Рубрикатор

Государственное Собрание РМ Финнэнь-угрань VI инекужось
Финнэнь-угрань VI инекужось

Сыктывкарсо прядовсь Россиянь Финнэнь-угрань раськетнень ассоциациянь VI инекужось. Итогонь аштемтаркасонть примазель Резолюция, конасонть тешкстазь маласо ниле иетнес важодемань прявт ёнкстнэ.

Путозь задачатнень ютксо башка тарка саи од ломантнень марто важодемась, РФ-нь АФУН-нть юрсо тееви од ломанень сёлмо. Промксонь делегаттнэ тешкстызь информационной технологиятнень сферасонть виевстэ важодемань эрявиксчинть: финнэнь-угрань кельтнень интернет-валкстнэнь теемась, тиринь кельтнень дистанционна тонавтнемась. Участниктне толковасть, VI промксонть важодемась лиссь лезэвекс ды конструктивноекс. Мордовиясто делегаттнэ примасть активной участия секциятнесэ, косо ёвтнесть эсь мелест-арсемаст, конатне мейле совавтозельть Резолюциянтень.

МР-нь АФУН-нь председателесь Пётр Тултаев тешкстась, минек республиканть опытэзэ, косо аволь ансяк ванстовить эрзянь ды мокшонь кельтне ды культурась, истя жо эрязасто виевгавтовить, явовтынзе промксонь участниктнень мелест ды карми совавтовомо тевс Россиянь регионтнэсэ.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...