Рубрикатор

Демография Висюлькинтнэнь семиясь эри покш ояксчисэ
Висюлькинтнэнь семиясь эри покш ояксчисэ

Аволь умок минек республикасо ютавтовсть Равчирень федеральной округонь покш чить, конатнень эйстэ вейкесь – «Успешная семья Приволжья – 2018» пелькстамось. Кода уш пачтинек тиринь газетань лопатнесэ, Мордовияв пурнавкшность ПФО-нь кемнилее регионтнэстэ ламо эйкакшонь триця семият, кить зярыя чинь перть аволь ансяк невтизь ёрокчист эрьва кодамо тевень топавтомо маштомасо, истя жо теевсть содавиксэкс минек республикань мазый таркатнень марто. Ламот эйкакштнень ютксто васенцеде ульнесть Мордовиянь прявт ошсонть, секс те мероприятиясонть улемась ульнесь тенст алкуксонь казнекс.

Те пелькстамонтень сыцятнень ютксто сехте покш семиясь, косо трявить-кастовить кемгавксово эйкакшт, Висюлькинтнэ – Мордовиясто.  Сынь эрить Темниковасо, кезэрень ошсонть. Сынст марто теевемс содавиксэкс неть строчкатнень сёрмадыцянтень прась уцяска кеменьшка иеде икеле, зярдо семияст ульнесь аволь истямо покш ды ютакшнось аволь пек ламо шка Мордовияв эрямо самодост мейле.

 

Мордовиясь – омбоце чачома мастор

Истя ловить Александр ды Елена Висюлькинтнэ. Кемготово иеде икеле Темникова кезэрень ошонть свалшкань эрямо таркакс кочкизь Саратова ёнксонь эрицятне. Эрямосонть стяконь тевть а эрсить, эрьва вастовоманть тенек прок сонсь Пазось кучи. Истя лиссь Висюлькинтнэнь семиясояк, Елена Владимировнань авазо, Лидия Михайловна Малышева, зярдо тензэ ульнесть 45 иеть, стакасто ормалгадсь. Врачтне мерсть тензэ: эрямс кадовсь кавто ковдо а седе ламо. Авась эзь стякшно таркастонзо ды энялдсь максомс тензэ ловномс православиянь книганть, конань тенст храмсо казизь нуцьканзо лемдемстэ. Те книгастонть ушодовсь  Пазнэнь кемемазо, аламонь-аламонь кармась якамо службатнес. Шкань ютазь ормась потась, сон жо теевсь покшчитнестэ церьковав свал якицякс. Виде, ульнесь покш мелезэ, штобу Елена тейтерезэяк истя жо сакшноволь службатнес, ды мик Пазонтень теде энялдсь. Пшкадемась марязель, Елена Владимировнань валонзо коряс, сон аволь стамбарнэ совась, а ливтязь тов ливтясь, зярдо стакачись куродызе. Истя кавонест ават-тейтерть семияст  марто теевсть алкукс православнойкс.

Лидия Михайловна паломникень килангсо улемстэ пачкодсь Темниковав. Те таркась пек тусь аванть мельс, ды монастыреськак ошонть маласо. Тосо улемстэ чачсь арсема – самс тов эрямо, тердизе мартонзо тейтерензэ семиянтькак. Висюлькинтнэ варштызь тарканть ды, тетяст-аваст лангс ванозь, истя жо свалшкань эрямо таркакс кочкизь Темниковань ёнксонть. Виде, васень шкастонть эрясть весе вейсэ, берякшке кудосо, ансяк Пазось сынст эзинзе кадо. Эрямонь килангсост вастовсть истят ломанть, кинь вельде сась тенст алкуксонь лезкс. Течинь чис сынь ёвтыть покш сюкпря республикань ламо эйкакшонь триця «Семья» вейсэндявксонь прявтонтень Н.А. Котлованень.

