Рубрикатор

Демография Казнеть ламо эйкакшонь кастыця аватненень
Казнеть ламо эйкакшонь кастыця аватненень

Неть читнестэ Республикань Кудонь Покш залсонть ютавтовсь кенярксчинь вастовома, конась алтазель Авань чинтень. Тей сакшность республикань весе ёнкстнэсэ эриця аватне ды тетятне, кить трить-кастыть вете, кото, сисем ды мик кемень эйкакшт. Поздоровонь лембе валт аватнень лемс ёвтась Мордовиянь Правительствань Председателесь В.Ф.Сушков.

– Вадря коенть коряс течи минь ютавтано пек эрявикс, теке шкане, мельспаронь кандыця, лембе ды талновтыця вастовома. Ноябрянь меельце недлячистэнть Россиясо тешкстави Авань чись, – мерсь В.Ф.Сушков. – Минь макстано покш питне тынк мельмарямонтень ды седеймарямонтень. Весе тынь пек вадрясто чарькодьсынк семиянь юронь питнейчитнень, сехте малавикс ломантнень кисэ мелявксонть. Авась машты полавтомо весень, ансяк кияк а полавтсы сонзэ. Кияк а машты вечкеме ды мелявтомо эйкакшонть кисэ, кода тень теи авась. Эрьванть туртов авадонть башка арась седе малавикс ды питней ломань. Тынь макстадо эрямо ды эждтядо эйкакштнень оймень лембесэнк. Течи залонтень пурнавозь семиятнесэ весемезэ кастови 241 эйкакш. Тынь, вечкевикс ават, неень шкань минек героенек, – мерсь Владимир Фёдорович.
Тешкстазель, Мордовиясо свалшкане ламо тееви семиятненень лездамга, демографиянь невтевкстнэнь вадрялгавтомга. Меельце вете иетнень перть республикасонть ламо эйкакшонь кастыця семиятне ламолгадсть 40 процентс. Те корты вейкеде, ломантне кемить вандынь чинтень, Мордовиянть виевгавтомантень. Учоматнень коряс, тедеде чачить эштё малав тёжа эйдеть, конатне семиятнесэ кармить колмоцекс, нилецекс ды седе меельцекс.
– Мордовиясо строявить ипотекань коряс эрямонь таркат, школат ды эйдень кужот. Тедеде кармасть пандовомо ярмакт васенце эйкакшонть чачтоманзо кисэ. Колмоце ды меельце эйкакшонть чачтоманзо кисэ пандови республикань авань капитал, сон максозь 6000 ламо семиятненень, малав весе неть ярмактнень ютавтызь эрямо таркань условиятнень вадрялгавтомс, – мерсь В.Ф.Сушков. – Теде башка, республикасонть топавтови Россиянь келес сехте вишкине ипотекась – 5% иезэнзэ. Ламо вадря полавтомат эйкакш марто семиятнень учить сы иестэ. 

Владимир Фёдорович ёвтась аватненень покш сюкпря эрьва чинь а шожда тевест, семиянь питнейчитнень ванстомаст кисэ. 

– Вечкевикс ават, свал кадоводо истят жо седеймарицякс, чевте седеекс ды мазыекс. Те чистэнть арсян тенк кеме шумбрачи, паро эрямо ды уцяска. Кадык цёранк ды тейтеренк, мирденк казить тенк певтеме вечкема.
Теде мейле ушодовсь казнетнень явшемась. Пурнавозетненень максовсть Ламо эйкакшонь кастыця авань I, II, III степенень почетонь дипломт, «За заслуги в воспитании детей» МР-нь Прявтонь дипломт.
Казезетнень ютксо Чаунза посёлкань эрицясь Л.А.Бабикова, сон – кемень эйкакшонь ава, семиясь сеедьстэ невтни ёрокчинзэ республикань эрьва кодат пелькстамотнесэ ды саи казнень таркат. Казезь О.В.Тимонькина, сон истя жо Чаунзасто. Тимонькинтнэнь семиясо вейксэ эйкакшт, кавксотне саезь трямс. Кочкурбуень Кочкурова велестэ Мария Ивановна ды Иван Гаврилович Барашкинтнэ казезь «За заслуги в воспитании детей» МР-нь Прявтонь дипломсо. Сынь вейсэ эрить уш 56 иеть! Трясть-кастсть ниле эйкакшт. Истя жо дипломсо тешкстазь Орданьбуе ёнксонь Орозбие велестэ З.А.Маторкина. Сынст семиясо вете эйкакшт, весе сынь вадрясто тонавтнить ды лездыть тетяст-аваст туртов кудоютконь тевтнесэ. Истя жо дипломсо казезь Саранск ошонь Новгородовтнень семиясь. Мария Александровна ды Сергей Валерьевич трить-кастыть кемень эйкакшт. Эрьвась эйстэст пек ёроков, сынь покш мель явить спортонтень, музыкантень, тонавтнемантень.
Мероприятиянтень пурнавозетне ёвтасть сюкпрянь валт республикань Правительствантень ды МР-нь Прявтонтень ламо эйкакшонь семиятненень лездамонть кисэ.
Теде башка, аватненень максовсть ярмаконь казнеть ды, коень коряс, мазый пацят.
Т.Аксенова


28.11.2018

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...