, кода моли те категорияванть уголовной тевтнень ветямось.

Меельце кото ковтнень перть республикасонок ульнесть эрицятнень банконь картасто ярмаконь 411 саламот. Сынст ютксто ваннозь 55 тевть. Неть преступлениятнень ванномась правоохранительной органтнэнь туртов ашти прявт тевекс. Нама, сыненст эряви важодемс вейсэ банконь учреждениятнень мартояк.

«Эряви шкастонзо пачтямс ломантненень банконь картасто саламонь тевтнеде, истямо лувсо, паряк, а кармить манявомо. Преступниктне тевс нолдыть манчемань од технологият, сынст мельга эряви пштистэ ваномс банктненень ды правоохранительной органтнэнень», – кортась Олег Шилов.

Полициянь важодицятнень валост коряс, ломантне а содыть, кода салавить ярмактне карточкасто. Сыненст эряви пачтямс, ёвтнемс саламонь тевтнеде, кода а манявомс, паряк, нолдамс ды явшемс памяткат, невтемс банконь нупальтнесэ мониторсо видеороликть, кучомс профилактической куля марто смс-сообщеният.

Илядо маняво, илинк максо ярмаконк кие соды кинень!

 

Татьяна Маторкина

 
Ванодо пштистэ! Илинк максо прянк манямс!

Неть читнестэ МР-ва МВД-сэ ютавтовсь брифинг, кортамось мольсь регионсонть мошенничествань тевтнень каршо бороцямодонть. Журналисттнэнь марто вастовкшность МР-ва МВД-нь Уголовной розыскень управлениянь прявтонь полавтыцясь Сергей Портнов ды МР-ва МВД-нь Уголовной розыскень управлениянь пек эрявикс тевтнень коряс оперуполномоченноесь Дмитрий Костькин.

Подробнее...
 
<< Первая < Предыдущая 1 2 3 Следующая > Последняя >>

Страница 1 из 3

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.