Рубрикатор

Государственное Собрание РМ Заводонть сюпавчизэ – ломантне
Заводонть сюпавчизэ – ломантне

Неть читнестэ МР-нь Государственной Собраниянь Председателесь В.В.Чибиркин якась Ковылкинань районов. Тосо ванкшнынзе кода эрить ды оймсить Кочелаева велень эрицятне, инжекс ульнесь тесэнь эйдень кужосо. В.В.Чибиркинэнь мелезэнзэ пек тусь Ковылкинасо эйдень од кужось. Ковылкинань электромеханической заводонтень 55 иетнень кувалма тесэнь важодицятненень ёвтась поздровт ды арсесь важодемасо од изнявкст.



МР-нь Госсобраниянь Председателенть В.В.Чибиркинэнь Ковылкинань районсо улемазо ушодовсь Кочелаева велесэ Спортонь дворецэнть ванкшномсто. Сеске мертяно, сон кецявты ушо ёндояк, потстояк.

Ковылкинань райононь администрациянь прявтонть В.И.Ташкинэнь валонзо коряс, Кочелаева велесэ Спортонь дворецэсь строязь малав колмо иеде теде икеле. Тосо ютавтневить спортонь пелькстамот аволь ансяк районнойть, истя жо республиканскойтькак ды спортонь эрьва кодамо видэнь коряс. Те стадионсонть эсь шумбрачист кемекстыть велень од ломантне, школасо тонавтницятне.

Спортонь дворецэв сакшныцятнень  мельс пек тукшны бассейнась, косо укшномо тонавтнить эйкакштне, косо ютавтневить укшномань коряс пелькстамот. Тесэ ведесь – прок сиянь сельведь. Истямо ванькс! Тей укшномо велень эйкакштнеде башка сакшныть велень покш эрицятне, сакшныть Ковылкинастояк. Билетэнть питнесь изнявикс – 70 целковойть. Истя, ковозонзо стадионось пурны 120 тёжат целковойть.

Ялатеке стадионось эсь прянзо а иди,  – видькстась Ковылкинань райононь администрациянь прявтось В.И.Ташкин. – Тей молить ярмакт эште райононь бюджетстэяк. Минь покш мель явтано эрицятнень эрямонь шумбра лувонтень. Ды теньсэ тенек лезды Спортонь дворецэсь. Секс мезе вийсэнек миньгак лездатано тензэ.

А мезть сёпомс, Кочелаева веленть мельспарозо – Ф.В.Сычковонь лемсэ рузонь культурань прявт куронь филиалось. Сонзэ прявтось В.В.Савойкин ёвтнесь:

– Тесэ важодить художественной школась, хореографической школась, драматической кружокось, музыкальной школась. Эйкакштне сакшныть мельспаросо. Тей совицянть сельмс сеске каятыть ине художникенть Ф.В.Сычковонь произведениянзо ды эсензэ портретэзэ. Прявт курось строязь 2015 иестэ. Малав колмо иень перть минек кедьсэ ульнесть сядот ломанть, инжеть сакшность республикань томбальдеяк.

Кочелаевасо пек паро эйдень кужоськак. Тей сакшныть велень малав ведьгемень эйкакшт. Сексня, тельня тесэ эйкакштне  седе ламолгадыть.

«Мезес тонадыде?» – В.В.Чибиркинэнь кевкстеманзо лангс пакшатне ве вайгельсэ мерсть «ловомо» ды невтизь тень.

Апак кавтолдо мертяно, истямо эйдень кужо, конань неинек Ковылкинкасо, Саранск ошсояк арась. Сонензэ эште арасть колмо иетькак. Те эйдень кужось 250 пакшас, течи тей сакшныть малав 160. Эйдень кужось зани, паряк, вейке гектар. Перьканзо теезь налксема площадкат, сынь ацазь резинасто теезь коверсо. Эйкакштне налксемстэ иляст томбаво. Кецявты, кинь знактнень парсте тонавтнемга, тесэ теезь «Светофоронь урокт» автоошке.

