Рубрикатор

Правительство РМ Краснослободскоень райононтень – 90 иеть
Краснослободскоень райононтень – 90 иеть

Субутасто МР-нь Прявтось В.Д.Волков якась Краснослободскоень районов. Сон ёвтась поздоровт эрицятненень райононтень 90 иетнень топодеманть кувалма. Ульнесь «Мокша» АПО ООО-со, содавтынзе Краснослободскойсэ 450 таркас школань строицятнень.

Владимир Волковонь районсонть улемань чизэ ушодовсь райцентрасо прявт площадьсэнть кенярксчинь мероприятиятнень ванкшномсто. Кенярксчинтень пурнавкшность Краснослободскоень тёжат эрицят ды райононь инжеть. Краснослободскоень художественной самодеятельностень участниктнеде башка ульнесть Мордовиянь госфилармониянь артисттнэ. Краснослободскоень райононть икелень ды течинь эрямодонзо тееват содавиксэкс фотовыставканть вельде. Кенярксчинтень сыцятне ванкшнызь райононь кедьчелькев ломантнень важодевксэст.

 

Краснослободскоень райононь эрицятненень ды инжетненень пшкадемстэ МР-нь Прявтось мерсь: «Течи минь тешкстатано райононть 90 иетнень. Весе седейстэ ёвтан поздоровт тыненк юбилеенть кувалма! Тиринь ёнксов самось монень свал покш кенярксчи. Тесэ вастован оянь, малавиксэнь марто. Краснослободскоень райононь моданть прявт сюпавчизэ свал ульнесь ды кармить ломантне.

Минь мельспаросо ледстнетяно Иван Михайлович Севостьянов меценатонть, кона малав весе сюпавчинзэ максынзе Краснослободскоенть 1818 иень пожардонть мейле кепедемантень.

Краснослободскоень модась кастызе советской спортонь легенданть, олимпийской чемпиононть Пётр Григорьевич Болотниковонь ды ламо, ламо паро ломантнень.

Покш мелем ёвтамс тыненк, вечкевикс Краснослободскоень эрицят, покш сюкпря сень кисэ, тынь тесэ эрятадо, парсте важодтядо ды славатадо эсь моданк!

Меельце иетнестэ районсонть теевсть покш полавтомат вадря ёнов экономикасо ды социальной сферасо, вадрялгадсть трудонь ды бытэнь условиятне. Краснослободскоень эрицятне маштыть важодеме, теить семият ды эсь вандынь чист сюлмить тиринь моданть марто».

В.Д.Волков тешкстызе, райононть виевгавтомасо покш путовксост промышленной ды велень хозяйствань предприятиятнень, вете иес теезь сядо ведьгеменде ламо важодемань таркат, тевс нолдазь 2 миллиардт целковойть инвестицият. Районсонть строявить ракшань комплекст. Вете иес Краснослободскоень районсо 12% кассь сывелень производствась ды 11% – ловсонь. Районось секе-тев республиканской трудовой пелькстамотнесэ сайни васенце  таркат ловсонь саемань коряс. Мелят потявтозь 37000 тоннат ловсо.

«Районсонть улить вийть скалсто седеяк ламо ловсонь саемань коряс ды уш тедеде Гумны велесэ ушодыть 2400 потявтовиця скалс ловсонь комплексэнь строямо. Поладови 6300 тувос тувонь комплексэнь строямось, конань питнезэ 4 миллиардт целковойть. Арсеви теемс 170 важодемань од таркат», – тешкстызе Владимир Волков.

Краснослободскоень районсо виевгадсь социальной сферась. Вете иес строязь эрямонь таркат 40 тёжат кавонзазь метрат, сэнь уштомапель ветязь малав весе велетнес. Меельце иетнестэ строязь Рузонь Маскина велесэ социальной центра, Пригороднойсэ ды Ташто Авгурасо – ФАП-т, Куликовасо – клуб.

Бобылевские Выселки велесэ кармить строямо спорткомплекс. Эйсэнзэ, спортзалтнэде башка, кармить улеме кавто бассейнат – покштнень ды эйкакштнень туртов. Аволь васоло се чись, зярдо районсонть ушодыть 150 таркас Эень дворецэнь строямо. Кармить стявтомо малав 140 эрямо кудот.

В.Д.Волков кенярксчинтень сыцятненень ёвтнизе сень, СМИ-нь, футболонь вечкицятнень, ФИФА-нь представительтнень, спортсментнэнь валост коряс, Саранскоесь ловови сехте вадря оштнестэ вейке, конат примасть Футболонь коряс масторлангонь чемпионатонть. Республикань прявт ошсонть ульнесть масторлангонь 44 масторсто 160000 инжеть.

В.Д.Волков Краснослободскоень райононь эрицятненень арсесь шумбрачи, важодемасо од изнявкст.

Кенярксчинь участниктненень поздоровт ёвтасть МР-нь Правительствань Председателесь Владимир Сушков ды Саранск ошонь прявтось Пётр Тултаев.

Мейле Владимир Волков кортнесь райононь эрицятнень ды инжетнень марто, кортнесь вишка спортсментнэнь марто ды совавтсь оска футболонь мини-матчсонть.

МР-нь Прявтось В.Д.Волков ванкшнызе строямонь площадканть, конань лангсо стявтови 450 таркас школась. Школанть строямось ушодовсь 2017 иень июньстэ ды прядови 2019 иестэ. Те карми колмо этажсо образовательной учреждения, косо кармить колмо тонавтнемань блокт ды спортзал. Школанть питнезэ 464 миллионт целковойть.

Меельцекс МР-нь Прявтось В.Д.Волков теевсь содавиксэкс сень марто, кода моли районсонть сюронь урядамось. Сон ульнесь «Мокша» АПО ООО-со. Хозяйствань прявтось Александр Муромцев В.Д.Волковнень ёвтнесь седе, келя, весемесь моли аравтлувонь коряс: «А кармить пиземеть – весементь урядасынек шкастонзо, курок. Ломантне важодить виевстэ, шкань апак сатстне, минь сынст туртов теинек весементь. Паксясо важодицятненень усксетяно ярсамопель. Техникантень таштынек запасной пелькст, ГСМ».

Те агрофирмасонть важодить 415 ломанть. Хозяйстванть мельга кемекстазь 12580 гектарт мода. Сюронь паксясо важодить кемнилее комбайнат. Предприятиясонть лововить ниле коромонь урядыця комбайнат. Тесэ кирдевить-андовить 5816 скалт. Мелят потявтозь 10918 тоннат ловсо, эрьва скалсто – 4367 килограммат.

В.Д.Волков хозяйствасо важодицятненень арсесь парсте прядомс сюронь урядамонть ды ютавтомс озимойтнень видеманть.

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...