Рубрикатор

Правительство РМ
Казнеть ламо эйкакшонь трицятненень

Ноябрянь меельце недлячистэнть масторонть келес тешкстави Авань чись. Тень коряс ютазь пецястонть Мордовия Республикань Прявтось В.Д.Волков вастовкшнось ламо эйкакшонь триця аватнень марто. Торжественной мероприятиясь ютась Республикань Кудосонть. Владимир Волков казинзе ламо эйкакшонь триця аватнень Мордовия Республикань Прявтонь I-це, II-це ды III-це степенень Почётонь дипломсо. Сеть мирдтненень-нитненень жо, конат эрясть вейсэ 25 иеде ламо, максовсь «За любовь и верность» медалесь.

Подробнее...
 
Владимир ВОЛКОВ: «ТЕДЕДЕ РЕСПУБЛИКАСОНТЬ НОЛДАВИ 150 ТЫЩАТ ТОННАТ НАРМУНЕНЬ СЫВЕЛЬ ДЫ 1 МЛРД. 250 МЛН. АЛТ

Ноябрянь 25-це чистэ Мордовиянь Прявтось вастовкшнось Россиянь Нармунень трямонь союзонь президентэнть, Весероссиянь научно-исследовательской ды нармунень трямонь технологической институтонь прявтонть, Россиянь Велень хозяйствань Наукань академиянь академикенть Владимир Фисинин марто. Вастовомасонть истя жо ульнесть МР-нь Правительствань Председателесь Владимир Сушков, сонзэ васенце полавтыцязо – велень хозяйствань ды продовольствиянь министрась Владимир Сидоров, «Октябрьская» агрофирмань прявтось Иван Андин.

Подробнее...
 
ВОЛКОВ ТЕЙСЬ ДОКЛАД РФ-нь ПРАВИТЕЛЬСТВАНТЬ ТУРТОВ

2018 иень Футболонь  масторлангонь чемпионатонтень анокстамодонть кортамось мольсь Московсо октябрянь 7-це чистэ Россиянь Правительствань  васенце вице-премьерэнть Игорь Шуваловонь кедьсэ. Промксонтень якась Мордовиянь Прявтось Владимир Волков. Сон ёвтнесь седе, кода республикась арси вастомс футболонь первенствань матчтнень. Эряви тешкстамс, ютавтозь роботадонть доклад тейсть ансяк кавто регионт – Мордовиясь ды Самарань областесь, – конатнесэ анокстамонь лувось ловови сехте эрязакс.

Учовиця футболонь кенярксчинть сехте покш объектэсь – 45 тёжат таркас стадионось. «Проектно-сметной документациясь лангозонзо максозь Россиянь Главгосэкспертизас, весе эрявикс полавтоматне совавтозь, ды эксперттнэнь валдост мейле объектсэнть ушодови строямось. Неень шкане стадионсонть тевтне ушодозь, ветявить инженерэнь коммуникацият, строямонь механизмат», – тешкстызе Владимир Волков.

Подробнее...
 
Владимир Волков – вадрятнень ютксо


Мордовиянь Прявтось Владимир Волков совась Равчирень федеральной округонь субъекттнэнь колмо сехте вадрясто важодиця прявттнэнь юткс. Истят невтевкстнэ «Губернаторонь комплексной рейтингенть», конань анокстызе «ФедералПресс» информагентствань рейтингово-аналитикань отделэсь.
Рейтингенть молема шкастонть кевкстнезельть 40 ламо экспертт, ютксост – Россиянь социологиянь ды политологиянь агентствань прявтт, покш уровнянь икелень чиновникть ды региональной ведущей политологт. Региононь эрьва прявтонтень ниле параметрань коряс респонденттнэ путсть оценкат кемень баллонь шкаланть коряс – вертикальсэнть важодеме маштомачинтень, таркава элитанть марто строязь отношениятненень, бизнесэнтень парсте лездамонтень ды социальной сферасонть важодемантень. Эксперттнэнь башка мелест явозель экономиканть виевгавтоманзо коряс губернатортнэнь важодемантень.
Итогтнень теемадо мейле кармась содавомо – Мордовиянь Прявтось Владимир Волков совась ПФО-нь сехте вадрясто важодиця колмо губернатортнэнь юткс. Икелень исследованиятнень коряс Мордовиянь Прявтось кузсь колмо позициядо.
Рейтингень васенце таркас лиссь Татарстанонь президентэсь Рустам Минниханов, омбоце таркас – Нижегородской областень губернаторось Валерий Шанцев. Мордовиянь Прявтось Владимир Волков – колмоцесэнть.
Мордовиянь экс-прявтось, ней Самарань областень губернаторось Николай Меркушкин зани рейтингень кавксоце строчканть. Меельцесэнть, 14-це таркасонть, Кировской областень руководителесь Никита Белых.

 
Юбилей марто, Владимир Дмитриевич!

Сентябрянь 7-це чистэ Мордовия Республикань Прявтось В.Д.Волков тешкстызе 60 иень юбилеензэ. Чачсь Владимир Дмитриевич Краснослободской енксонь Красная Подгора велесэ. Школасо тонавтнемстэ вечкевикс предметэнзэ ульнесть физикась ды математикась. Секскак сон кувать эзь арсе седе тов специальностень кочкамонть коряс. Краснослободскоень средней школанть прядомадонзо мейле Владимир Дмитриевич максынзе документэнзэ Н.П.Огарев лемсэ МГУ-нь электроникань ды автоматикань факультетс, конань прядызе 1976 иестэнть. Теде мейле поладызе тонавтнеманзо теке университетэнь строительной факультетсэ. Студентэкс улемстэ Владимир Дмитриевич покш мель явсь общественной важодемантень. 1976-1986 иетнестэ ульнесь «Архимеды» студентэнь строительной отрядонь командирэкс, Мордовиянь университетэнь ВЛКСМ-нь комитетэнь секретарекс, Мордовиянь республикань студентэнь строительной отрядонь командирэкс, ВЛКСМ-нь Саранскоень ГК-нь васенце секретарекс. Владимир Дмитриевич ламо шка ды вийть алтась студенттнэнь марто важодемантень, сынст мелест-арсемаст ванстомантень. Тень редясть студенттнэяк. Строямонь отрядтнэ важодсть алкуксокс, весе виест ды ёрокчист путозь. Тень несть важодема таркань максыцятнеяк, секскак эзть пеле максомс тенст сехте стака объекттнэнь. Велесэ важодемстэ, студенттнэ лездасть эрицятненень тикшень анокстамосо, сюронь пурнамосо, школань витнемасо-петнемасо.

Подробнее...
 
<< Первая < Предыдущая 11 12 13 14 15 16 Следующая > Последняя >>

Страница 15 из 16

Новости

20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...
 
Эрзянь моротне гайгсть омбо масторсо

Швейцариянь Тоггенбургс пурнавкшность Европасто ды масторлангонь эрьва кодамо масторсто исполнительть. Тосо ютась «Природный голос» раськеютконь вокальной фестиваль. Россиянь вейкине представителекс тосо ульнесь Мордовиянь «Мерема» фольклорной группась, конась эсь морамосонзо токакшнынзе седеест ваныцятнень Финляндиясо ютавтозь теке фестивальсэнть. Ды швейцарецтнэ тердизь Екатерина Модинань прявтсо «Мерема» группанть эстест. Эдь сынст творчестваст пек лади музыкальной форумонь форматонтень. Фестиваленть лиятнень ёнов амолемачись сеньсэ, весе вокалисттнэ – хортнэяк, солисттнэяк, невтить национальной фольклор седямопелень тевс апак нолда.

Подробнее ...