Рубрикатор

Правительство РМ Россиянь Президентэнть марто вастовома
Россиянь Президентэнть марто вастовома

Сентябрянь 20-це чистэ Кремлясо Мордовиянь Прявтось Владимир Волков ульнесь Россиянь регионтнэнь одс кочказь прявттнэнь марто Президентэнь вастовомасонть.

Вастовоманть панжомсто Владимир Путин тешкстызе, сентябрянь 10-це чинь кочкамонь итогтнень коряс ашти паро мельсэ, изнясть сонзэ ёвтавт кандидаттнэ. Седе ламот одс кочкавт прявттнэнь кисэ эсь вайгелест максызь 60 ламо процентт кочкицятне. Ледстясынек, Владимир Волковонь кис эсь вайгелест максызь 89,19 процентт кочкамотнес сыцятне. Кода тешкстызе Президентэсь, те покш доверия ды теке шкасто – кочкамонь участкатнес сыцятнень покш кемемаст. «Ламось уш теезь, седе ламо жо эште теема. Улить полавтомат паро ёнов здравоохранениянь, жилищно-коммунальной хозяйствань, образованиянь сфератнесэ», – мерсь Владимир Путин.

 

Истя жо Президентэсь тешкстызе, кочказь губернатортнэнь ютксо улить кода покш опыт марто представительть, истя од ломантькак, конатнень лангс каявить покш кемемат. Владимир Путин мерсь, кочказь прявттнэнь командатнень пурнамонть теема седе панжадокс, штобу од ломантне неевельть, профессиональной касомась васняяк сюлмавозь сынст ёрокчинть, содамочитнень ды ломантнень лезэс паро важодеманть марто.

Владимир Путин пурнавозтнень марто кортась сы шкань тевтнеде ды ёвтась мель, одс кочказь прявттнэ тевс нолдасызь весе содамочист, опытэст ды кармить вадрясто топавтомо икелест путозь тевтнень.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...