Рубрикатор

Молодежная политика Отяжеле велень волонтёртнэнь паро тевест
Отяжеле велень волонтёртнэнь паро тевест

Минь весе ульнинек тимуровецэкс, лездынек сыре покштятнень-бабатнень туртов, урядынек сынст кудост, кандтнинек тенст ведь, рамсинек ярсамопельть ды лецямопельть. Неень шкастояк улить истят тимуровецт, ансяк ней лемест – волонтёрт. Отяжеле велень средней школань тонавтницятне вейсэ «Отечество» волонтёронь ды вешницянь отрядонь прявтонть, омбо масторонь келень тонавтыцянть Людмила Анатольевна Федотова марто ламо-мезе тейсть вейсэ ютазь иестэнть ды поладыть эсь паро тевест тедедеяк. Аволь умок минь вастовинек Людмила Анатольевна марто, ды сон ёвтнесь тенек эйкакштнень марто вейсэнь роботадонть:

– Минек «Отечество» волонтёронь ды вешницянь отрядось панжозель зярыя иеде теде икеле Отяжеле велень средней школанть юрсо. Ней эйзэнзэ совить 15 доброволецт. Те 8-11-це класстнэсэ тонавтницятне. Эрьва иень сентябрясто минь ютавттано «Ульть волонтёрокс!» школань линейка, косо эсь сёлмонок алов пурнатано од вийть. Отрядось аволь ансяк лезды сыре ломантнень, ветерантнэнь туртов, минь бажатано ванстомс пертьпельксэнть, эсь шумбрачинек, улемс седе культурноекс ды паро мелень-арсемань кандыцякс.

2017 иенть перть минь ульнинек зярыя мероприятиянь участникекс, невтинек прянок эрьва кодамо акциятнесэ.

«Мы за все в ответе» акциянть юрсо доброволецтнэ озавтсть пичеть Отяжеле велень чавовозь воинтнэнень кеврунгонть ваксс. Истя жо якасть чувтонь озавтомо Атяшева посёлкаванть.

Минь а каднотано лезкстэме тиринь школантькак. Трудонь бригадась ванськавты тесэнь эйкакшонь площадкатнень, касты цеця марто клумбат, уряды шукшпрятнень.

«Уважай старость!» акциянть юрсо волонтёртнэ яксить сыре ломантнень, тылэнь тружениктнень, солдаттнэнь доватнень кудо вальмалксост ванськавтомо. Эрьва сёксня, сыре ломанень ковстонть, минь ютавттано концертт, кенярксчинь «Огонект», косо каванятано покштятнень-бабатнень чайде ды кудосто туезь прякинеде. Весе ветерантнэнь туртов Отечествань ванстыцянь чиденть икеле минь кандтнетяно паро мель-арсема марто эсь кедьсэ артозь открыткат.

Тунда ютавттано «Обелиск» акциянть, ды доброволецтнэ урядыть шукшпрятнень обелисктнень, калмазыртнень, кеврунготнень перька.

Ютазь иень ноябрясто волонтёртнэ вейсэ школань лия тонавтницятнень марто ютавтсть ярмунка сэредиця эйдетненень лездамга. «Добро без границ» акциянть участникекс кармасть тонавтыцятнеяк, тетятнеяк-аватнеяк. Минь весе вейсэ панинек тантей ярсамопельть, кодынек цюлкат-носкат, тейнинек налкшкеть, ды сынст миемадо мейле ярмактне явшезельть зыянс понгозь эйкакштненень.

Отяжелень волонтёртнэ истя жо лездыть кудовтомо кадовозь псакатненень-кискатненень. Сынь андыть эйсэст. Тельня нармунтнень туртов чувтонь тарадтнэва понгавтнить андомкат. Эйкакштне тетяст-аваст марто ютавтнить «Мы за здоровый образ жизни» спортонь пелькстамот.

Доброволецтнэ лездыть васенце классонь тонавтницятнень туртов а пелемс школасо тонавтнемадонть ды переменасто сакшныть мартост налксеме, ютавтнить тонавтыцятнень марто вейсэ физкультурань минуткат.

Отяжеле велень доброволецтнэ сеедьстэ яксить инжекс шабра велень школатнескак. Тосо сынь ютавтнить «Кемечинь урокт», косо ёвтнить эсь важодемадост Ине Отечественной войнасо чавовозь ды апак муе солдаттнэнь вешнемаст ланга. Войнань ды тиринь масторонь вечкемань тематиканть коряс волонтёртнэ сеедьстэ анокстыть материалт «Вперед» райононь газетань лопатнес.

Минек волонтёртнэ школаст прядомадо мейлеяк бажить а кадомс эсь паро тевест. Вана Татьяна Фролкина ней совась Саранск ошонь Волонтёронь центрантень, сон аноксты эсь прянзо Футболонь коряс масторлангонь чемпионатонтень. Марина Кузнецова ламо иеть ульнесь «Отечество» отрядонть прявтсо, ней пряды 11-це класс ды истя жо бажи седе товгак сюлмамс эрямонзо волонтёронь ды доброволецэнь движениянть марто.

Минь арсетяно, волонтёрокс улемась пек лезды эйкакштнень туртов, сынст полавтови ёжомарямост, касы каштанчист эсест эрявиксчист ды лезэнь максомаст кувалма, сынь кармить седе куроксто чарькодеме эрямонь смустенть ды лувонть ды тонадыть эрьва мезень тееме.

М.Девятова

 

 

 

Новости

20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...
 
Эрзянь моротне гайгсть омбо масторсо

Швейцариянь Тоггенбургс пурнавкшность Европасто ды масторлангонь эрьва кодамо масторсто исполнительть. Тосо ютась «Природный голос» раськеютконь вокальной фестиваль. Россиянь вейкине представителекс тосо ульнесь Мордовиянь «Мерема» фольклорной группась, конась эсь морамосонзо токакшнынзе седеест ваныцятнень Финляндиясо ютавтозь теке фестивальсэнть. Ды швейцарецтнэ тердизь Екатерина Модинань прявтсо «Мерема» группанть эстест. Эдь сынст творчестваст пек лади музыкальной форумонь форматонтень. Фестиваленть лиятнень ёнов амолемачись сеньсэ, весе вокалисттнэ – хортнэяк, солисттнэяк, невтить национальной фольклор седямопелень тевс апак нолда.

Подробнее ...