Рубрикатор

Демография Чаунзань районсо вастовома
Чаунзань районсо вастовома

Неть читнестэ МР-ва Россиянь Пенсиянь фондонь отделениясь ютавтсь пресс-тур. Отделениянь Управляющеесь Владимир Василькин вейсэ республикань журналисттнэнь марто содавтызь Чаунзань райононть.
Туронь васенце пунктокс кармась «ЛАТО» ОАО-сь. Тесэ Пенсиянь фондонь прявтось вастовсь важодицятнень марто. Течинь чине предприятиясонть важодить 480 ломанть. Седе ламот те предприятиянть содасызь кода Алексеевкань шиферэнь заводонть, кона панжозель 1960 иестэ.

Предприятиясонть пурнавозь вастовомасонть ульнесть сеть важодицятне, конат маласо шкастонть чалгить пенсияс лисемань иетнень трокс ды сеть, кинь мелявтовтыть пенсиянь системань кевкстематне. Панжизе вастовоманть предприятиянь прявтонь васень полавтыцясь Сергей Чингалёв. Сон тешкстызе, важодицятнень туртов истят вастовоматне пек лезэвть ды эрявикст.
«ЛАТО» ОАО-нь коллективенть марто кортамсто Владимир Василькин ёвтнесь Россиянь пенсиянь системань тевтнеде, од ёнкстнэде ды полавтоматнеде. Нама, башка мель явовсь «О внесении изменений в отдельные законодательные акты Российской Федерации по вопросам назначения и выплаты пенсий» ФЗ-нь 350 № Закононтень, конанть Россиянь Президентэсь кемекстызе тедедень ожоковонь 3-це чистэ. Од законось токасынзе сетнень, кить 2019 иень якшамковонь 1-це чистэнть ды седе мейле арсить лисемс пенсияс – те аватне, конат чачсть 1964 иестэ ды седе одтнэ, ды 1959 иестэ ды седе мейле чачозь цёратне. Истя, сыречинь коряс пенсиянь лисема иетне полавтовить, аватнень туртов кемекстазь 60 иетне, цёратнень туртов – 65. Лиякс меремс, пенсияс лисема иетне кассть 5 иес. Теке марто, неть иетне аравтовить аволь сеске, ютамонь шкась – 2019 иестэнть саезь 2028 иенть самс.
– Теке марто, од законсонть башка льгота арсеви сетнень туртов, кить течинь норматнень коряс пенсияс арсесть лисемс 2019 ды 2020 иетнестэ. Сынст туртов шкась кувалгавтови ансяк пельиес, – тешкстызе Владимир Василькин. – Пенсияс мереви лисемс пенсиянь иетнень топодемадонть икелеяк, бути ломаненть ули важодемань покш стажозо. Истя, бути авась важодсь 37 иеть, цёрась – 42, пенсияс сыненст мереви лисемс 60 ды 65 иетнень топодеманть апак учо.
Истя жо шкадо икеле пенсияс лисемась ванстови сетнень туртов, кинь ули льготной стажост (25-30 иеть). Тезэ совить тонавтыцятне ды медицинань важодицятне. Ансяк вана шкась шаштови 5 иес (аволь сеске) стажонть пурнамодо мейле. Мертяно, бути тонавтыцясь велень школас важодеме сась 20 иесэ, роботась 25 иень перть ды 2021 иентень пурнась льготной стаж (сыречинь коряс пенсиянь иетнес жо эзь пачкоде), пенсияс сон лиси 2022 иестэ.
Вастовоманть лувсо кортавсть пенсиятнень коряс ламо лия талновтыця кевкстематнеяк, конат мелявтовтыть ломантнень. Ульнесть ламо кевкстематкак. Эрьванть лангс максозельть домка ды чарькодевикс каршо валт.
Седе тов Пенсиянь фондонь Управляющеесь содавтызе Комсомольской посёлкань 2-це № средней школанть. Тесэ вастовсь тонавтницятнень ды тонавтыцятнень марто. Од ломантнень туртов ютавтозель пенсиядо содамочинь урок.
– Течинь чине Мордовия Республикасо лововить 257,6 тыщат пенсионерт. Сынст эйстэ седе покш пельксэсь получить страховой пенсиятнень. Истямо пенсиясь явови колмо пельксэс. Сон ули сыречинь коряс (максови сеть ломантненень, кить пачкодсть пенсиянь иетнес, эли жо сетненень, кить пенсияс лиссть шкадо икеле); инвалидностень коряс (истямо пенсиясь максови лавшо шумбрачи марто ломантненень); трицянь-кастыцянь ёмавтомань коряс (сонзэ получить кулозь ломаненть семиясо а важодицятне).
