Рубрикатор

Молодежная политика Ванстыть вейсэнь сюпавчинек
Ванстыть вейсэнь сюпавчинек

 

Мордовия Республикань Вирень, охотямонь хозяйствань ды природопользованиянь министерствань вейксэ структурань подразделениятнестэ вейкесь – «Саранское территориальное лесничество» МР-нь ГКУ-сь. Сонзэ виртне сравтовсть 74113 гектарт ланга, весемезэ Мордовиянь виртнень покшолмаст 681 тёжа гектарт. Территориянь те лесничествантень совить Саранскоень, Кочкурбуень, Шишкеевань, Ташто Шайговань участкань лесничестватне.

Саранскоень территориянь лесничествань коллективенть лангс, конань прявтсо Евгений Сергеевич Вдовин ды главной лесничеесь Юрий Васильевич Чикнайкин, путозь покш ответственность. Сынст важодицятне ваныть 74 тёжат гектарт вирь мельга, конась касы аволь ансяк республикань прявт ошсо, истя жо Саранскоенть эйстэ авасоло районтнэва: Рузаевкань, Лямбирень, Ташто Шайговань, Кочкуровань, Ромодановань ёнкстнэсэ.

Ламо тевть сави топавтомс Саранскоень территориянь лесничествань вирень хозяйствань инженертнэнень, участковой лесничествань лесничейтненень, вирень мастертнэнень. Сехте покш меленть явить виртнень ванстомантень секс, мекс вере ледстязь ёнкстнэсэ эрить 50% республикань весе эрицятнень эйстэ. Сынь аволь ансяк виртнень ванстыть пожартнэде ды закононь колазь вирень керицятнеде, истя жо пек мелявтыть ошсонть ды сонзэ перька виртнесэ шукшпрятнень теемань коряс. Пштистэ ваныть сень мельга, штобу башка ломантне ды организациятне авольть тейне шукшпрят ошонть перька касыця чувтотнень, куракштнень алга, латкотнева-канаватнева. Истя жо ламо теить виртнень вельмевтемга: озавтыть од чувтот ды кастыть вирень культурат, ванстыть сынст эрьва кодат зыянов сукстнэде-унжатнеде.

Саранскоень территориянь лесничествась васень тевекс лови од ломантнень пертьпельксэнь вечкеме тонавтоманть, вирьсэ уликс сюпавчитнень ванстоманть. Тень туртов сонзэ территориясо панжозь школань лесничестват, косо эйкакштне лездыть покштненень озавтомс сы шкань чувтот, пирсить коткудавонь пизэтнень, витнить ды теить нармунень од кудынеть. Пертьпельксэнь коряс содамочист невтить эрьва кодат пелькстамотнесэ.

Школань лесничестватнень ютксто сехте виевекс ды экологиянь ванстомань ламо тевтнес бажицякс Саранскоень территориянь лесничествасо ловить Лямбирь ёнксонь Берсеневкань средней школань «Пиже мир» вейсэндявксонть. Тосо ули класс, косо невтевить вирень эрьва кодат породатне, сыненст казезь пиже тюсонь футболкат ды бейсболкат, цифровой фотоаппарат.

Сехте эрявиксэсь – те школань тонавтницятнень ули покш мелест парсте содамс тиринь ёнксонть, виртнесэ сюпавчитнень ды мазый таркатнень.

Маныть те школань лесничествантень совицятне Феодор Санаксарской храмонь настоятеленть отец Георгий, Саранскоень территориянь главной лесничеенть Ю.В.Чикнайкин марто вейсэ якасть Саранск ошонь округонь Октябрьской районсо уликс Куликовка велесэ Казанень Пазонь Авань пазаванть лемсэ лисьмапрянть перька чувтонь озавтнеме. Теде башка, те школань лесничествань тонавтницятне лездыть нармунтненень телень стака шканть цидярдомсто.

