Рубрикатор

Демография Равчирень фестивалесь Саранскойсэль
Равчирень фестивалесь Саранскойсэль

Неть читнестэ республикасонок ютавтовсть кавто покш кенярксчить-пелькстамот, ков пурнавкшность ламо участникть аволь ансяк минек Мордовиясто, истя жо  инжеть сакшность Россиянь лия регионтнэстэ. Покш чись ушодовсь Республикань Культурань кудосонть. Тосо ульнесь тетявтомо-ававтомо кадовозь эйкакштненень социальной адаптациянь ютавтомань ды эйдень кудотненень лезксэнь максомань ПФО-нь «Вернуть детство» фестиваленть ды «Успешная семья Приволжья –2018» пелькстамонть торжественной панжомась.

 

Те чистэнть мазый ды покш залонтень пурнавкшность Равчирень федеральной округонь кемнилее регионсто сыцят. Покш промксонть ушодовомсто тешкстазель, Равчирень федеральной округсо неть проекттнэ эрямос совавтовить 2009 иестэ саезь ПФО-со Россиянь Президентэнь полномочной представителенть вановтонзо ало.

Весе тов сыцятненень фойесэ невтезель эйдень кудотнень воспитанниктнень «МастерОК» прикладной творчествань выставкась. Седе икеле ПФО-нь 14 регионсто 67 участниктне невтизь эсь ёрокчист. Инжетне покш питне путсть човалясто кодамонтень, мозаикантень, керамикантень ды весе сенень, мезенть вечкезь теизь эйкакштне.

ПФО-со Россиянь Президентэнь полномочной представителенть И.А.Комаровонь пельде инжетненень ды пелькстыцятненень паронь арсемат ёвтась Мордовия Республикава Главной федеральной инспекторось М.С.Сезганов. Шумбракстнемань валсонзо сон мерсь, кодамо мельспаросо вастови минек кедьсэ ютавтовиця истямо покш ды знаковой «Вернуть детство» проектэсь, косо ламо ёроков эйкакшт. Прявт тевесь – лездамс эрьва од интеллектуалонтень, спортсменэнтень, артистэнтень, художникентень кемемс эсь вийтнес, округонь ламо регионтнэстэ муемс од ялгат. Проектэнь пелькстамонь программатнесэ улемась сы шкане лезды тенст совавтомс эрямос тевень ды духовно-нравственной ёнксонть.

«Успешная семья Приволжья – 2018» фестивалентень-конкурсонтень сыцятненень поздоровт ёвтась Мордовия Республикань Правительстванть пельде Российской Федерациянь Федеральной Собраниянь Федерациянь Советэнь членэсь, Федерациянь Советсэ раськеютконь тевтнень коряс комитетэнь прявтонь васенце полавтыцясь С.И.Кисляк. Сергей Иванович тешкстызе, кодамо покш путовксозо семиянть минек обществасо. Семиянть сон лемдизе государстванть ды обществанть юрокс.

Седе тов пелькстамотне поладовсть Рузонь драмань театрасо. Тосо эсь ёрокчист невтизь Кировонь, Оренбургонь, Самарань, Саратовань, Пермень, Пензань ды Россиянь ламо лия регионтнэстэ сыця инжетне. Мордовиянть пельде кочказель Темниковасто 18 эйкакшонь триця Висюлькинтнэнь семиясь. Сынь невтсть од лувсо «Репка» ёвксонть ды музыкальной номер.

***

Сентябрянь 22-це чистэ Республикань Культурань кудосо таго вейс пурнавкшность Равчирень федеральной округонь «Вернуть детство» покш фестивалень  ды «Успешная семья Приволжья – 2018» пелькстамонь участниктне. Торжественной покш промкссонть ульнесь Мордовия Республикань Прявтось В.Д.Волков. Икельце валсонзо сон тешкстась, кодашка честь миненек: васенцеде республикасонть, вейке региононь площадкасо, пелькстамонть ды фестивалень весе этаптнень ютавтомась. Тень кисэ сон ёвтась сюкпря Равчирень федеральной округсо Россиянь Президентэнь полномочной представителентень И.А.Комаровнень ды Белоруссиясо Россиянь посолонтень, Россиянь Президентэнть торгово-экономической сотрудничествань виевгавтомань спецпредставителентень М.Бабичнень, кинь марто ушодовсь неть мероприятиятненень анокстамось.

МР-нь Прявтонть В.Д.Волковонь валонзо коряс, неть мероприятиятнень ютавтыцятне инжетненень анокстасть истямо программа, конань вельде сынь теевсть содавиксэкс минек региононть марто ды редизь весе одонть, мезе теевсь Мордовиясо Футболонь коряс масторлангонь чемпионатонтень анокстамсто.

– Кеман, те миненек удалась теемс ды тынь Саранскойстэ сайсынк мартонк тиринь ошов сехте лембе ды валдо ледстнематнень, – мерсь МР-нь Прявтось. – Эйкакшпингесь – те сехте паро шка юткстонок эрьвантень. Ды киньгак арась правазо саемс ломаненть те паро шканзо. Округонь те паро проектэнть вельде удалась велявтомс уцясканть тёжат эйкакштненень. Сынь невтизь ёрокчист, пачтясть эстедест. Эйкакштнень туртов те покш опыт ды икелепелев ламос бажамонтень меленть кепедема.

Седе тов МР-нь Прявтось тешкстась, сехте эрявиксэсь те тевсэнть – а лоткамс неть изнявкстнэс. Эряви эскельдямс икелев ды бажамс куземс тёкшс.

