Рубрикатор

Государственное Собрание РМ Тюрингиянь инжетне Мордовиясольть
Тюрингиянь инжетне Мордовиясольть

МР-нь Государственной Собранияв састь инжеть. Те – Германиянь Федеративной Республикань Тюрингия модатнестэ Тило Куммер ды Эгон Примас Ландтагонь депутаттнэ. Сынь уш аволь васенцеде минек республикасо.  Мордовиясь ды Тюрингиясь зярыя иень перть ветить вейсэнь важодема.

Васняяк, инжетнень туртов невтезель «Юбилейный» од микрорайонось. Тесэ стявтозь ламо од кудот, эйдень кужо, школа, эйкакшонь поликлиника. Теде мейле содавтовсть Республикань клинической больницянть ды Перинатальной центранть марто.

 

Седе тов депутаттнэ саезельть Ташто Шайгова ёнксонь Новотроицкое велев, косо келейстэ тешкстасть Троицянь чинть. Сынь совакшность церьковав, косо мольсь покшчинь служба. Ознома кудось наряжазель килейсэ-тикшесэ ды пек мазыель.

МР-нь Госсобраниянь Председателесь В.В.Чибиркин ветинзе инжетнень выставкав, косо невтевсь Ташто Шайгова ёнкссо теезь продукциясь. Сынь истя жо ваннызь Социальной центранть ды агрохолдингень ферманть.

Новотроицкое велесэ Троицясто тешкстасть Велень чинть. Ламо ломанть, покш инжеть пурнавсть стадионсо.

– Минек велесэ неень шкане эрить 580 ломанть. Велесь а чами, сон эри ды касы. Улить важодема таркат – те сехте эрявиксэсь. Велень чись – весе эрицятнень кенярксчи. Сынь эрить ды важодить тиринь модаст лангсо, – кортась Новотроицкое велень администрациянь прявтось Т.М.Вишнякова.

МР-нь Прявтонть В.Д.Волковонь пельде лембе валт ёвтась Госсобраниянь Председателесь В.В.Чибиркин:

– Ташто Шайгова ёнксось – минек республикасо икеле молиця район. Те райононь паро невтексэсь – Новотроицкое велесь. Меельце 15 иетнень перть сон пек полавтовсь! Тесэ асфальтонь паро кить, ветязь газ, панжозь эйдень кужо ды школа. Ушодовсь весемесь церьковань стявтомасто. Кецявты, тесэ улить предприятият, улить важодема таркат. Эряви аштемс каштанчисэ вана мезенть кувалма: Ташто Шайгова ёнкссо панезь кшинть мельга Саранскойсэ пурнавкшныть очередть. Тесэ анокстыть паро продукция.

В.В.Чибиркин казинзе велень эрицятнень Почётной грамотасо ды Благодарностьсэ. Эйдень кужонтень макссь ноутбуконь рамамс сертификат.

Паро валт ёвтась «Новотроицкий» агрохолдингень генеральной директорось В.В.Руженков. Сон тешкстызе, веленть эрямосо изнявкстнэ а топавтовольть МР-нь Прявтонть ды Госсобраниянть лезкстэме. Вана нейгак велесэнть палмантнень пряс ладязь 70 фонарть! Весе парось эрицятнень туртов.

Те чистэнть казевсь Самёнковтнень семиясь. Александр Иванович ды Анна Михайловна 67 иеть эрить вейсэ! Казнеть макссть ветерантнэнень ды пенсионертнэнень, конат ламо иень перть важодсть. Тешкстызь эйкакштнень, конат парсте невтизь пряст спортсо. Меельце иенть перть велесэ чачсть 7 эйкакшт. Тердезельть семиятне, сынь коляскаст марто ютасть весень икельга ды истя жо казевсть.

– Паро чи тенк, велень эрицят! Аштян мельспаросо, таго понгинь Мордовияв. Весе, мезе неинек исяк ды течи – дивавты ды кецявты минек. Эсень масторсо ёвтнян, кода эрятадо. Арсян, седе товгак тынк кармить полавтомат ансяк паро ёнов, – кортась омбо масторонь инжесь Эгон Примас.

