Рубрикатор

Государственное Собрание РМ Госсобраниянь сессиясь
Госсобраниянь сессиясь

Неть читнестэ Мордовия Республикань Государственной Собраниянь депутаттнэ пурнавкшность котоце тердемань кемкавтовоце сессиязост. Депутаттнэде башка тов сакшность Мордовия Республикань Прявтось В.Д.Волков, МР-нь Правительствань Председателесь В.Ф.Сушков, Саранск ошонь округонь мэрэсь П.Н.Тултаев, МР-нь Прявтонь Администрациянь ды Правительствань важодицятне, ошонь ды райадминистрациянь прявттнэ, Мордовиясо федеральной ды республикань министратне, силовой структурань руководительтне, республикань журналисттнэ.

Сессиясь ушодовсь Кемеровасо маштовозтнень валдо лемест ледстямга чатьмонемань минутасто.

Чинь повесткас совавтозь кевкстематнень ванкшномадост икеле МР-нь Госсобраниянь Председателесь В.В.Чибиркин ёвтась сюкпря залс пурнавозтненень ды республикань эрицятненень РФ-нь Президентэнь кочкамотнесэ покш активностенть кисэ. Истя жо сон тейсь итогт сенень, кода Мордовиясо ютавтовсь вайгелень максомась.

Сессиясонть ванкшновсть 15 кевкстемат. Сехте покш мелесь явовсь 2018 ды аравтлувонь коряс 2019-2020 иетнес Мордовия Республикань бюджеттэ МР-нь законопроектс совавтозь полавтоматнень кемекстамодо кевкстемантень. Сынст коряс толковамот тейсь МР-нь Финансонь министрань васенце полавтыцясь Л.В.Романенкова. Любовь Викторовна тешкстась, полавтоматнень совавтомань васень тувталось – федеральной центрасто республикантень 984 миллионт целковойтнень дополнительна явомась. Эйстэст сехте ламось ютавтови

«Саранск ошонть перька» (Обход города Саранска) автомобилень кинь колмоце очереденть теемс. Кода мерсь МР-нь Финансонь  министрань васенце полавтыцясь, сонзэ арсить анокстамс 2018 иень кизэнтень ды тейсызь республикань транспортонь сехте эрявикс кикс.

Сессиясонть ледстязель Россиянь Президентэнть В.В.Путинэнь Федеральной Собраниянтень Кучомазо, косо сон кортась образовательной учреждениятнес якиця эйкакштненень, кинень эште эзть топоде колмо иеть, дополнительной таркань теемадо. Мордовиянтень те арсеманть топавтомс федеральной бюджетэсь явсь 137 миллионт целковойть. Саранскойсэ Татьяна Бибинань лемсэ куросонть строяви эйдень кужо. Теде башка, 2019 иестэ федеральной бюджетстэ арсеви тенек явомс 166,5 миллионт целковойть, конат ютавтовить республикань муниципальной районтнэсэ  эште 600 таркань теемс.

Республикань бюджетс полавтоматнень совавтомадо сессиясонть истя жо кортась МР-нь Госсобраниянь Бюджетэнь, финансонь ды налогонь коряс комитетэнь прявтось С.Е.Киселева. Сон тешкстась, минек республикасо ломантнень эрямост паролгавтомань вадря ёнксокс карми улеме те иень маень 1-це чистэ саезь трудонь кисэ сехте вишкине пандоманть – 11163 целковойс, покшолгавтомась. Те арсеманть ёвтызе Кучомасонзо РФ-нь Президентэсь, сонзэ эрямос совавтомга явовить 92 миллионт федеральной ярмакт.

Мордовия Республикань Госсобраниянь Председателень полавтыцясь В.В.Алехин сессиясонть кортась высшей законодательной органонь комитеттнэде ды комиссиятнеде, сынст юткс ней совавтозь эште вейке. Одось карми лемдевеме: Шумбрачинь ванстомань, физической культурань ды спортонь.

