Рубрикатор

Правительство РМ
Изнямонь аллея

 

Саранскоень «Химмаш» микрорайононь эрицятне ков ансяк эзть пшкале культурань ды оймсемань парконь теемань коряс. Истят таркат улить Юго-Запад, Светотехстрой микрорайонтнэсэ. Вана Химмашсо арасель. Ды, окойники, эрицятнень мелест-арсемаст маризь республикань прявттнэ.

Ютазь субутасто Химмаш микрорайононь Ярославской ульцясо озавтозель Изнямонь аллеясь. Те – «Изнямо» культурань ды оймсемань парконь теемань ушодксось.

Подробнее...
 
Од ломантне – минек вандынь чинек

 

Аволь умок Республикань Кудосо ютавтовсь кенярксов вастовома. Тесэ явшевсть Россиянь Президентэнь ды Мордовия Республикань Прявтонь грантт сеть од ломантненень, конат невтизь содамочист-ёрокчист весероссиянь ды республикань олимпиадатнесэ, пелькстамотнесэ. Лембе вал марто пуромозтненень пшкадсь Мордовия Республикань Прявтось В.Д.Волков:

Теевсь вадря коекс эрьва иестэ ютавтнемс истят мелень кепедиця вастовомат республикань сехте вадря тонавтницятнень, студенттнэнь, спортсментнэнь марто. Неень шкане масторонь политикань прявт тевтнестэ вейкесь – вадря образованиянь максомась. Самай тынь – минек вандынь чинек, тынь карматадо покш виекс, конась кемекстасынзе масторонь ды республикань экономиканть, науканть, культуранть.

Подробнее...
 
ОРДАНЬБУЕСЭ – ОД ПРЯВТ

 

Владимир Волков примась участия Орданьбуе ёнксонь депутатонь Советэнь сессиянть важодемасо. Чинь повесткантень совавтозель вейке кевкстема – администрациянь прявтонь кочкамось. Те таркантень ёвтазельть кавто кандидатурат. Кочкамонь итогтнень коряс ладязель Александр Николаевич Антипов, райононь прявтонь тевтнень топавтыцясь, социальной кевкстематнень коряс администрациянь прявтонь полавтыцясь.

Подробнее...
 
Главной федеральной инспекторокс ладизь М.С.Сезгановонь

Апрелень 6-це чистэ Республикань Кудосо ютавтовсь промкс, конась алтавсь МР-со Главной федеральной инспекторокс М.С.Сезгановонь аравтомантень.

Те кенярксов тувталонть коряс Мордовияв сакшнось РФ-нь Президентэнть Равчирень федеральной округсо полномочной представителень полавтыцясь О.В.Мельниченко. Промксонть панжомсто сон тешкстынзе М.С.Сезгановонь обуцянь паро ёнкстнэнь, тевензэ парсте топавтомо маштоманть, республиканть лезэс ламо иень перть важодеманть.

Подробнее...
 
Комиссиянь промкс

Республикань Кудосо неть читнестэ ютавтовсь региональной комиссиянь промкс экономикань касомань-кепетемань ды социальной кемечинь топавтоманть коряс. Комиссиянь члентнэ ваннызь 2015 иестэнть мероприятиятнень топавтома аравтлувонть. Целанек тешкстазь 81 мероприятия, конатнень лангс арсеви ютавтомс 10814,8 миллионт целковойть. Документсэнть тешкстазь ниле пелькст: экономиканть касомась-кепетемась, экономикань отраслятненень лезксэнь максомась, экономикасо ды социальной сферасо тевтнень мониторингесь. Теке марто тешкставсь, аравтлувонтень мереви совавтомс полавтомат.

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 10 из 14

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...