Рубрикатор

Правительство РМ Ельниксэ - реставрациянь кирпецть
Ельниксэ - реставрациянь кирпецть

Мордовиянь Прявтонь тевтнень нурька шкас топавтыцясь Владимир Волков августонь 17-це чистэ якась Ельникень ёнксов. Сон ваннызе кирпецень производстванть, конась кармась важодеме кувать шкань аштемадонть мейле. Заводось стявтозель1993 иестэ, стакасто печтинзе ютазь пингень 90-це иетнень, 2008 иестэ предприятиясь лоткавтызе важодеманзо. Производствань вельмевтемань тевенть ушодызе Владимир Волков. Государственной Собраниянтень Кучомасонзо Мордовиянь лидерэсь тешкстызе, райононь куншкакуротнесэ ды покш велетнесэ од производстватнень теемась ды улицятнень виевгавтомась ашти прявт тевекс республикань властенть ды местной самоуправлениянь органтнэнь туртов. Важодиця производстватне – те путовкс аволь ансяк экономикантень, истя жо республикань райононь вандынь чинтень.

Ельниксэ кирпецень производствантень явсь мель Московонь инвесторось. Предприятиянть рамизь, од азорось одкстомтызе сонзэ ды заводсонть кармасть нолдамо реставрациянь кирпецть.

Ней предприятиясонть прядовома лангсо нолдамонь-ладямонь тевтне, нолдазь од продукциянь васенце партия, конась эряви строямонь материалокс архитектурань памятникень одкстомтомсто, отделкань потмоёндонь ды ушонь тевтнень топавтомсто.

Владимир Волков ваннызе заводонть, тешкстызе Мордовиянть туртов лиятнень ёнов сонзэ а молеманть. Реставрациянь кирпецесь нолдави башка технологиянь коряс, секскак сонзэ питнезэ 2-3-ксть седе ламо свалшкансенть коряс. Ней предприятиясь кочки важодицят, арсеви саемс 50 ломанть.

Заводось, кода тешкстызе Владимир Волков, аволь покш, ансяк питней республикантень сень коряс, сон ули, сон максы райононтень важодема таркат. «Минек туртов эрявить весе производстватне: покшт, вишкинеть – сынь эрявить райононь экономиканть кемекстамонтень, сень туртов, ломантне важодест тиринь модаст лангсо, иляст тукшно лия таркава. Минь карматано бажамо, республикань эрьва районсонть панжовост од производстват», – тешкстызе Мордовиянь лидерэсь.

Важодемань од таркатнень теемась – Ельникень эрицятнень туртов прявт кевкстема, ансяк аволь вейкине. Владимир Волков кунсолынзе райононь эрицятнень лия пшкадемасткак, конат токшить медицинань лезксэнь ладямонть, ки лангонь тееманть, социальной объекттнэнь стявтоманть.

Ельникень эрицятнень ламот пшкадемаст коряс Владимир Волков кемекстась решения, панжомс райононь больницясонть чинь-вень перть улемань 15 таркат, истя жо лецямонь учреждениянтень максозь неень шкань реанимобиль, эштё вейкесь, кода алтась республикань руководителесь, пачтяви больницянтень маласо шкастонть. Теде башка, поладови фельдшерэнь-акушерэнь пункттнэнь ламолгавтомась. Невтемга, арсеви строямс ФАП Стародевичье велесэнть. Республикань руководителесь истя жо алтась витнемс райононь больницянь поликлиниканть.

Пшти кевкстемакс кадови китнень теемась. Мелят теезь кить Ельникень Сосновой ды Крутиковонь ульцятнесэ, витнезь кись Заречной ульцясонть. Тедеде Ельниксэ прядови Ушаковонь ды Суворовонь ульцятнесэ китнень ацамось, истя жо Громовань ульцясонть кинть витнемась.

«Мон содан, эштё ламот китне пек берянть. Содан, Ельниксэ эряви теемс кить Мещеровонь, Курзенковань, Анашкинэнь, Сельской ульцятнева. Теде башка, эряви витнемс китнень Кооперативной, Горькоень, Парковой, Толстоень ульцятнева. Минь бажатано витемс весе неть кевкстематнень. Китнень витнемань тевесь поладови», – тешкстызе Владимир Волков.

Республикань лидерэсь истя жо пачтясь, маласо иетнестэ Ельниксэ строявить неень шкань эйдень кужо ды Культурань кудо.

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...