Рубрикатор

Государственное Собрание РМ Од ломанень палатась ютавтсь промкс
Од ломанень палатась ютавтсь промкс

Неть читнестэ МР-нь Государственной Собраниясо пурнавкшность промксос МР-нь Од ломанень общественной палатантень совицятне. Сынст марто вастовомо сакшнось МР-нь Госсобраниянь Председателень полавтыцясь Иван Москаев. Шумбракстнемань валсонзо сон тешкстызе: «Од ломанень палатань од составось парсте невтизе эсь прянзо, сон касы-кемексты ды вети робота зярыя ёнксонь коряс. Вана анокстазельть ды ютавтозельть од ломанень зярыя проектт, раськетнень ютксо ялгаксчисэ вейсэнь эрямонь, спортонь, шумбрачинь паролгавтомань ды патриотизмань кастомань мероприятият». Иван Михайлович башка тешкстынзе доброволецтнэнь-волонтёртнэнь, эдь 2018 иесь яволявтозь сынст иекс, ды неть чевте седей од ломантненень тедеде сави лездамс аволь ансяк сыре ломантненень, стакачис понгозь эйкакштненень, истя жо весе вийсэ трудямс Саранскойсэ Футболонь коряс масторлангонь чемпионатонть шкасто ламо инжетнень вастомсто.

 

ОПромкссонть ваннозельть кемень кевкстемат. Васняяк Од ломанень палатань прявтось Юлия Аршинова ёвтнесь 2017 иестэ Палатанть важодемадонзо. Сон тешкстызе, роботась ветязель парсте, ютавтозельть ламо кругловой стольть, вастовомат, спортонь мероприятият. Од ломанень палатань Од ломанень политикань ды доброволецэнь движениянь касомань-кемекстамонь комиссиянь прявтось Динара Рахматулина ёвтнесь седе, кода минек республикань Од ломанень парламентэнь члентнэ якасть Сочив Весемирэнь од ломанень ды студентэнь фестивалентень.

МР-нь ОМП-нь прявтонь полавтыцясь Евгений Миронов содавтынзе весень, кода топавтови «Школа парламентаризма» проектэсь, ды тердинзе весе од ломантнень а менстямс мартсто Президентэнь кочкамотнень ды максомс эсь вайгелест кочказенть кисэ.

Футболонь коряс масторлангонь чемпионатонь ошонь Волонтёронь анокстамонь центрань региононь координаторось Кирилл Комаров ёвтнесь седе, кода Саранскойсэ пурнавить ды анокставить волонтёртнэ те покш мероприятиянтень.

МР-нь муниципальной районтнэнь Од ломанень парламенттнэнь марто вейсэндямонь комиссиянь прявтось Константин Киреев ёвтынзе «Всероссийский тест по истории Великой Отечественной войны» акциянь ды «Я иду голосовать» республикань конкурсонь итогтнень ды ёвтась мель, кода одкстомтомс неть мероприятиятнень ютавтома лувонть те иестэ.

МР-нь ОМП-нь Культурань ды раськетнень ютксо ялгаксчинь гармонизациянь комиссиянь прявтось Инна Астайкина ёвтнесь Мордовиясо эрьва кодамо раськень од ломантнень ютксо ояксчиденть. РФ-нь Федерациянь Советсэ Мордовиянь Од ломанень палатань представителесь В.С.Авраменко анокстась доклад седе, кода ютась РФ-нь ФС-нь Государственной Думань Весероссиянь од ломанень форумось. Теде мейле ёвтазельть «Сделаем вместе!» Весероссиянь экологиянь уроконь итогтне ды яволявтозель МР-нь Од ломанень палатанть 2018 иес важодемань аравтлувозо.

М.Девятова

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...