Рубрикатор

Правительство РМ Университетсэ кармить тонавтнеме 4600 студентт
Университетсэ кармить тонавтнеме 4600 студентт

Н.П.Огарёв лемсэ МГУ-нь примамонь комиссиясь панжинзе кенкшензэ абитуриенттнэнь туртов июненть прядовомсто. Неть читнестэ университетэнь ректорось С.М.Вдовин ёвтынзе примамонь комиссиянь икелепелень итогтнень. Васняяк Сергей Михайлович ёвтась сюкпрянь валт республикань СМИ-тненень университетэнть тевдееманзо весеме ёндо невтеманть кисэ.

С.М.Вдовин ёвтызе, Н.П.Огарёв лемсэ МГУ-нь тонавтнемань весе таркатнес арсевить саемс 4600 студентт. Те 320-те седе аламо ютазь иенть коряс. Бюджетэнь таркатнес саезь 2348 ломанть. Конкурсось – вейке таркас 6,4 ломанть (мелят – 4,6). Вейсэнь пелькстамонь коряс тонавтнеме саемадо васенце приказонть коряс бюджетэнь таркатне пештявсть 80%. Васняяк примазельть сеть абитуриенттнэ, конат университетс максокшнызь документэнь оригиналтнэнь. Меельцетнень лемест ёвтазельть «омбоце волнасонть».

Сехте ламо яволявтомат максозельть лецямонь тевень, педиатриянь, электроникань ды наноэлектроникань, агроинженериянь, менеджментэнь, строительствань ды зярыя лия направлениятнес.

Неень шкантень тонавтнеме примазь 3340 ломанть. Сентябрянь 15-це чистэ лиси меельце приказось, конань коряс тонавтнеме примавить омбо масторонь студентт. Неень шкане сынь максыть документэст, сёрмадыть яволявтомат, анокстыть экзаментнэс. Течинь чинтень тонавтнеме саезь омбо масторонь 350 ломанть, арсевить примамс эштё 250 студентт мирэнь 23 масторсто. Тедеде васенцеде минек региононь университетэнть кочкизь Бразилиянь, Гвинеянь, Иранонь, Тогонь эрицятне. Истя, Н.П. Огарёв лемсэ МГУ-сонть кармить тонавтнеме омбо масторонь 1500 од ломанть. Сынст эйстэ 60 проценттнэ тонавтнить Медицинань институтсонть, меельцетне – лия факультеттнэсэ. Кода тешкстызе ректорось, арась вейкеяк факультет ды институт, косо бу авольть тонавтне омбо масторонь студентт.

– Тедедень примамонь комиссиясь ульнесь аволь шождатнестэ. Стакачитне сюлмавозельть демографиянь невтевкстнэнь марто. Икеле иетнень коряс школань прядыцятнеде кармасть седе аламо. Тень лангс апак вано, тонавтнемань весе таркатне пештязь. Теньсэ пек лездась лия региононь абитуриенттнэнь марто профориентациянь важодемась, – ёвтнесь Сергей Михайлович. – Истя, Россиянь 45 регионсто Мордовиянь университетэв састь тонавтнеме 703 ломанть. Седе ламо – Нижегородской, Пензань, Ульяновскоень, Самарань областтнестэ ды Чувашиясто.

С.М.Вдовин ёвтызе, тедеде Н.П.Огарёв лемсэ университетсэнть эрязасто витеви общежитиятнесэ таркань а сатомань кевкстемась. Декабрясто 600 таркас общежития панжови Ульяновонь куросонть, аволь умок ушодозь Ворошиловонь куросонть студенттнэнь туртов 530 таркас од общежитиянть строямось.

 

Т.Аксенова

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...