Рубрикатор

Демография
Демография
2011 иестэнть чачсть 7965 эйкакшт

Меельце иетнестэ масторсонок ламо тееви эйкакшонь триця семиятненень лездамга: тевс нолдазь ипотекань программась, пандовить ярмакт эйкакшонь чачтоманть кис, мелят кемекстазь авань республикань капиталось, питневтеме явови мода 3 ды седе ламо эйкакшонь триця семиятненень ды ламо мезе лия. Те, нама, пек кенярдовты. Государствась бажи ламолгавтомс эйкакшонь чачтоманть. А ашти ве ено од семиятнень эйстэ. Венсти тенст лезксэнь кедь. Кода пачтясь МР-нь ЗАГС-нь службань прявтось Анастасия Ивановна Верясова, ютазь иестэ республикасонок чачсть 7965 эйкакшт. 200 ламо эйдеть чачсть Орданьбуень (223), Зубова-Полянань (416), Лямбирень (234), Ромодановань (241), Чаунзань (281), Ковылкинань (351), Рузаевкань (339) енкстнэсэ ды Саранск ошонь округсо (3850).

Кода тешкстызе Анастасия Ивановна, меельце иетнестэ кармасть вастневеме ков седе ламо семият, конат анокт чачтомс омбоце ды колмоце эйкакшт. Те, нама, вети семиянь питнейчитнень ванстомантень.

Ютазь иестэнть кулость 12365 ломанть (2009 иестэнть чачсть 8023, кулость – 13229). Эрицятнень куломань тувталокс седе сеедьстэ эрсить седеень-санонь ды онкологиянь орматне.

Мезесь кецявты, 2011 иестэнть эйдень кудосто семияс трямс саезь 50 эйкакшт, те 10 эйкакшто седе ламо 2010 иенть коряс. Нама, невтевксэсь а пек покш, ялатеке кенярдовты, неть эйдетне «муизь» трицяст-кастыцяст, сыненсткак ней ули кинень пшкадемс «авай».

Ютазь иень кемготово ковтнень перть республикасонок налксезь 6406 свадьбат (2010 иестэ – 5874). Явсть жо – 3044 семият, 2010 иестэ – 2980. Икеле иетнень коряс невтевкстнэ явовить а пек. Ялатеке республикасонок ды масторсонок явоматне вастневить пек сеедьстэ. Эрьва нилеце венчицятне-урьвакстыцятне шкань ютазь явить. Ды зяро бу вий тень а нолдамга аволь путо государствась, бути ломантнень арась эсест мелест ванстомс семиянть, те киненьгак а тееви.

Подробнее...
 
Казне вишкинетнень туртов

Саранскоень центрасонть стявтови эйкакшонь од кужо. Неень шкасто сынь пек а сатныть, корязост кевкстемась кадновкшны пштикс. Од кужось стявтови кварталсонть, конантень совить Полежаевень, Пролетарскоень, Терешковань, Ботевградскоень ульцятне.

Кортамось моли улиця 14 № эйкакшонь кужонь омбоце очереденть коряс, конась ашти Полежаевень ульцясо, 115а кудосонть. Кода пачтясть мэриясо, те аволь покш дошкольной учреждениясь келейгавтови 360 таркас эйстэнзэ аволь васоло одонть стявтоманзо вельде. Саранскоень мэрэсь Владимир Сушков макссь кармавтома анокстамс типовой проект, конась мейле карми тевс нолдавомо ошсонть эйкакшонь лия кужотнень стявтомстояк. Маласо шкастонть чамдови кужонть алов таркась гаражтнеде ды сарайтнеде, анокстави эрявикс проектно-сметной документациясь.

 
Обуцясь кемекстави семиясонть

Июлень 8 чистэ Россиясо тешкставсь покш кенярксчи – Семиянь, вечкемань ды кемемань чи. Республикань Кудонь Колонной залсо Мордовиянь Прявтось Н.И.Меркушкин вастовсь ламо эйкакшонь кастыцятнень марто, истя жо сеть мирдтнень-нитнень марто, конат вейсэ эрить 25 иеде ламо.

– Истят вастовоматне лездыть кемелгавтомс семиянь институтонть, – тешкстызе Н.И.Меркушкин. – Эдь самай семиясо кемекстави эйкакшонть обуцязо, сы шканть лангс вановтозо, мезесь кадови мартонзо эрямонзо перть. Стака онкстамс эйкакштнень кастомсто путозь тетятнень-аватнень виест. Республикань руководствась бажи эрьва мейсэ лездамс тенст. Ламо эйкакшонь триця семиятненень макстано субсидият квартирань рамамс эли кудонь стявтомс, явтано социальной пособият, Од Иентень ды Инечинтень анокстатано казнеть. Неень шкане кассть пособиятне сеть семиятнень туртов, конат кастыть трямс саезь эйкакшт.

Комсь мирдть-нить казезельть «За заслуги в воспитании детей» МР-нь Прявтонь Почетной дипломсо ды 20 тыщат целковоень покшолмасо ярмаконь премиясо. Тедеде Мордовиянь Прявтонть марто вастовомас тердезельть ламо эйкакшонь триця семият республикань малав весе районтнэстэ. Каземадо икеле ветицясь нурькинестэ евтнесь эрьва семиядонть, зяро тосо касыть эйкакшт, кода сынь эрить. Кадошкинасто Радаевтнень семиясь касты ниле эйкакшт. Покшонтень 10 иеть, веженсентень – 3. Андрей Алексеевич индивидуальной предприниматель, Светлана Евгеньевна важоди Кадошкинань электротехникань заводсо светильникень цехень кладовщицакс. Эряви меремс, 2010 иестэ азоравась лиснесь дипломантокс «Женщина России» весероссиянь пелькстамосонть.

Подробнее...
 
<< Первая < Предыдущая 1 2 3 4 5 6 7 Следующая > Последняя >>

Страница 7 из 7

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...