Рубрикатор

Государственное Собрание РМ Кода идемс одтнэнь?
Кода идемс одтнэнь?

Декабрянь 7-8-це читнестэ МР-нь Госсобраниясо ютавтовсть парламентэнь Роштовань вастовоматне. Важодеманть панжизе журналисттнэнь марто ютавтозь «кругловой столесь», сон ветявсь «Влияние электронных СМИ и социальных сетей на духовно-нравственные ориентиры молодежи» кевкстеманть коряс. Вастовомантень сакшность МР-нь Госсобраниянь Социальной политикань коряс комитетэнь председателесь Р.З.Аширов, Бюджетэнь, финансонь ды налогонь коряс комитетэнь председателесь С.Е.Киселева, МР-нь Печатень ды информациянь министрань полавтыцясь В.А.Зеленов, МР-нь Журналистэнь вейсэндявксонь прявтось В.В.Назаров, республикань ды райононь СМИ-нь прявт редактортнэ ды лият.

Р.З.Аширов тешкстызе, кочказь теманть эрявиксчизэ – информациянь технологиятнень виевгавтоманть, Интернет-пространстванть келейгавтоманть лувсо. Ёвтызе, Интернетсэнть вастневить пек ламо кулят, конат аволь свал кандыть паро смусть од ломантнень мелест-вановтост лангс.

Журналисттнэ, кода законодательтнеяк, кандыть покш ответственность обществанть икеле. Од ломантнень ванстомат аволь паро кулятнень эйстэ – васняяк, Интернет-пространствасонть. Те лувсонть СМИ-нть смустезэ ды таликазо а онкставить, – мерсь Р.З.Аширов.

В.В.Назаров ёвтась мель журналисттнэнень «пештямс» Интернет-ресурстнэнь вадря кулядо, ансяк сынь улест алкуксонь. Тень коряс эряви явомс покш мель редакциянь важодицятнень профессиональной касомантень. Тень кувалма сон ёвтась мель Журналистэнь вейсэндявксонть юрсо панжомс Интернет-журналистикань школа. Эштё вейке арсемась ёвтавсь МР-нь Госсобраниянь депутаттнэнь лемс. Кортамось моли законодателень норматнень кемекстамодост, конатнень коряс райононь СМИ-нь од журналисттнэ кармить лововомо велесэ важодиця од специалистэкс. Те лезды витемс райононь газетатнесэ кадрань а сатомань кевкстеманть.

«Эрзянь правда» газетань прявт редакторось Н.И.Петрушкин тешкстызе, национальной прессасонть истя жо пштистэ ашти профессиональной кадрань а сатомань кевкстемась. Пек стака муемс эрзянь ды мокшонь келень содыця специалистт, эдь сынь аволь ансяк содаст келенть, истя жо маштост видестэ сёрмадомо. Текень пингстэ национальной редакциятнесэ пек вишкине зарплатась. Николай Иванович ёвтызе мелензэ, улевель виде, бути законодательной уровеньсэ кемекстамс ды максомс национальной СМИ-тненень республикань Национальной достояниянь статус, мезесь бу кепедевлизе эрзя-мокшонь журналисттнэнь престиженть ды кастовлизе зарплатаст тонавтыцятнень ды лецицятнень уровеньс.

Вастовомасонть истя жо мольсь кортамо сень коряс, кодамо тарка од ломантнень эрямосо саить социальной сеттне, кода кастомс эйкакштнень шумбракс, тиринь масторонь вечкицякс. Кортамосонть тешкстазель, тень коряс эряви вейсэндямс властень органтнэнь, журналистэнь сообществанть ды общественностенть вейсэнь важодеманть.

Т.Аксенова

 

Новости

20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...
 
Эрзянь моротне гайгсть омбо масторсо

Швейцариянь Тоггенбургс пурнавкшность Европасто ды масторлангонь эрьва кодамо масторсто исполнительть. Тосо ютась «Природный голос» раськеютконь вокальной фестиваль. Россиянь вейкине представителекс тосо ульнесь Мордовиянь «Мерема» фольклорной группась, конась эсь морамосонзо токакшнынзе седеест ваныцятнень Финляндиясо ютавтозь теке фестивальсэнть. Ды швейцарецтнэ тердизь Екатерина Модинань прявтсо «Мерема» группанть эстест. Эдь сынст творчестваст пек лади музыкальной форумонь форматонтень. Фестиваленть лиятнень ёнов амолемачись сеньсэ, весе вокалисттнэ – хортнэяк, солисттнэяк, невтить национальной фольклор седямопелень тевс апак нолда.

Подробнее ...