Рубрикатор

Молодежная политика «Сятко» журналонть юрсо...
«Сятко» журналонть юрсо...

 

Малав кавто иень перть «Сятко» журналонть юрсо важоди эрзянь од сёрмадыцянь куро. Куроксто те вейсэндявксонтень путозель лем ­– «ВАЛ». Ковозонзо весть тей пурнавкшныть од ломантне, ловныть произведенияст, кунсолыть вейкень-вейкень мелест, кортыть литературадо, од книгатнеде. Косто чачсь мелесь пурнавомс вейс? Кавто иеде икеле «Сюлгамо» арт-салонсо мольсь художественной выставка. Тов арсесть тердемс од сёрмадыцят. Салононь прявтось А.И.Луценко гайневтсь «Сятков», энялдсь муемс тенст ломанть. Вана истя лиссь васенце вастовомась. Теде мейле неть вастовоматне поладовсть журналонь редакциясо.

Неть читнестэ «ВАЛ» куронь презентациясь ютась А.С.Пушкин лемсэ Национальной библиотекасо. Тей сакшность куронь малав весе участниктне. Ламот эйстэст университетэнь ды пединститутонь студентт, важодицят. Од автортнэ ловность стихть, анокстасть фильмаяк. Сынст эйстэ кортась «Сятконь» редакторось Т.В.Разгуляева. Сон тешкстызе истят вастовоматнень эрявиксчинть.

Равчирень финнэнь-угрань раськень культурань центрань важодицясь, журналистэсь Р.Б.Щанкина мельспаросо ледстнесь: ламо иеде икеле «Эрзянь правдасо» ульнесь «Тештине» литвейсэндявкс. Тов истя жо пурнавкшность од сёрмадыцятне. Превть тенст макссь В.К.Радаев, вастовоматнес сакшность содавикс писательтне. Раиса Борисовна кандсь мартонзо газетань умонь номер, косо лиссть сёрмадовксост ды вейсэнь сборник. Ансяк сестэ автортнэнь ютксто седе ламо ульнесть цёрат, ней – мекевлангт.

Ламо лембе валт ёвтасть Р.С.Кемайкина поэтессась, В.И.Дёмин критикесь. Василий Иванович анок ульнесь ламо пачтямс эрьва автордонть. Сон домкасто ванкшны весень творчестваст. Васолдонь инжекс тесэль «Эрзянь вайгель» московонь культурно-просветительской обществань прявтось Е.Е.Ледяйкин. «Поладодо сёрмадомо тиринь кельсэ, илинк кадо те валдо тевенть…» – истят валт кортась эрьва инжесь.

 

Т.Маторкина

 

Новости

Путин казизе Волковонь Александр Невскоень орденсэ

Россиянь Президентэсь Владимир Путин тешкстась Указ «О награждении государственными наградами Российской Федерации». Зярыя кементь фамилиятнень ютксо Мордовиянь Прявтось Владимир Волков. Государствань руководителенть Указонзо коряс сонензэ максови Александр Невскоень орденэсь.

Подробнее ...
 
Кулят мэриясто

Ошонь Администрациясо ютась промкс, кона ушодовсь коммунальной техниканть телентень анокстамодо кевкстематнестэ. РФ-нь МЧС-нь ГУ-нь МР-нь представительтне пачтясть, маласо читнестэ Саранскойсэ температурась валги -5 градусос, чить термометрась невти +1, +2 градуст. Карми прамо начко лов. Ошонь прявтось Пётр Тултаев тешкстызе, машинань ветницятне чарыст зярс эзизь полавто. ГИБДД-нь важодицятне мерсть, ветницятненень ютавтыть профилактической кортамот. «Чуваронь-салонь почодыця машинатне телень шкане улест весе зыянов таркатнесэ, сэдтнень вакссо, пандопряв молиця килангтнесэ. Ошонь хозяйствань департаментэнь важодицятне кадык стувтсызь оймсема читнень. Субутась тынк туртов – важодемань чи», – мерсь Пётр Тултаев.

Подробнее ...
 
Литературанть марто вейсэ

А.С.Пушкин лемсэ республикань Национальной библиотекасо ютась «Литература и природа – рука об руку» эрьва иень акциясь. Сон юты колмоцеде ды тедеде алтавсь Экологиянь иентень. Сонзэ ютавтыцятне – Ицялбуень куншкакуронь библиотекась, «Смольный» национальной паркось ды А.С. Пушкин лемсэ библиотекась.

Подробнее ...
 
Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...