Надежда Алексеевна макссь тенст лезэв превс путомат – стакачитнень лангс апак вано, саемс кредит паро эрямо таркань рамамс. Висюлькинтнэ истя тейстькак, ды тевест лиссь пек парсте. Кото иеде икеле совасть эрямо покш, валдо, мазый кудос, косо вечкезь ды ояксчисэ трить-кастыть вейксэ тейтерькат ды вейксэ цёрынеть. Виде, сехте покшось, Александр, вузонь прядомадо мейле важоди ды лезды малавиксэнзэ туртов, колмо тейтерест – Арина, Кристина ды Юлия – тонавтнить Темниковань велень хозяйствань колледжсэ, конань филиалозо ули Теньгушевасо, косо тонавтни Анастасия тейтерест. Эйкакштнестэ кемгавтовотне – школасо тонавтницят, сехте вишкинесь, Илья, яки эйдень кужов.

Висюлькинтнэнь семиясо эрьва эйкакшось: эсестэсь эли саезесь, вечкевикст вейкетьстэ, эсь ютковасткак сынь эрить покш ояксчисэ ды вейке-вейкенень лездазь. Эрьвась эйстэст явови эсензэ ёрокчисэ. Невтемакс, Аринань пек мазый вайгелезэ. А стяко тейтерькась невтизе морамонь ёрокчинзэ кода Мордовиясо, истя сонзэ томбалеяк. Аволь весть лиснесь лауреатокс эрьва кодат фестивальтнесэ ды пелькстамотнесэ. Кристина машты парсте викшнеме ды човалясто кодамо. Сонзэ кедьсэ теезесь аволь весть невтневсь ламо эрьва кодат выставкатнесэ. Вера пек вечки ловномо, седеяк пек стихотворениянь ды прозань тонавтнеме ды сынст парсте ёвтнеме.

Аволь умок «Содружество» раськеютконь пелькстамосонть, кона ютавтовсь Сочи ошсо, сон весень дивавтынзе гайтев вайгельсэ стихотворениянь парсте ёвтнемасо ды лиссь изницякс. Весе кунсолыцятне вастызь пси цяпамосо, а жюрись максызе тензэ васенце тарканть ды Гран-принть. Эйкакштнень ёрокчидест пек ламо, весе сынь а ёвтневить. Невтемакс, кода мазыйстэ веенстнэ маштыть столь лангс ярсамопеленть путомо, аваст туртов пидемстэ-панемстэ лездамо сестэ, зярдо лиятне садпирень тевтнень седейшкава топавтыть.

Виде, эйкакштнень ёрокчист панжомасо, сынст алкуксонь ломанекс кастомасо покш путовксост сынст тетяст-аваст Александр ды Елена Висюлькинтнэнь, кить а содыть оймамо чинек-венек. Чить важодема таркасот, веть – певтеме кудонь тевть. Тешкстасынек, Елена Владимировна важоди Темниковань Культурань кудонь клубонь роботань отделэнь прявтокс, Александр Николаевич – «Электротеплосетьсэ» автопарконь механикекс. Важодемась лездась Елена Владимировнанень эйкакштнень марто теемс вокалонь студия ды семиянь театра. Бажить участвовамс ламо эрьва кодат пелькстамотнесэ, конат ютавтовить масторонь келес.

Кунсолат Александр ды Елена Висюлькинтнэнь ёвтнемаст певтеме тевдест ды арсезеват, косто сынь саить вийтнень, эдь эйкакштнень аволь ансяк андомс-симдемс эрявить, истя жо эрьвантень башка мель явома. Школасо тонавтницятнестэ кемгавтово, эрьванть ванома, кода уроконзо тонавтнинзе. Весе эйкакштне тонавтнить парсте, школасо невтить домка содамочить. Ды сынськак мирдесь ды нись ламо тонавтнить. А.Н.Висюлькин аволь умок прядызе М.Е.Евсевьев лемсэ пединститутонть, Елена Владимировна пряды Н.П.Огарёв лемсэ МГУ-со магистратура. Неень шкане сёпомс а мезть, сеедьстэ од тетятнень-аватнень пельде сави марямс, кода стака трямс вейке-кавто эйкакштнень, пеняцить шканть а сатоманзо лангс. А вана Висюлькинтнэнь эрьва ков саты виест ды превест.

Кевкстеманок лангс: мейсэ явовить лиятнеде ламо эйкакшонь триця те семиясонть эйкакштне, Елена Владимировна пачтясь, сынь а ёмавтнить шкаст телевизор ды компьютер икеле. Висюлькинтнэнь эйкакштне ваныть ансяк DVD коряс эрявикс программатнень ды сеть мультфильматнень, конатнень тетяст-аваст вишкапингстэ пек вечксть. Ды мезесь кенярдовты, эйкакштнень мельс сынь пек тукшныть. Вишкинетнень арасть сотовой телефоност, ансяк покштнень улить. Покшчитнестэ эйкакштне тетяст-аваст марто якить церьковав, сынь парсте чарькодить, мезе парось, а мезе а эряви теемс.

