Рубрикатор

Государственное Собрание РМ
Ванкшность кевейксэе кевкстемат

Неть читнестэ Мордовия Республикань Государственной Собраниянь депутаттнэ пуромкшность ветеце тердемань колоньгеменце сессиянтень. Сонзэ панжизе ды ветясь МР-нь Госсобраниянь Председателесь В.В.Чибиркин. Тей истя жо сакшность Мордовия Республикань Прявтось В.Д.Волков, МР-нь Правительствань Председателесь В.Ф.Сушков, республикань министерствань ды ведомствань важодицят, райононь администрациянь прявтт ды ламот лият. Чинь повесткантень совавтозельть 19 кевкстемат, весе сынь ваннозельть кавто часонь перть.
Васняяк депутаттнэ совавтсть полавтомат «2014 иес, сыця 2015 ды 2016 иетнес МР-нь республикань бюджеттэ» законопроектэнтень.

Подробнее...
 
Яськинань лемс – Ледстнемань лаз

Неть читнестэ Саранск ошонь куншкакуросо, Пролетарской куронь 23-це кудосонть, панжовсь ледстнемань лаз, конась алтавсь республикасонок содавикс политикентень ды государственной деятелентень Ефимия Давыдовна Яськинанень. Мордовиянь аватнень ютксо васенце истямо содавикс политикесь чачсь-кассь сокицянь-видицянь семиясо Зубово-Полянань Агадова велесэ. Семиясо сон ульнесь кевейкееце эйкакшокс. Школань прядомадо мейле сеске кармась важодеме тиринь велесэ тонавтыцякс. Эште од тейтерькакс улемстэ Ефимия Давыдовна пек вечксь тонавтнеманть. 1939 иестэ, Мордовской рабфаконть прядомадо мейле, ульнесь Мордовский Пимбур велесэ васня тонавтыцякс, шкань ютазь – школань прявтокс. 1953 иестэ тонавтнесь Мордовской областной партийной школасо, малав кемень иень ютазь, сон прядызе КПСС-нь ЦК-нь Высшей партийной школанть. 1949 иестэ саезь Ефимия Давыдовна партийной роботасо. Сон ушодсь КПСС-нь Ширингушской райкомонь секретарекс, шкань ютазь, важодсь Орданьбуесэ, Торбеевасо, мейле таго тердизь тиринь ёнксов.

Подробнее...
 
Виктор Якуба: «законтнэ – эрицятненень»

Местной самоуправлениянь реформань теемантень ушодксонть путызе Россиянь Президентэсь В.В.Путин, кона Федеральной Собраниянтень эсь Кучомасонзо, а теде икеле муниципалитетэнь съездсэ, тешкстызе местной самоуправлениянь теемань вейсэнь лувонть кемекстамонь эрявиксчинть – таркатнесэ виев, кидеяк а аштиця, сюпав властень виевгавтоманть.
РФ-нь субъекттнэнь ды муниципалитеттнэнь марто келейстэ толковамодо мейле, анокстазель ды совавтозель законопроектэсь. Эйсэнзэ меревсь точнойгавтомс статусонть ды муниципальной властень органтнэнь полномочияст, регионтнэсэ госвластень органтнэнь марто вейсэнь важодемаст. Ёвтазь местной самоуправлениянь башка модель покш оштнень туртов. Общественной организациятнень вийсэ теезель Важодиця группа, кона кармась вейс пурнамо эксперттнэнь, муниципальной управлениянь практиктнень, региононь властень органтнэнь пельде сазь мельтнень-арсематнень.

Подробнее...
 
Од ломантне – шумбра лувонть кис!

Неть читнестэ МР-нь Госсобраниянть юрсо теезь Од ломанень общественной палатась ютавтсь покш промкс. Тов совицятнеде башка, эйсэнзэ ульнесть ламо инжеть. Неть: МР-нь Госсобраниянь Председателень полавтыцясь Р.З.Аширов, МР-нь Од ломанень государственной комитетэнь прявтось Н.А.Помелова, МР-нь Госсобраниянь депутатось Н.М.Андрюшечкина, МР-нь Госсобраниянь аппаратсо важодицят, Од ломанень вейсэндявксос совицят.

Подробнее...
 
Паспортт – од ломантненень

Неть читнестэ Мордовия Республикань Государственной Собраниясонть ютавтовсь кенярксчинь мероприятия – 14 од ломантненень максовсть Россиянь Федерациянь гражданинэнь паспортт. Тень кувалма пуромозтненень поздоровт евтась МР-нь Госсобраниянь Председателень полавтыцясь Р.З.Аширов:

Те кенярксчись ютавтови МР-нь Госсобраниянь 20 иетнень топодеманть лувсо. Течи тыненк максови васенце прявт документ – паспорт. Улемс Россиянь гражданинэкс – те пек покш честь. Кодамо ки тынь аволиде кочка, кирдеде мельсэнк: Россиянть ды Мордовиянть уцясказо – тынк кедьсэ. Юты шка, кастадо покшокс, мольтядо тонавтнеме, кочкатадо вечкевикс тев ды полавтсынк сетнень, кить течи кастыть, тонавтыть эйкакшт, кемекстыть законт, конатнень кувалма эри масторонок. Уледе чевте седей ломанекс ды топавтодо ансяк вадря тевть.

Истя жо поздоровт эйкакштненень евтась МР-со РФ-нь Миграциянь службань Управлениянь прявтонь тевтнень топавтыцясь А.В.Пискунов.

Паспорттнэнь явшемадост мейле од ломантне макссть клятва улемс Россиянь алкуксонь гражданинэкс. Эрьва од ломаненть сельмесэ редявсь талнома ды покш кеняркс. Ней сынь марить пряст покш Россиянь пельксэкс.

Т.Аксенова

 

 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 10 из 19

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...