Мордовия Республикань Общественной палатанть пельде депутаттнэнь лемс кучозель пшкадема, косо кортави Саранскойсэ вирень-парконь пиже зонань теемадо. Депутаттнэ шнызь те паро ушодксонть, ансяк эште улить тувталт, конатне мешить сеске совавтомс эрямос те арсеманть. Тевесь сеньсэ, неть модатне а ладить пертьпельксэнь ванстомань коряс федеральной законодательствань вешематненень. Теке шкасто Мордовия Республикань Правительствантень мерезель теемс межведомственной робочей группа, конась кочки модань участкат, косо карми улеме вирень-парконь пиже таркась.

РФ-нь Правительствань Председателентень Д.А.Медведевнень анокстась пшкадема Татарстан Республикань Государственной Советэсь ловсонь рынкасо тевтнень коряс, сыненст вейсэндявсть МР-нь высшей законодательной органс совицятнеяк.

Кемкавтовоце сессиясь кадови ледстневицякс «Агрофирма «Норов» ООО-нь прявтонтень А.И.Поздняковнень. Те чистэнть сонензэ максозь РФ-нь Федеральной Собраниянь Федерациянь Советэнь Почётонь грамотась. «Сурастрой» ООО-нь прявтось В.Н.Сурайкин казезь МР-нь Госсобраниянь Почётонь грамотасо.

Мордовия Республикасо ломантнень праваст коряс Уполномоченноесь В.Ф.Лёвин пурнавозтненень пачтясь 2017 иестэ теезденть ды те иентень аравтлувдонть.

Валерий Фёдорович кортамосонзо тешкстызе сень, кодамо кевкстема марто сонензэ седе сеедьстэ сакшныть республикань эрицятне. Неть: эрямо таркань коряс пшкадематне, эрямонь-коммунальной услугатнень максомадост, олячист саезетнень пекстазь таркасо кирдемадост ды лият.

Мордовия Республикань Правительствань чассо депутаттнэнь икеле кортась МР-ва Внутренней тевень министрась, полициянь генерал-майорось Ю.В.Арсентьев. Сон тейсь домка доклад седе, кода минек республикасо панжовить зыянов тевтне, мезе тееви сынст важодицятнень ёндо ломантнень сэтьме эрямост ванстомга, ды кодат задачат течи аравтыть икелест правань ванстыця органонь сотрудниктне.

В.Юдина

 

Новости

«Единая Россия» добилась принятия закона о защите животных

Закон о защите животных был принят Государственной Думой 19 декабря через 8 лет с момента внесения. В марте 2011 года он прошел первое чтение. Осенью 2016 года на важность его принятия обратил внимание Президент России и дал соответствующее поручение Правительству РФ.

Подробнее ...
 
Более 1500 заявок подано на участие в учебном модуле Высшей партийной школы «Политический лидер»

За 10 дней с момента старта Высшей партийной школы и первого учебного модуля «Политический лидер» из регионов подано более 1500 заявок на участие. Всего в этом году будет отобрано 150 участников, для которых в Москве пройдет недельное обучение. Об этом заявила первый заместитель секретаря Генерального совета «Единой России» Ольга Баталина.

Подробнее ...
 
Од иень ярмунка

Од иень кенярксчитнеде икеле, ацамковонь 22-це чистэ, Саранскойсэ ютавтови ярмунка, косо кармить микшневеме эрьва кодат товарт ды велень хозяйствань продукция.
Ярмункасонть кармить Мордовиянь микшнемань сферань, общественной питаниянь, перерабатывающей промышленностень ды велень хозяйствань предприятиятне.

Подробнее ...
 
Турчак: Власти компенсируют гражданам затраты на покупку приставок для цифрового ТВ

Правительство РФ и региональные власти предусмотрели исчерпывающий набор компенсирующих мероприятий при переходе с аналогового на цифровое телевещание для малозащищенных слоев населения. Также в региональных бюджетах предусмотрены денежные компенсации или закупка необходимого оборудования. Совет по развитию цифровой экономики при Совете Федерации представит на ПМЭФ-2019 свой рейтинг цифровизации регионов и предложит механизм поддержки лучших региональных практик. Об этом заявил вице-спикер Совета Федерации, секретарь Генерального совета «Единой России» Андрей Турчак по итогам второго заседания Совета по развитию цифровой экономики в Новосибирске.

Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.