Теке марто течинь чине страховой пенсиясь пандови ансяк сестэ, зярдо топавтовить колмо эрявикс ёнкстнэ. Васняяк ломанентень пачкодема пенсиянь иетнес. Неень шкане аватненень – 55 иетнес, цёратненень – 60 иетнес. 2019 иень якшамковонь 1-це чистэ неть иетне полавтовить. Страховой пенсиянь ладямонь эштё вейке ёнксось – страховой стажонь улемась. Тедеде страховой сехте аламо стажось – вейксэ иеть. Эрьва ие те цифрась покшолгавтови вейке иес, зярс сон а карми 15 иеть (2024 иенть самс). Истя жо пенсияс лисемга эрявить таштамс зярыя пенсионной баллт. Те иестэ сынст покшолмась – 13,8.
А эряви стувтнемс, страховой пенсиясь пандови ансяк весе неть ёнкстнэнь топавтозь. Секскак эряви свал ваномс эсь таштазь баллтнэнь мельга, конатне максовить ансяк «ашо» зарплатанть кис, лиякс меремс, бути важодицянть кисэ Пенсиянь фондс теевить страховой пандоматне. Арасть пандомат — пенсиянь баллткак арасть.
Бути жо пенсиянь иетнес эрявикс баллтнэ а пурнавить, ломанентень пенсиясь а пандови семс, зярс сон сынст а пурнасынзе. Эли жо вете иень ютазь пенсияс лисема иетнень топодемадонть мейле максови социальной пенсиясь, – ёвтнесь Владимир Василькин.
Истя жо вастовоманть лувсо тонавтницятненень ёвтневсь ЕГИССО-нть (социальной обеспечениянь вейкине государственной информационной система) важодемадо. Те системась ушодсь важодеме 2018 иень якшамковсто ды сонзэ вельде мереви неемс, кодамо социальной лезкс максови ломанентень. Истя жо ёвтневсь электронной сервистнэде. Течинь чине Интернет вельде топавтовить Пенсиянь фондонь 22 услугатне.
Седе тов пресс-туронть юрсо ульнесь вастовома Медаева велень эрицятнень марто. Велесь, мерема, аволь вишкинетнень эйстэ. Эрицятнеде лововить 561 ломань. Целанек жо Медаевань велень поселениясонть лововить 759 эрицят. Велесэнть ули основной школа (45 тонавтницят), эйдень кужо, почта, медпункт, Культурань кудо. Тесэ вастовомань кенярксов тевекс кармась СНИЛС-нь максомась. Обязательной пенсионной страхованиянь свидетельствась максовсь Наталья Куликованень тейтерензэ Анастасия Куликовань лангс. Настя чачсь тедедень июньстэ. Семиясонть сон васенце эйкакш.
Эрицятнень марто вастовомасонть Пенсиянь фондонь прявтось Владимир Василькин кортась пенсиянь од законодательствадонть. Ламо кортавсь велень хозяйствасо ламо иетнень перть важодеманть кисэ пандоматнень коряс.
Истя жо Медаевасо улемстэ фондонь важодицятне содавтызь Шитовтнень семиянть. Сынь авань капиталонь ярмактнень лангс витнизь-вадрялгавтызь кудост.
Анатолий Юрьевич ды Любовь Александровна Шитовтне трить-кастыть ниле эйкакшт. Колмо цёрынькат ды тейтерька. Сехте покшонтень, Олегнень, 16 иеть, омбоцентень, Даниилнэнь – 12, Анжеликанень – 7 ды Алексейнень – 2 иеть.
Колмоце эйкакшонть (Анжеликань) кисэ семиянтень максовсь авань капиталонть лангс сертификат. 2013 иестэ сынь неть ярмактнень нолдызь тевс – витнизь-покшолгавтызь кудост. Ды кода ёвтни Любовь Александровна, бути икеле семиянек эрясть комсь кавонзазь метрас кудынесэ, ней сынст ули покш ды вадря кудост, косо башка нупальть улить эйкакштнень туртовгак.
Семиясь ёвтась покш сюкпря Россиянь Президентэнтень истямо эрявикс программанть кисэ.
Чаунзант районсо улемстэ Пенсиянь фондонь важодицятне истя жо вастовсть райононь Ветеранонь советэнтень совицятнень марто.
Ю.Еремина
Фототне Н.Карановонь


31.10.2018

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.