– Эйдень кужонть строямга явозельть 500 миллионт целковойть, – ёвтни В.И.Ташкин. – Минь овсе а янксетяно, мекс строинек истямо кужо. Тей эйкакштне сакшныть мельспаросо.

– Монгак вейсэндяван неть валтнэс, – корты кужонь прявтось Е.Н.Миганова. – Тесэ эйкакштне пряст марить теке тиринь кудосо. Воспитательной лувось моли неень шкань программанть коряс….

…Ковылкинань Культурань районной кудось. Сон тыц пешксе. Кода кортыть, умарентень а козонь прамс. Тесэ трудонь ветерант, райононь предприятиятнесэ важодицят, медицинской роботникть ды лият. Сынь састь торжественной промксос, кона алтазь Ковылкинань электромеханической заводонтень 55 иетнень топодемантень.

Промкссонть кортась МР-нь Госсобраниянь Председателесь В.В.Чибиркин. МР-нь Прявтонть В.Д.Волковонь ды Госсобраниянть пельде ёвтась поздоровт трудонь ветерантнэнень, коллективентень заводонть юбилеензэ кувалма.

Ковылкинань электромеханической заводось мельспаросо эсь покш ды сюпав историянзо кувалма. 60-це иетнестэ тесэ ушодозель радиотехнической изделиянь нолдамось. Иестэ иес предприятиясь ламолгавтсь продукциянь нолдамонть. Ковылкинань электромеханической заводось совиль масторонь покш производственно-технической вейсэндявкстнэнь юткс, ульнесь СССР-нь радиопромышленностень министерстванть кеме нежекс.

2004 иестэ саезь заводось сови промышленностень коряс Федеральной агентствань вейсэндявксос ды ули военной промышленностенть туртов  продукциянь нолдамонь лицензиязо.

В.В.Чибиркинэнь валонзо коряс, течи Ковылкинань электромеханической заводось – те неень шкань покш технологической предприятия, кона сови «Российская электроника» АО-нь холдинговой компаниянтень. Сон нолды энергетикань, связень, телевидениянь, авиациянь предприятиятнень туртов техника. Масторонь оборонань комплексэнть марто кеме ояксчисэ эрязь меельце 4 иетнестэ пек ламолгадсь продукциянь нолдамось, эрямос совавтовить неень шкань технологиятне. Иеде иес заводось сюпалгады. Предприятиясь виевстэ топавты омбо масторонь продукциянь полавтомань коряс масторонь Президентэнть В.В.Путинэнь мереманзо. Ламо тееви МР-нь Прявтонть Госсобраниянтень Кучоманзо лувсо.

Неень шкань вешематне кармавтыть домкасто тонавтнемс производственной ёнкстнэнь. Заводсо важодицятне эсь икелест путсть покштояк покш тев – «Роскосмос» госкорпорациянть туртов продукциянь, эрьва кодамо виень дизельной электростанциянь ды лия мезень нолдамонть.

В.В.Чибиркин тешкстызе, заводонь прявттнэ покш мель явить производстванть одкстомтомантень, тевс нолдыть нардевчинь ванкшномань неень шкань системат.

– Течи тынк заводось Мордовиянь промышленной вадря предприятиятнестэ вейкесь. Теньсэ покш таликаст учёнойтнень, инженертнэнь, конструктортнэнь, заводсо весе важодицятнень. Ды, нама, заводонь прявтонть Владимир Дмитриевич Евтеевень, – тешкстызе В.В.Чибиркин.

В.Д.Евтеев предприятиянть прявтсо 1994 иестэ саезь. Сонзэ содамочинзэ, ёрокчинзэ вельде заводось виевгадсь, теевсь весе Россиянь ялгатнень туртов кеме партнерокс. Ковылкинань райононь эрицятне Владимир Дмитриевичень ве мельсэ кочкизь колмоце, нилеце, ветеце ды котоце созывень МР-нь Госсобраниянь депутатокс. Те корты седе, райононь эрицятне кемить лангозонзо.

