Рубрикатор

Правительство РМ
ГОРЯЙНОВКАСО – ЭЙДЕНЬ КУЖО

Россиянь кенярксчистэнть Горяйновка велень эрицятненень покш казнекс ульнесь эйдень од кужонть панжомась. Те кенярксов тевенть коряс тов сакшность Мордовия Республикань Прявтось В.Д.Волков, Саранск ошонь округонь Администрациянь прявтось П.Н.Тултаев. Сынст покш мельспаросо вастызь Горяйновка велень эрицятне. Те чистэнть ламот тов састь эйкакшост, нуцькаст марто. Ды те астяко. Кемень иеде ламо шкань перть сынь учость те покш тевенть, усксесть эйкакшост маласо велетнева. Кодгемень таркас школав туемадо икелень учреждениясь теезь пек парсте.

МР-нь Прявтось В.Д.Волков эйдень кужонть панжомсто тешкстызе се паро ёнксонть, зярдо семиясо чачи омбоце, колмоце эйкакш. Эдь тень вельде виевгавтови масторось, решавить ламо стакачить. Тень ловозь, тетятненень-аватненень арсесь седе ламо эйкакшт. Эсь ёндо алтась эштё ламо эйдень кужонь ды школань стявтомадо.

– Неень шкане эйдень кужотне совавтовить общей образованиянь системас. Школасо тонавтнемадо икелень анокстамось ванкшнови кода средней ды профессиональной образованиянь пелькс, – мерсь В.Д.Волков. – Тень мельсэ кирдезь, минь покш мель явтано эйдень кужотнень кепедемантень.

Подробнее...
 
ВОЛКОВ ВАСТОВКШНОСЬ МЕДВЕДЕВ МАРТО

Июнень 5-це чистэ Мордовиянь Прявтось Владимир Волков якась Ростов-на-Дону ошов продовольствиянь безопасностень Весероссиянь форумов. Те форумсонть ульнесь Россиянь Правительствань Прявтось Дмитрий Медведевгак. Сон ванкшнынзе регионтнэнь экспозициятнень, пачколесь Мордовиянсентеньгак. Экспозициянть Медведевнень невтнизе сонсь республикань Прявтось Владимир Волков. Сон ёвтнесь тензэ минек региононть аграрной отраслядонть, кодат задачат сон путсь икелензэ сыця иетнес.

Подробнее...
 
«ВЕЛЬХОЗТЕХНИКАНТЬ КАРМАТАНО РАМАМО РОСТОВОНЬ ПРОИЗВОДИТЕЛЬТНЕНЬ КЕДЬСТЭ»

Мордовиянь Прявтось Владимир Волков ульнесь продовольственной безопасностень Весероссиянь васень форумсонть, кона ютавтовсь Ростов-на-Дону ошсо.

Июнень 4-це чистэнть Владимир Волков вастовкшнось Ростовонь областень губернаторонть Василий Голубев марто. Регионтнэ кемекстасть экономикасо, наукасо ды культурасо вейсэнь важодемадо од соглашения. Васняяк жо кортамось мольсь АПК-нь сферасонть важодемадонть. Губернаторось Василий Голубев тешкстынзе Мордовиянть вадря тевензэ велень хозяйствасонть, теке марто мерсь, Ростовонь областенть туртов вадря невтемакс карми республиканть опытэзэ ловсонь ламолгавтоманть туртов ракшатнень трямосонть ды нармунтнень кастомасонть.

Подробнее...
 
СТАДИОНОНТЕНЬ МАКССТЬ ЛЕМ «МОРДОВИЯ АРЕНА»

Июнень 2-це чистэ Республикань Кудосо ютавтовсь 2018 иень Футболонь коряс масторлангонь чемпионатонтень анокстамонь коряс организационной комитетэнь промксось. Сонзэ важодемасо примасть участия Мордовия Республикань Прявтось В.Д.Волков, МР-нь Государственной Собраниянь Председателесь В.В.Чибиркин, МР-нь Правительствань Председателесь В.Ф.Сушков, МР-нь Главной федеральной инспекторось М.С.Сезганов, МР-нь Правительствань Председателень полавтыцясь – Целевой программань министрась А.Н.Меркушкин, республикань министерстватнень ды ведомстватнень прявттнэ.

Подробнее...
 
Од продукциясь кемекстасы промышленностенть

 

Маень 14-це чистэ «Саранский телевизионный завод» ОАО-сонть ютавтовсь Мордовия Республикань Прявтонть юрсо промышленной предприятиятнень директортнэнь Советэнь промксось. Роботанть ушодовомадонть икеле пурнавозтне теевсть содавиксэкс предприятиянь од прявтонть Андрей Серебряков марто.

Васняяк Мордовиянь Прявтось Владимир Волков содавтынзе весе цехтнень ды ваннынзе листообработкань участканть, механической производстванть туртов оборудованиянть. Эряви меремс, предприятиянь цехтнес аравтнезь неень шкань технологической оборудования. Производстванть ванномсто Мордовиянь Прявтонть марто ульнесть лия предприятиянь руководительтнеяк. Мертяно, бути экономикасо улить стакачить, предприятиянть касомасо-кепетемасо лезды сбытэнь од рынкатнес ютамось. Невтемакс, овсе од продукциянь нолдамонтень ютамось. «Саранский телевизионный завод» ОАО-сонть те ульнесь теезь. Тесэ эрязасто топавтыть оборонной кармавтоматнень ды теке шкастонть тонавтнизь насосной агрегаттнэнь нолдамонть. Те продукциясь эрявикс «Газпром» компаниянтень.

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 8 из 13

Новости

Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...
 
Апандыцятнень лангс – судс

Саранскойсэ поладовить важодематне жилищно-коммунальной услугатнень кис апандыцятнень марто. Сынст лангс каявить яволявтомат судс. Истя, ошонь Ленинской районсонть судс максозь 1160 искт 56 миллиондо ламо целковойс. Течинь чине эйстэст пандозь малав 2 миллионт целковойть. Кемекстазь 52 договорт долконь реструктуризациянть лангс. Теке марто 116 квартиратнесэ керязь электроэнергиясь.

Подробнее ...
 
Кода уштовить кудотне?

Саранскоень мэрэнть кедьсэ промкссонть кудотнень уштоманть коряс кевкстемась кармась сехте пштикс. Администрациянь прявтонь васень полавтыцянть, Ошонь хозяйствань департаментэнь директоронть Алексей Егорычевень валонзо коряс, Саранскойсэ ламо квартирас весе кудотнесэ ули лембесь. Ансяк улить мелявкст зярыя стояктнень коряс, кевкстемась решави.

Подробнее ...
 
Вадрятнень ютксо

Политикань ды экономикань коммуникациятнень агентствась нолдась РФ-нь субъекттнэнь прявттнэнь рейтинг. Сентябрянь цётамотнень коряс Мордовиянь Прявтось Владимир Волков совась вадря губернатортнэнь юткс ды саизе 19-це тарканть. Меельце ковонть перть сон кемекстызе те тарканть кавто пунктс.

Подробнее ...