Рубрикатор

Правительство РМ Героень чись – Саранскойсэ
Героень чись – Саранскойсэ

Декабрянь 8-це чистэ,   Отечествань Героень чиденть икеле (декабрянь 9-це чись), Мордовиясо торжественнасто панжовсь Россиянь Армиянь проспектэсь, кона ашти Саранскоень «Юбилейной» микрорайонсо.

Панжомасонть примасть участия Равчиресэ РФ-нь Президентэнь полномочной представителесь М.В.Бабич, МР-нь  Прявтось В.Д.Волков, РФ-нь Оборонань министрань полавтыцясь, Российской Федерациянь Героесь Д.В.Булгаков, Отечествань Геройтне, Саранск ошонь эрицятне, Преображенской полконь оркестрань ды Почётной караулонь батальононь военнослужащейтне, юнармеецтнэ, кадеттнэ ды лиятне. Весемезэ малав 500 ломанть.

 

…Минек раськесь свал мельспаросо эсь идицятнень-ванстыцятнень, сынст воинской искусствань, доблестень, алкуксонь изнявкстнэнь кувалма. Полтавань, Бородинонь, Сталинградонь Геройтне эсь пряст эзть жаля тиринь моданть кисэ ды аволь весть эсь мужествасост идесть Россиянть уцясканзо. Эсь присяганть мельсэ кирдезь, Россиянь офицертнэ течияк лововить минек Родинань кеме ванстыцякс.

«Вечкевикс ялгат! Минь течи ультяно ошонть эрямосо исторической тевень участникекс – Российской Армиянь проспектэнть панжомасо. Кемтяно, те таркась карми Саранскоень эрицятнень мельспарокс, а стувтовикс вастовомань таркакс», – корты мероприятиянь ютавтыцятнестэ вейкесь.

…Талновтыця минутат. Стеластонть, кона ашти проспектэнть куншкасо, саеви ашо вельтявксось. Те правась максовсь М.В.Бабичнень, В.Д.Волковнень, Д.В.Булгаковнень. Гайги РФ-нь Гимнась. Стеласонть сёрмадозь: Россиянь Армиянь проспектэсь.

Течи «Юбилейноесь» – те Саранскоень сехте вадря эрямонь микрорайон. Весемезэ тесэ кармить эрямо малав 30 тёжат ломанть. Неень шкасто тесэ теевить эрямонь вадря условият: строязь школа, эйдень кужо, микшнемань центрат. Строяви поликлиника, полициянь отделения.

Мейле кортась Равчиресэ РФ-нь Президентэнь полномочной представителесь М.В.Бабич:

– Минек масторсо ламо проспекттнэде, ульцятнеде, конатне кандтнить военачальниктнень, лиянь лемть. Ансяк истямо проспект, кона кандтни Россиянь Армиянь лементь, масторсонок косояк арась. Кеман, Мордовиянь прявттнэнь ладсо кармить тееме лиятнеяк.

МР-нь Прявтось В.Д.Волков покш сюкпря ёвтась сетненень, кинь покш таликаст Россиянь Армиянь проспектэнть панжомасо – РФ-нь Президентэнтень В.В.Путиннэнь, Равчиресэ РФ-нь Президентэнь полномочной представителентень М.В.Бабичнень, РФ-нь Оборонань министрантень Сергей Шойгунень.

– Минек эште ули паро меленек-арсеманок – панжомс «Патриотонь парк», – ёвтни В.Д.Волков. – Сон истя жо карми Саранскойсэ военно-патриотической воспитаниянь алкуксонь таркакс.

Россиянь Армиянь проспектэнь панжоманть пек шнызе РФ-нь Оборонань министрань полавтыцясь, РФ-нь Героесь Д.В.Булгаков.

– Те героической лемесь максозь проспектэнтень сетнень честьс, кить кочкизь эстест профессиянть – идемс-ванстомс Родинанть! Кинь-бути туртов патриотизмась, апелемась ды совестесь – аволь чаво валт, а эрямонь лув. Тынк паро ушодксось тееви невтемакс лиятнень туртов, –  тешкстызе Дмитрий Витальевич.

…Теке чистэнть позда чокшне ютынь Саранскойсэ Россиянь Армиянь проспектканть. Истя мелем витевсь! Сон валдо, овсе а явови Московонь Арбатонть эйстэ! Проспектэнть кувалмозо 800-850 метрат, келезэ – 40-45 метрат.

Пётр Зиновьев

***

Декабрянь 8-це чистэ минек республикасо келейстэ тешкставсь Отечествань Героень чись. РДК-со ютась кенярксчинь промкс, ков сакшность покш инжеть. Сынст ютксо – Равчирень федеральной округсо РФ-нь Президентэнь полномочной представителесь М.В.Бабич, МР-нь Прявтось В.Д.Волков, РФ-нь Оборонань министрань полавтыцясь, РФ-нь Героесь Д.В.Булгаков, Российской Федерациянь Геройть, Социалистической Трудонь Геройть, Советской Союзонь Геройтнень, Российской Федерациянь Геройтнень, Славань орденэнь полной кавалертнэнь малавиксэст, Ине Отечественной войнань ветерант, Афганистанонь, Северной Кавказонь ды Сириянь зыянов тевтнень участникть. Истя жо тей тердевсть «Поиск» патриотической вейсэндявксонь боецтнэ, Юнармиянь отрядтнэ, кадетэнь класстнэ.

