Рубрикатор

Правительство РМ Василий Пискаревонь Мордовиясо улемазо
Василий Пискаревонь Мордовиясо улемазо

 Январень 22-це чистэ минек республиканть содавтызе РФнь Государственной Думань депутатось, Безопасностень ды коррупциянь а нолдамонь комитетэнь прявтось В.И.Пискарев. Чинь васенце пельксстэнть сон вастневсь Чаунзань муниципальной райононь администрациянь прявтонть В.Г.Цыбаков марто. Кортамось мольсь школасо тонавтницятнень эрямост ванстомадо, апак учонь зыянов тевтнень а нолдамодо. Ледстязельть Россиянь оштнесэ аволь умок истят апаро тевтне, зярдо эйкакштне кедезэст сайсть оружия, совасть класстнэс ды тейсть покш кажо.

РФ-нь Госдумань депутатось В.И.Пискарев тешкстась, эряви теемс весементь, штобу минек эйкакштнень марто мезеяк аволь лисе берянь. Истят мератнень ютксо весе школатнесэ ванстыцятнень улемась, зданиятнес совамо таркатнес металлодетекторонь путнемась, школатнесэ штатной психологтнень улемась. Чаунза ёнксонь райадминистрациянь прявтось В.Г.Цыбаков пачтясь седе, сынст райононь весе школатнес металлодетектортнэнь рамамс эрявить малав кавто миллионт целковойть. Тень коряс РФ-нь Госдумань депутатось мерсь, штобу финансонь кевкстемась аволь пра тонавтницятнень тетяставаст лангс. Весе неть мероприятиятнень ютавтомс ярмактне явомат республикань ды муниципальной бюджеттнэстэ. Чаунзань районось меельце шкастонть кенярдовты паро невтевкссэнзэ ламо ёнксонь коряс, содавикс кода инвестициянь эрямос совавтыця ды экономикань виевгавтыця. Тешкстазельть сеть покш промышленной ды велень хозяйствань предприятиятне, конатнень покш путовксост республикань бюджетс. Районсонть средней зарплатась 26 тёжат целковойть. Виде, улить асатыксткак, конат течи талновтыть кода райононь прявттнэнь, истя жо те ёнксонь эрицятнень. Невтемакс, аволь пек парт велетнева китне, учить витнемань тевть Культурань кудотне. Вастовомасонть мольсь кортамо «Единой Россиянь» партийной проекттнэнь топавтомадост. В.Г.Цыбаков пачтясь: «Городская среда» партпроектэнть

коряс 2017 иестэ Чаунзасо паролгавтозь 9 кудонь икелькстнэ, Комсомольской посёлкасо – 6. Весемезэ неть тевтнес ютавтозь 10 млн. целковойть. Седе тов Госдумань депутатось якась «Лато» акционерной обществав. Те предприятиясь содавикс аволь ансяк республикасонок, масторсонокак

покш предприятиятнестэ вейкесь. Тосо нолдыть асбестэнь трубат, кирьпецть, акрилэнь краска ды лия строямонь материалт. Ламо эрьва кодамо продукциянть рамить неень а шожда шкастонтькак. Тосо важодицятнень марто В.И.Пискарев кортась, кода ютыть неень шкане тевтне, мезе эряви теемс производстванть виевгавтомга, эсенек масторсо теевиця продукциянть тевс нолдамга ды аволь алкуксонсенть эйстэ ванстомга. Теке жо чистэнть В.И.Пискарев вастневсь Мордовия Республикасо Социальной страхованиянь фондонь региононь отделениянь управляющеенть Л.А.Иванова марто.

В.ВЛАДИМИРОВА

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...