Рубрикатор

Молодежная политика Елена Иванчина: «Лиянень лездамось кенярдовты седеенть»
Елена Иванчина: «Лиянень лездамось кенярдовты седеенть»

2018 иесь, кода уш весе содыть, яволявтозь Волонтеронь ды доброволецэнь иекс ды минек газетасо тынь уш а весть ловныде неть чевте седей од ломантнеде. Течинь инженек – мазый тейтересь, Н.П.Огарев лемсэ МГУ-нь Студсоветэнь прявтось Елена Иванчина.

Елена ютазь иень декабрясто изнясь «Волонтер года» республикань пелькстамосонть, кода добровольчествань сехте паро организатор. 2016 иестэяк сонзэ ловизь иень сехте паро доброволецэкс «Студент года» конкурссонть. Те тейтересь сась тонавтнеме минек ошонь университетэнь Историянь-социологиянь институтов Пенза ёнксонь Мокшан велестэ. 2017 иестэ прядызе тонавтнеманзо якстере диплом марто, ансяк университетэнть марто сюлмотнень ды тевтнень эзинзе кадо. Елена Иванчина эрьва кодамо лувонь мероприятиянь организатор ды участник. Сон анокстась раськеютконь, весероссиянь, республикань пелькстамот, олимпиадат, промкст. Те эряза тейтересь мелят кочказель Россиянь студентэнь ды студентэнь вейсэндявкстнэнь Ассоциациянь КРК-нь прявтонь полавтыцякс. Еленань пек ламо должностензэ. Сон – эрьва ков кенериця, ве минутаяк тевтеме а аштиця ломань. Весе эрязачинзэ тейтересь бажи нолдамс паро тевтнес. 2015 иестэ саезь сон «15 дней до Великой Победы» гражданской ды патриотической Раськеютконь добровольческой проектэнть минек региононь координатор. Елена кенери ветямс эште зярыя проектт, конатне сюлмавозь волонтеронь тевтнень марто. Неть: «12 месяцев добра», «Новый год – время исполнения желаний», «Дед Морозом может стать каждый». Вейсэ эсензэ ялганзо марто Иванчина лезды сэредиця, покш семиясо трявиця, зыянс понгозь эйкакштненень ютавтомс мельстуицякс Од иень кенярксчитнень, косо вейкеяк эйдесь а кадови казневтеме. Волонтертнэ-доброволецтнэ истя жо пурныть ярмакт сэредиця ды нужасо эриця ломантненень.

Иванчина ломанесь ответственной, сонзэ мельсэ-превсэ свал сядодо ламо арсемат ды сынст топавтомань кить-янт. Тейтеренть пек кеме обуцязо, сон пурны ваксозонзо ламо ялгат, свал бажи лездамс эрьванень валсояк-тевсэяк. Кода корты тейтересь: «Лиянень лездамось кенярдовты седеенть». Елена бажи улемс лезэвекс 2018 иень футболонь коряс масторлангонь чемпионатонть шкастояк ды аноксты прянзо те покш мероприятиянтень.

М.Девятова

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...