Рубрикатор

Государственное Собрание РМ Чибиркин вастовкшнось профсоюзонь активенть марто
Чибиркин вастовкшнось профсоюзонь активенть марто

Ютазь пецясто Мордовия Республикань Госсобраниянь Прявтось В.В.Чибиркин вастовкшнось минек республикань профсоюзонь Федерациянь активенть марто. Вастовоманть васенце темакс ульнесь, кода Мордовия Республикасо кастомс-кепедемс профсоюзтнэнь ды региононь законодательствань властенть вейсэндявкстнэнь социально-трудовой праватнень идемасо ды эрицятнень мелест-арсемаст топавтомасо вейсэнь важодемаст.

 

Владимир Васильевич Чибиркин тешкстызе, келя МР-нь Госсобраниясь ды минек региононь профсоюзтнэ ламо иеть важодить вейсэ ды решить талновтыця кевкстемат. Профсоюзтнэнень мереви якамс Госсобраниянь сессиятнес, ванномс сынст од решамотнень мельга, анокстамс мелест-арсемаст.

Мордовия Республикань Профсоюзонь федерациянь Прявтось Мария Сергеевна Голиченко мерсь, Мордовиянть ули профсоюзонть коряс эсензэ законозо, истят документт Россиясо улить ансяк 14 субъектсэ. Те закононтень иеде иес совавтовить од полавтомат.

Вастовоманть шкасто лангс ливтезельть профсоюзтнэнь зярыя мелявкстнэ, конатнень кувалма сынь учить лезкс МР-нь Госсобраниянть пельде. Вана, Профсоюзонь федерациянь правань инспекторось О.В.Еремина кортась «О совершенствовании законодательного регулирования в сфере обеспечения полномочий по охране труда на уровне муниципальных районов» теманть коряс. Евтазель мель совавтомс полавтомат федеральной закононтень, конась карми кастомо муниципальной районтнэнь ды местной самоуправлениянь органтнэнь полномочияст трудонь ванстомань коряс. Пек берянь, минек республикасо 2008 иестэ саезь арась «Об охране труда» законось!

«Саранский механический завод» ФКП-нь профкомонь прявтось Л.Б.Сыромятникова кортась ведомствань эйкакшонь лагертненень лездамодо, эдь сынь ней кирдевить ансяк эсест средстваст вельде ды кодаткак субсидият государстванть пельде а максовить. Пароль бу те кевкстеманть решамс, эдь иестэ иес эйкакшонь кизэнь лагертне седе аламолгадыть.

РФ-нь здравоохранениянь профсоюзонь Мордовиянь республикань организациянь прявтось Л.Б.Гукова теке теманть поладозь евтась мель, каземс МР-нь Госсобраниянь Почетонь Грамотасо эйкакшонь лагертнесэ важодиця ломантнень шумбрачинь витемань кампаниянть прядомадо мейле. Вастовоманть шкасто эште кортазель Мордовиянь потребительской кооперациянть касомадо-кемекстамодо ды сонензэ лездамонь программадонть арсемадо, стака эрямонь печтиця ломантненень лезксэнь максомадо.

Меельцекс МР-нь Госсобраниянть ды Профсоюзонь федерациянть ютксо сермадстозель Соглашения вейсэнь важодемадо, конанть тешкстызь кавто ендо В.В.Чибиркин ды М.С. Голиченко.

М.Девятова

 

Новости

Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...