Рубрикатор

Демография
Демография
ЭРЗЯНЬ АВАНТЬ ЮТАЗЬ ШКАДО ЛЕДСТНЕМАТ

 

Бигачёва Мария Гордеевнанень 90 иеть. Эри сон Кочкурбуень Сурвелесэ. Тосо чачськак. Зярдо-бути ве кудосо эрясть малав 20 ломанть! Ламо стакачить савсь печтямс. Кудост нельгекшнизь, мерсть, келя, сюпавсто эрятадо. Тетязо-авазо трясть 5 эйкакшт. Мария сехте покшоль.

Подробнее...
 
Ютасть эрямонь а шожда ки…


Кочкуровань сыре ломанень кудосонть-интернатсонть неень шкане эрить 16 ломанть. Весе сынь эрямост перть важодсть эсест пряст ды шумбрачист апак вансто, ламот эйстэст – Трудонь ветерант. Сынь ульнесть скалонь потявтыцякс, вазонь андыцякс, эйкакшонь ваныцякс, машинань ветницякс ды истя седе тов. Неть ломантнень эйкакшпингест, конатнень – од пораст, токатетсь войнань иетнес. Зяро стакачи, вачо пеке ды ризкс савсь тенст цидярдомс, содыть ансяк сынсь. Ней жо вана, сыречинтень пачкодезь, сынь кадовсть ськамост. Эряви евтамс, ламонь эйстэст улить эйкакшост ды нуцькаст, ансяк арась мелест лездамс малавикс сыре ломанентень. Те тевенть тарказост топавты государствась, конантень ветерантнэ евтыть покш сюкпря.

Подробнее...
 
«Надеждась» семиятнень ванстомаст кисэ


Аволь умок Республикань эйкакшонь ды од ломанень туртов «Надежда» социальной приютонь Попечителень (общественной) советс совицятне пуромкшность промксос. Чинь повесткас совавтозь кевкстематнень ютксольть: «Семья: от кризиса к успеху» проектэнть тевс нолдамонь итогтнень ванкшномась, сёксень-телень шкантень учреждениянть анокстамось, те иень I-II кварталтнэстэ седеймарямонь лезксэнть вельде финансонь средстватнень ловомаст ды сынст тевс нолдамодо отчётонь теемась.

Подробнее...
 
СТАКАЧИТНЕСТЭ – ИЗНЯВКСТНЭС

 

Ютась малав ие се шкастонть, кода «Надежда» приютонь важодицятне лиссть изницякс «Семья: от кризиса к успеху» проектэнть коряс, конань яволявтызе Эрямонь кажос понгозь эйкакштненень лезксэнь максомань фондось. Те проектэнть вельде ветяви профилактикань робота сеть семиятнесэ, косо эйкакштне тетянь-авань пингстэ кадовсть вановттомо. Неень шкане те учреждениясонть лезкс максови 50 ламо семиятненень. Эйкакштнень тонавтыть лезэвстэ ютавтомо юткошкаст, муемс кель-вал масторлангсо сехте малавикс ломантнень – тетятнень-аватнень марто вейсэ улемстэ.

Подробнее...
 
Мезе теевсь минек марто?

Аволь умок пачколинь тиринь ёнксов, Шугурова велев, кона ашти Покш Березникень районсо. Якинь тува, кува чийнинь эйкакшпорасто. Зярсыя аштинь Дожга леенть чиресэ, кузнинь пандопряс, кона кудонок эйстэ аволь васоло. Ловдонть прась байтяк. Пачканзо эскелямс савсь апак капша. Ды тень марявсь,  пандось вишкалгадсь. Тесэ минь зяро шка ютавтынек! Тельня кирякстнинек сокссо, салазкесэ. Прядовильть школасо уроктне – минь Егорпенек пандопряв. Ардтнилинек позда чокшнес.

Нейгак мельсэнь ашти, кода тешкстылинек Ташто Од иенть! Ялганек – Виктор, Андрей, Михаил, Иван ды истя седе тов – молилинек тракторонь бригадав, кона аштесь эйстэнек аволь васоло. Паряк, 1 вайгельпе. Тесэ ёртозельть МТЗ-50 тракторонь удалце чарытне-покрышкатне. Эйстэст ламольть. Минь кавто цопадилинек ды – пандопряв. Позда чокшне покрышкатнень пултылинек: васня кирвазтилинек ды мейле пандалов кевердилинек. Зяро кецямот ульнесть! Кирнявтнилинек палыця покрышканть трокс. Теде мейле кудов сакшнылинек сод потсо.

Подробнее...
 
<< Первая < Предыдущая 1 2 3 4 5 Следующая > Последняя >>

Страница 4 из 5

Новости

Конституциясь – прявт закон

Исяк, декабрянь 12-це чистэ, тешкставсь Россиянь Федерациянь Конституциянь чись – минек масторонь государственной прявт кенярксчитнестэ вейкесь.

1993 иень те чистэнть минек масторсо кемекстазель РФ-нь Конституциясь. Весе текстэсь максозель «Российская газета» изданиясонть 1993 иень декабрянь 25-це чистэ. 1994 иестэ, Россиянь Президентэнть Указонзо коряс, декабрянь 12-це чись ёвтазель государственной кенярксчикс. Зярыя иень перть те чись ульнесь официальной оймсема чикс. Ансяк 2004 иень декабрясто Госдумась совавтсь полавтомат РФ-нь Трудонь кодексэнтень. Оймсема чись полавтовсь, а сонсь кенярксчись кандозь Россиянь ледстнемань читнень юткс.

Подробнее ...
 
Косто рамамс куз?

Декабрянь 15-це чистэнть республикасонть панжовить кузтнэнь ды пичетнень микшнемань базартнэ. Саранскойсэ тень туртов кемекстасть 22 площадкат (микшнема таркатнеде жо весемезэ 77).

Подробнее ...
 
Краснослободскойсэ – од прявт

Ноябрянь 29-це чистэ Краснослободскоень муниципальной районсо ютась Депутатонь райононь советэнь 13-це  сессиясь. Мордовиянь Прявтонть В.Д.Волковонь кармавтоманзо коряс сессиянть роботасо примась участия Мордовиянь Правительствань Председателесь В.Ф.Сушков. Чинь повесткасонть ульнесь вейке кевкстема: райононь од прявтонть кочкамось.

Подробнее ...
 
Фан-зона

Саранскойсэ Футболонь коряс масторлангонь чемпионатонть ютавтомсто прявт ошонь куншкакуросо карми улеме фан-зона.

Подробнее ...
 
Кочкадо сехте мазый район

Саранскойсэ ютавтови онлайн-вайгелень максома, сонзэ вельде редяви, ошонь кона районось весемеде мазыйстэ наряжазь Од иень кенярксчитнес. Теде пачтясть ошонь Администрациясто.

Подробнее ...