Рубрикатор

Демография Ловось урядави беряньстэ
Ловось урядави беряньстэ

Неть читнестэ ошонь Администрациясо ютавтозь промкссонть кортавсь седе, кода ламоквартирас кудотнень перька таркатне урядавить ловонть эйстэ. Весе, теде башка, райононь администрациятнень прявттнэяк – Сергей Мальченков, Александр Кузьмин, Александр Юткин – ёвтнесть, урядамонь тевтне ветявить кода эряви, ютамо таркатне почодовить реагентсэ. Зярдо Пётр Тултаев пшкадсь «Саранский расчётный центр» ООО-нь прявтонтень Владислав Коноваловнень, тонась мерсь, эри икелень военной базанть маласо ды ловонть урядамонзо коряс мелявкст арасть тосояк. «Алкукс истя? Мик тосояк? Тосо свал ульнесть мелявкст ловонть урядамонзо коряс, управляющей компаниясь сонзэ тосто а уряды телень перть», – мерсь каршонзо Пётр Тултаев.

«Дирекция коммунального хозяйства и благоустройства» КУ-нь прявтось Игорь Бутяйкин пачтясь, пондельникстэ магистральной ютамо таркатнень ушодсть урядамо рана валске, важодсь техника, китне почодовсть реагентсэ. «Тынь ютыде Веселовскоень, Коваленконь, Сущинскоень ды Косаревень куронь ютамо таркатнева? Кода тосо, нолажа?» – кевкстсь ошонь мэрэсь райононь администрациятнень прявттнэнь ды Ошонь хозяйствань департаментэнь прявтонь полавтыцянть Александр Аряновонь ды получась каршо вал, ялго неть куротнева эзть яка. «Весемесь тынк коряс чарькодевсь. Берянь! Пек берянь – тынк тевентень течинь оценкась! А эряви улемс ламонь содыцякс, штобу чарькодемс, истямо пертьпельксэнь шкасто эряви эрязасто кундамс тевс. Игорь Николаевич, – пшкадсь Пётр Тултаев Бутяйкиннэнь, – Иван Семёнович Ильин («Зелёное хозяйство» МП-нь прявтось) марто тонгодо конькат ды ардодо Саранканть чирева. Ули меленк – оштё киньгак мартонк саеде. Планёркась прядови ды эсь важодицятнень марто сыргадо киланготнень ды ютамо таркатнень ваномо. Пейдемат тесэ арасть. Бути нейке тевенек а тейсынек, куротнесэ карми эй. Погодань полавтоманть лангс а мезть кемемс. Весе службатне улест анокт суткань перть – 24 част. Зыянс пачтямс а эряви». Саранск ошонь мэрэсь истя жо мерсь ванкшномс эйдень кужотнень ды школатнень перька китнень.


06.02.2019

 

Новости

Изнямонь чинь диктант


«Единая Россия» политической партиянь Генеральной Советэсь сайсь мель ютавтомс маень 7-це чистэ Изнямонь чинь диктант. Теде пачтясь журналисттнэнень апрелень 22-це чистэ Мордовиянь «Единая Россия» партиянь региональной отделениянь председателесь В.В.Чибиркин.

Диктантось юты «Историческая память» проектэнть топавтомга масторонок зярыя регионсо ды 22 омбо масторсо. Участниктненень сави отвечамс 20 кевкстематнень лангс Ине Отечественной войнань историянть коряс. Неть кевкстематнень ней аноксты Россиянь исторической вейсэндявксось.

Подробнее ...
 
Турчак подвел итоги первого экологического форума «Единой России»
Секретарь Генерального совета «Единой России» Андрей Турчак подвел итоги Всероссийского
экологического форума «Единой России» «Чистая страна». В частности, он предложил органам власти
провести проверку того, как регионы соблюдают законодательство в части установления тарифов за
обращение с отходами.
Подробнее ...
 
«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...