Равчирень федеральной округонь «Успешная семья Приволжья – 2018» пелькстамось теевсь содавиксэкс семиянь питнейчитнень ванстомаст, койтнень-кирдатнень а стувтомаст, перькаст лия ломантнень пурнамост коряс.

– Минь кенярдтано вастомс кемнилее кеме ды ояксчисэ эриця семиятнень ПФО-нь весе регионтнэстэ, – мерсь В.Д.Волков. – Весе неть тетятнень-аватнень покш авторитетэст обществасонть, эсь эйкакшост туртов сынь невтить пример, те сехте покш казнесь.

В.Д.Волков пурнавозтненень пачтясь, кодамо мель явови минек регионсо семиятненень ды лезкс ламо эйкакшонь трицятненень. Невтемакс, виевгавтови социальной сферась. Покш вановт ало спортось, панжовить од школат ды эйдень кужот, поладови ипотекань коряс эрямо таркань стявтомась.

МР-нь Прявтонть валонзо коряс, Мордовиясь свал невти ёрокчинзэ неть пелькстамотнесэ. 2015 иестэ те фестивальсэнть минек республикасто Шумкинтнэнь семиясь саизе омбоце тарканть, мелят жо ламо эйкакшонь триця Канаевтнень семиясь лиссь изницякс «Родительская слава» номинациясонть. Тедеде минек региононть пельде ёрокчинзэ невтизе Висюлькинтнэнь ламо эйкакшонь триця семиясь, косо трявить-кастовить 18 эйкакшт.

Тешкстасынек, Александр ды Елена Висюлькинтнэ минек республикав састь эрямо Саратовань ёнкссто, сестэ семияст ульнесь аволь истямо покш. Ней жо Мордовиянть ловить чачомань омбоце таркакс. Сындест публикациянть ловнодо сы номерсэнть.

В.Юдина

 

 

Новости

Партийцы провели мониторинг реконструкции здания детсада и парковой зоны в селе Большие Березники
Ремонтные работы проходят в рамках партийных проектов «Новая
школа» и «Городская среда»
В 2019 году на ремонтные работы и строительство дополнительного
корпуса к Большеберезниковскому детсткому саду «Теремок» выделено
около 53 миллионов рублей в рамках партийного и национального
проектов. Всего в районе 424 ребенка дошкольного возраста, в райцентре
Большие Березники проживает 326 детей. В электронной очереди на
получение мест в дошкольном учреждении стоят 77 ребят. В Больших
Березниках ждут открытия реконструированного детского сада с
нетерпением. Окончание работ запланировано на 31 октября. Депутат
Государственного Собрания республики Александр Акайкин,
представители районной администрации ,местного отделения партии
остались довольны качеством проведенных работ. Строящийся новый
корпус детского сада рассчитан на 60 мест. Здесь будут размещены
ясельные группы. Уже практически закончены строительно-монтажные
работы.
Подробнее ...
 
В День физкультурника в спортивных сооружениях Мордовии прошли Дни открытых дверей
День физкультурника широко отпраздновали в Саранске и районах республики. В этот день в физкультурно-оздоровительных комплексах и бассейнах, построенных в рамках реализации федерального партийного проекта «Строительство физкультурно-оздоровительных комплексов» в Республике Мордовия прошли спортивные праздники.


 
Подробнее ...
 
«Почти половина россиян готова проголосовать за "Единую Россию"
По сообщению  информационного агенства  ИНТЕРФАКС - "Единая 
Россия", КПРФ и ЛДПР прошли бы в Госдуму нового созыва в случае, если 
бы парламентские выборы проводились в ближайшее воскресенье, 
свидетельствуют данные опроса "Левада-центра", поступившие в 
"Интерфакс".
Согласно результатам социологического исследования, среди 
участников опроса, готовых отправиться в этот день на избирательные 
участки и определиться с партией, за которую хотят голосовать, 44% 
респондентов отдали бы предпочтение партии власти.
Подробнее ...
 
«Единая Россия» поддержала создание в каждом федеральном округе учебных центров для волонтеров
В каждом федеральном округе России при поддержке «Единой России», МЧС
России и Министерства просвещения появятся учебные центры для волонтеров.
Они помогут им получить необходимые знания и умения для оказания
эффективной помощи людям во время чрезвычайных ситуаций (ЧС). Об этом
заявил секретарь Генсовета «Единой России», вице-спикер Совета Федерации
Андрей Турчак во время посещения учебного центра Всероссийского
студенческого корпуса спасателей (ВСКС) в Москве.
Подробнее ...
 
Локомотивы роста: В ходе семинара обсудили расширение доступа субъектов малого предпринимательства к закупкам крупнейших заказчиков
В Торгово-промышленной палате при поддержке рабочей группы проекта
«Единой России« «Локомотивы роста» состоялось заседание, в ходе которого
обсуждались возможности расширения предпринимательства к закупкам крупнейших заказчиков. На встрече обсудили
меры финансовой поддержки субъектов МСП, способы их участия в закупках,
систему информационного обеспечения и контроль деятельностью.
«Сейчас для нас одной из главных задач является развитие промышленного и
высокотехнологичного малого и среднего бизнеса. Для этого нужно помочь
предпринимателям участвовать в закупках, в том числе и через механизм
лизинга», - сказал координатор партийного проекта «Локомотивы роста» в
республике Юрий Левашкин.