Новотроицкое велестэ немецень парламентарийтне сыргасть Ташто Теризморга велев, косо ванызь мокшонь раськень Культурань центранть.

Ландтагонь депутаттнэ тешкстызь, Саранскоесь пек полавтовсь. Сынь дивсить, кода истямо нурька шкас ламо мезесь стявтовсь. Инфраструктурань коряс ошось мейсэяк а явови европань мастортнэнь эйстэ. Валост коряс, Саранскоесь парсте ютавтсы Футболонь коряс масторлангонь чемпионатонть.

Т.Маторкина

Маень 28-це чистэ ФРГ-нь Тюрингия Модань Ландтагонь депутаттнэ Мордовиясо  улемстэ сакшность МР-нь Госсобранияв.

Делегациясь, ков совасть Эгон Примас ды Тило Куммер, васняяк якасть МР-нь Госсобраниянь икелень Председателенть В.А.Кечкинэнь калмонзо лангс. Седе тов састь МР-нь Госсобраниянь зданиянтень, теевсть содавиксэкс тосо уликс музеенть ды высшей законодательной органонть историянзо марто.

Вишка залсонть инжетне вастовсть МР-нь Госсобраниянь депутаттнэнь марто. Ледстязельть кавто мастортнэнь ютксо  вейсэнь важодемась, опытэнь явомась.

МР-нь Госсобраниянь Председателесь В.В.Чибиркин ёвтась покш сюкпря минек студенттнэнь Тюрингиянь моданть лангсо парсте вастоманть, тонавтоманть ды сыненст тевень максоманть кисэ.

Немецень делегациясь эсь ёндо тешкстызе, кодат паро полавтомат сынь редясть республиканок содавтомсто.

 

Панжиковонь 29-це чистэ МР-нь Госсобраниясо ютавтовсь вастовома, конасонть ульнесть МР-нь Государственной Собраниянь Председателесь Владимир Чибиркин, РФ-нь Госдумань Безопасностень ды коррупциянть каршо бороцямонь комитетэнь депутатось Василий Пискарёв, Госсобраниянь депутаттнэ ды комитетэнь прявттнэ, республикань министерстватнень ды ведомстватнень важодицятне ды покш инжетне – Тюрингиянь масторонь Ландтагонь депутаттнэ Эгон Примас ды Тило Куммер. Кортавсть вейсэнь важодемадо кевкстематне.

Неть кавто читнень перть инжетне ваннызь республикань зярыя покш объекттнэнь, содавтызь Сыре Шайговань «Новотроицкое» велень хозяйствань предприятиянть.

–Пек паро, миненек удалась вастовомс республикань Прявтонть Владимир Волков марто. Те кортамось минек туртов пек эрявикс, – мерсь Эгон Примас. – Саранскоесь пек паро ош. Тесэ ламо теезь Футболонь коряс масторлангонь чемпионатонть ютавтомантень. Мон арсян, теньсэ Мордовиясь изнясь. Пек дивавтымизь Технопаркось. Те ёнксось минек туртов од, Германиясо истят арасть. Кемтяно, вейсэнь важодеманок поладови седе товгак ды седе ламо ёнкстнэнь коряс.

Весе вастовоматнень ды мероприятиятнень итогокс кармась вейсэнь важодемадо Соглашениянь сёрмадстомась. Те Соглашениясонть кемекстазь важодемань ёнкстнэ. Истя, Тюрингиясь ды Мордовиясь кемекстызь сюлмост промышленностень, велень хозяйствань, IT-технологиятнень, образованиянь ды общественной сектортнэсэ вейсэнь важодемадонть. Соглашениянть сёрмадстызь МР-нь Госсобраниянь Председателесь Владимир Чибиркин ды  Тюрингиянь масторонь Ландтагонь депутатось Эгон Примас.

Ю.Еремина

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.