Лембе вал марто пурнавозтненень пшкадсь Равчирень федеральной округсо РФ-нь Президентэнь полномочной представителесь М.В.Бабич:

– 2007 иестэ РФ-нь Президентэсь В.В.Путин сёрмадстсь Указ ды вельмевтизе кенярксчинть – Отечествань Героень чинть. Течи минь ледстнетяно весе геройтнень. Кода бу а полавтоволь масторонть лемезэ ды общественной строесь, сеть койтне, конат кемекстазь Россиясо, ванстовить нейгак. Минек масторсо а стувтнить эсь геройтнень. Советской Союзонь 12 777 Геройтнень ютксто 3 266-тнень туртов те лемесь максозь куломадост мейле. Россиянь Федерациянь 1013 Геройтнень ютксто 466 – куломадост мейле. Сынст лангс ванозь, тонавтнить од ломантне, касыть минек масторонь ванстыцятне ды сы шкань геройтне. Равчирень федеральной округсо эрить Советской Союзонь 10 Геройть, Россиянь Федерациянь 30 Геройть, Социалистической Трудонь 160 Геройть, РФ-нь Трудонь 3 Геройть.

Сон истя жо пачтясь, тедеде регионтнэнь прявттнэнь марто вейсэ кармить тевс нолдамо «Отечествань Геройть» од проект. Кадык вейкеяк семия, вейкеяк ломань, вейкеяк подвиг илязо уле стувтозь. Эряви содамс, косо чачсть ды кассть Геройтне, косо тиринь ёнксост ды кудост, кить сынст трясть ды тонавтсть, косо сынь важодсть ды служасть, кодамо подвиг тейсть.

М.В.Бабич мерсь, Мордовиясо чачсть ламо Геройть, тесэ эрить тиринь масторонь алкуксонь вечкицят ды ванстыцят.

Теде мейле вал сайнесь МР-нь Прявтось В.Д.Волков:

Мордовия Республикась ашти каштанчисэ эсь Героензэ кувалма. Тедеде республикасонок ютыть ламо покш чить, конат алтазь иневанькс праведной воинэнть Феодор Ушаковонь 200 иетненень. Мордовиясо 11 чачозтне – полной Георгиевской кавалерт. Саемга, Троицк велестэ Алексей Начинкин пельиень перть тейсь колмо подвигть. Сонзэ казизе Николай II императорось. Колмо иеде икеле Саранскойсэ стявтозь Васенце мировой войнань геройтненень кеврунго. Сонзэ прототипекс кармась Орданьбуень Орозбие велень эрицясь, полной Георгиевской кавалерэсь Сергей Потешкин. Ине Отечественной войнань иетнестэ сонзэ цёразо Иван Сергеевич кармась Славань 3-це степенень орденэнь кавалерэкс. Эряви меремс, Ине Отечественной войнасо тюреманть кисэ минек республикасо 109 чачозтне кармасть Советской Союзонь Героекс. 23 ломанть – Славань орденэнь кавалерэкс.

В.Д.Волков ёвтась сюкпрянь валт ветерантнэнень ды течинь Геройтненень. Залсонть ульнесть лия ёнксонь инжетькак, Геройтнень малавиксэст.

Весе пурнавозтнень туртов невтевсь концерт. Морамо сакшность Беларусь Республикасто «СССР» группась, Оренбург ёнкссто – «Контингент» коллективесь, Самара ёнксонь – «Волжские казаки» киштемань ды морамонь ансамблясь, Пермень краень Пермской кадетэнь корпусонь вокальной ансамблясь, истя жо Татарстансто ды Н.Новгородсто. Эрзянь ды мокшонь морот гайгсть эсенек коллективтнень пельде. Пек лембестэ вастозель А.В.Александров лемсэ Россиянь Армиянь морамонь ды киштемань ансамблясь. Ды кадык ульнесь аволь весе составось, ансяк вишка пельксэсь, ялатеке сынь кецявтызь весень.

Кенярксчинь мероприятиятне, конат алтазельть Отечествань Героень чинтень, прядовсть Советской площадьсэ патриотической дискотекасо ды Россиянь Оборонань министерстванть пельде виев салютсо.

Мордовиянь прявт ошонь эрицятненень ды инжетненень, конат пурнавсть Саранскоень прявт площадентень, лембе валт ёвтасть ПФО-со Россиянь Президентэнь полномочной представителесь М.В.Бабич, РФ-нь Оборонань министрань полавтыцясь, Россиянь Героесь Д.В.Булгаков ды Мордовиянь Прявтось В.Д.Волков. Тесэ истя жо ульнесть Советской Союзонь Героесь Геннадий Кучкин, Россиянь Федерациянь Геройтне: Василий Работа, Александр Коновалов, Николай Злобин, Алексей Кораблев, Григорий Кириченко, Александр Стержантов, Николай Ярцев, Александр Янклович, Виталий Заврайский, Сергей Яшкин, Павел Останин, Андрей Савицкий, Роман Романенко, Социалистической Трудонь Геройтне Мария Сивцова ды Раиса Жидкова, Равчирень федеральной округсто Советской Союзонь маштовозь Геройтнень, Россиянь Федерациянь маштовозь Геройтнень, Славань орденэнь кавалертнэнь малавиксэст. 

Оборонань министранть Сергей Шойгунь кармавтоманзо коряс Саранскоев сась 449-це башка салютонь дивизионось. Кода тешкстызе Михаил Бабич, те васенце тев, зярдо содавикс войсковой частесь, конась тейни салютт минек масторсо сехте покш кенярксчитнестэ, сась региононтень. 

Т.Маторкина

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...