Пек кемеви, неть эйкакштнестэ лисить алкуксонь ломанть, кить а кадсызь стакачис малавиксэст ды ялгаст. Нать, а стяко «Успешная семья Приволжья – 2018» пелькстамосонть Висюлькинтнэнь семиясь лиссь изницякс аволь ансяк «Родительская слава» номинациясонть, истя жо «Приз зрительских симпатий» номинациясонтькак.

в.Юдина

 

Новости

Партийцы провели мониторинг реконструкции здания детсада и парковой зоны в селе Большие Березники
Ремонтные работы проходят в рамках партийных проектов «Новая
школа» и «Городская среда»
В 2019 году на ремонтные работы и строительство дополнительного
корпуса к Большеберезниковскому детсткому саду «Теремок» выделено
около 53 миллионов рублей в рамках партийного и национального
проектов. Всего в районе 424 ребенка дошкольного возраста, в райцентре
Большие Березники проживает 326 детей. В электронной очереди на
получение мест в дошкольном учреждении стоят 77 ребят. В Больших
Березниках ждут открытия реконструированного детского сада с
нетерпением. Окончание работ запланировано на 31 октября. Депутат
Государственного Собрания республики Александр Акайкин,
представители районной администрации ,местного отделения партии
остались довольны качеством проведенных работ. Строящийся новый
корпус детского сада рассчитан на 60 мест. Здесь будут размещены
ясельные группы. Уже практически закончены строительно-монтажные
работы.
Подробнее ...
 
В День физкультурника в спортивных сооружениях Мордовии прошли Дни открытых дверей
День физкультурника широко отпраздновали в Саранске и районах республики. В этот день в физкультурно-оздоровительных комплексах и бассейнах, построенных в рамках реализации федерального партийного проекта «Строительство физкультурно-оздоровительных комплексов» в Республике Мордовия прошли спортивные праздники.


 
Подробнее ...
 
«Почти половина россиян готова проголосовать за "Единую Россию"
По сообщению  информационного агенства  ИНТЕРФАКС - "Единая 
Россия", КПРФ и ЛДПР прошли бы в Госдуму нового созыва в случае, если 
бы парламентские выборы проводились в ближайшее воскресенье, 
свидетельствуют данные опроса "Левада-центра", поступившие в 
"Интерфакс".
Согласно результатам социологического исследования, среди 
участников опроса, готовых отправиться в этот день на избирательные 
участки и определиться с партией, за которую хотят голосовать, 44% 
респондентов отдали бы предпочтение партии власти.
Подробнее ...
 
«Единая Россия» поддержала создание в каждом федеральном округе учебных центров для волонтеров
В каждом федеральном округе России при поддержке «Единой России», МЧС
России и Министерства просвещения появятся учебные центры для волонтеров.
Они помогут им получить необходимые знания и умения для оказания
эффективной помощи людям во время чрезвычайных ситуаций (ЧС). Об этом
заявил секретарь Генсовета «Единой России», вице-спикер Совета Федерации
Андрей Турчак во время посещения учебного центра Всероссийского
студенческого корпуса спасателей (ВСКС) в Москве.
Подробнее ...
 
Локомотивы роста: В ходе семинара обсудили расширение доступа субъектов малого предпринимательства к закупкам крупнейших заказчиков
В Торгово-промышленной палате при поддержке рабочей группы проекта
«Единой России« «Локомотивы роста» состоялось заседание, в ходе которого
обсуждались возможности расширения предпринимательства к закупкам крупнейших заказчиков. На встрече обсудили
меры финансовой поддержки субъектов МСП, способы их участия в закупках,
систему информационного обеспечения и контроль деятельностью.
«Сейчас для нас одной из главных задач является развитие промышленного и
высокотехнологичного малого и среднего бизнеса. Для этого нужно помочь
предпринимателям участвовать в закупках, в том числе и через механизм
лизинга», - сказал координатор партийного проекта «Локомотивы роста» в
республике Юрий Левашкин.