Эряви меремс, весе историянть перть заводонь прявттнэ покш мель явить предприятиясонть важодицятнень трудонь ды эрямонь условияст вадрялгавтомантень, од специалисттнэнь ёрокчист кастомантень, наставникень койтнень кемекстамонтень. Предприятиясонть важодить аволь аламо семиянь династият, конатнень ютксо Гусевтнень, Савинтнэнь семиятне. Сынст трудовой стажост – 150 иеде ламо ды, нама, Барановтнень семиясь, конань вейсэнь трудовой стажост – 250 иеть! Заводонь ламо важодицятненень максозь государственной ды республиканской казнеть, почетонь лемть. Те корты седе, ломантне вечксызь эсь заводост, мельспаросот сонзэ историянзо кувалма ды теить весементь сень туртов, тесэ лаказь лаказо эрямось. «Заводонть сюпавчизэ аволь стенатне, цехтне, оборудованиясь  – ломантне», – меельцекс тешкстызе В.В.Чибиркин.

Заводонь юбилейс пурнавозтненень поздоровт ёвтасть ды важодемасо од изнявкст арсесть МР-нь Правительствань Председателень полавтыцясь. Промышленностень, наукань ды од технологиянь министрась Александр Седов, заводонь прявтось В.Д.Евтеев.

Торжественной промксос сыцятненень невтезель мельстуиця концерт.

Петр Зиновьев

Ковылкинань район

 

Новости

«Единая Россия» будет добиваться придания захоронениям участников боевых действий статуса «воинских захоронений»

Партия «Единая Россия» займется созданием реестра захоронений ветеранов боевых действий и придания им статуса «воинских захоронений». Это позволит сохранить память о тех, кто защищал интересы нашей страны в ходе боевых действий, не допустить повторного захоронения в этих местах. Об этом заявил секретарь Генерального совета Партии Андрей Турчак на встрече с членами Всероссийской общественной организации ветеранов «Боевое братство», которые обратились к нему с соответствующей просьбой.

Подробнее ...
 
Турчак об ответственности членов «Единой России», обновлении рядов и партийной учебе

Люди ждут от власти взвешенной и справедливой позиции, а самое главное – конкретных действий и решения проблем и честных поступков. Бездумно сказанное слово воспринимается людьми как оскорбление и бьет по репутации власти в целом, заявил секретарь Генерального совета «Единой России» Андрей Турчак в своем интервью «Известиям».

Подробнее ...
 
Терминалтнэ кармасть «кортамо» эрзякс

Ютазь иень декабрянь меельце читнестэ Сбербанконь Мордовиянь отделениянь офистнэс совицятне дивавтозельть вейке ёнкссонть: терминалтнэсэ, конатне максыть обслуживаниянь талонт, информациясь кармась невтевеме аволь ансяк рузонь кельсэ – эрзянь кельсэяк. Лямбирь велень Сбербанконь офиссэ жо панжовсь приложения татаронь кельсэ. Минек республикань эрицятненень истямо од лувось пек вечкевсь. Кода кортыть банконь сотрудниктне, те оштё вейке вишка эскелькс Сбербанконь социальной проектэнть топавтомасо, конась бажи ванстомс Россиянь раськетнень ёмиця кельтнень.

Подробнее ...
 
«Школа грамотного потребителя» поможет жителям Мордовии обезопасить себя при использовании бытового газа

Партийный проект «Единой России» «Школа грамотного потребителя» подготовил комплекс мер по безопасному использованию газа в быту. Об этом рассказал координатор проекта, руководитель «Центра общественного контроля в сфере ЖКХ Республики Мордовия» Алексей Кливер. 

Подробнее ...
 
«Единая Россия» привлечет депутатов к контролю за каждым объектом в рамках реализации нацпроекта «Безопасные и качественные автомобильные дороги»

«Единая Россия» закрепит за каждым объектом, на котором ведутся работы в рамках реализации национального проекта «Безопасные и качественные автомобильные дороги», конкретного депутата, чтобы отслеживать выполнение работ и расходование выделенных на них средств. Об этом сообщил в рамках правчаса в Государственной Думе зампредседателя комитета Госдумы по транспорту и строительству, координатор партийного проекта «Безопасные дороги» Владимир Афонский.

Подробнее ...