Рубрикатор

Правительство РМ Прявтонть вастовомазо
Прявтонть вастовомазо

Якшамковонь 29-це чистэ МР-нь Прявтось Владимир Волков вастневсь Мордовиянть пельде Государственной Думань депутатонть, Коррупциянть каршо бороцямонь ды безопасностень коряс Госдумань комитетэнь председателенть Василий Пискарев марто. Важодемань коряс вастовомасонть кортамось мольсь общеобразовательной учреждениятнесэ эйкакштнень зыяндо ванстомадонть. Якшамковсто минек масторонь зярыя школатнесэ лиссть апак учонь тевть.

Те кортавсь Государственной Думасо, арсеви совавтомс полавтомат федеральной законодательствантень. Депутатось тешкстызе: школатнесэ эряви виевгавтомс безопасностенть, ансяк а кадомс те тевенть тетятненьаватнень лангс. МР-нь Прявтось Владимир Волков мерсь, эряви кемекстамс Россиянь весе общеобразовательной учреждениятнень туртов вейкеть вешемат-стандартт. Республикань Прявтось толковизе депутатонть марто региононть касоманзо-кемекстамонзо. Кортамось мольсь федеральной программатнесэ Мордовиянть улемадо. Теде башка, Владимир Волков тешкстызе кочкицятнень марто важодеманть, сынст вешематнень тевс нолдамонть. «Эряви свал важодемс ломантнень марто, вастневемс, лездамс тенст», – кортась Владимир Дмитриевич. Василий Пискарев ёвтнесь Мордовиянь Прявтонтень эсь тевдензэ, конань топавты депутатонь региональной недлястонть, республиканьэрицятнень пшкадемаст коряс важодемадонзо. Истя жо те вастовомасонть ульнесь МР-нь Правительствань Председателесь Владимир Сушков.

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...