Неть читнестэ «Саранскоень территориянь лесничества» МР-нь ГКУ-нь прявтось Е.С.Вдовин, главной лесничеесь Ю.В. Чикнайкин, вирень участкань лесничеесь В.Я.Вишняков, вирень ванстомань инженерэсь Ю.И.Неськина вастневсть Берсеневкань средней школань «Пиже мир» школань лесничествас совицятнень марто.

Лямбирь ёнксонь Берсеневкань средней школась допрок полавтовсь тосо витнемань тевтнень ютавтомадо мейле. Течи тосо тонавтнить малав кавтосядт эйкакшт. Школань прявтонь полавтыцясь Валерий Васильевич Мишкин невтинзе тенек одкстомтозь класстнэнь, сельме кенярдовтсть мазый артовкстнэ. Весе класстнэсэ од партат ды озамо таркат. Нурькинестэ, кемекстазь материально-технической базась.

Тонавтницятнень марто вастовоманть ушодызе «Саранскоень территориянь лесничества» МР-нь ГКУ-нь прявтось Е.С.Вдовин. Евгений Сергеевич эйкакштнень марто содавиксэкс теевемадо мейле ёвтнесь Нармунень чинть тешкстамонь историядонть. Седе тов пачтясь, кодат нармунтнень ловить инекс истят мастортнэсэ, кода, невтемга, Англиясо, Германиясо, Америкасо, Китайсэ ды ламо лиятнесэ. Малав эрьвасонть эйстэст стявтозь те эли тона нармунентень кеврунго. Истя жо ёвтнесь сынст лезэвчидест.

Седе тов Евгений Сергеевич ледстизе МР-нь Постановлениянть, косо кортави республикасонок иезэнзэ кавксть школань лесничествань слёттнэнь ютавтомадо. Сон тердинзе эйкакштнень неть мероприятиятненень парсте анокстамо. Меельцекс пшкадсь тонавтницятненень сы шкань профессиянть кочкамсто а стувтомс пертьпельксэнь ванстыцянь тевенть, ёвтась арсема те тевенть марто эрямонть сюлмамодо.

Ламо лезэв превс путомат пурнавозтненень ёвтась «Саранскоень территориянь лесничества» МР-нь ГКУ-нь главной лесничеесь Ю.В.Чикнайкин. Юрий Васильевич васняяк кортась виренть питнейчидензэ Россиянть историясонть. Содазь, тедеде минь тешкстатано Ине Изнямонь 70 иетнень топодеманть. Те исторической событиянть коряс пачтямсто, главной лесничеесь ледстинзе сеть стака шкатнень, зярдо минек партизантнэнень виртне лездасть аволь ансяк кекшнемс лезэв тевест топавтомсто, истя жо изнямс немецтнень.

Сеть сюпавчитнестэ вейкесь, конатнесэ казизе пертьпельксэсь минек масторонть, – виртне, – мерсь Юрий Васильевич. – Теке шкасто виресь веши мельганзо седейшкавань ванома ды наукань коряс тонавтнема. Лиякс, а мезе карми кадомс миненек сы шкань поколениянтень.

Куроксто ютыть тундонь читне, чадыведень шкась. Аламо шка кадовсь маней, лембе читнень самс, конат кандыть аволь ансяк кеняркст, истя жо эряви улемс анококс апак учонь тевтнес. Ламотне юткстонок те шкас эзизь стувто 2010 иенть, зярдо ульнесть покш паломат минек республикасо ды Россиянь ламот регионтнэсэ. Истят зыянтнэнь а нолдамга, вирьсэ улемстэ весенень тенек эрявить тонавтнемс пожаронь а нолдамонь правилатнень.

Те чистэнть эйкакштненень невтезель виртнень кастомадо-ванстомадо, эйсэст уликс сюпавчиденть документальной фильма. Теде мейле эйкакштне вейсэ инжетнень марто понгавтнесть нармунень кудынеть школань пирес.

Вирень паломатнень неемстэ, толонь ды качамонь редямсто сеске эряви пачтямс истят телефонтнэнь вельде: директоронть: 30-43-12; главной лесничеенть: 30-43-18; кемемань телефонтнэ: 8(8342)24-81-70, 8(8342)23-41-50.

 

В.Юдина

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.