Рубрикатор

Демография Кулят Ошонь Администрациясто
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

 

Саранскоень прявтось мерсь, эрявить ванномс аволь ансяк ошонь кинотеатратнень, истя жо микшнемань  центратнень. «Минек ошонь кодамо торговой центра иля сае – эрьва косо запасной лисема таркатне пекстазь. Мон редия «Огарев-плаза» ТЦ-нь совамо тарканть. Тосо кенкштне свал пекстазь, автоматической кенкштне аволь свал парсте важодить, тосто а лисеват. Мейле кинь карматано чумондомо?! Ульнесь истя, зданиянть эксплуатацияс совавтоманзо коряс документтнэнь велявтынек мекев, тосо колазь безопасностень техникась, минек марто ушодыть судямо ды яволявтомо, весе теезь закононь коряс. Васняяк, эрьвась, эсензэ таркасо кадык арси ломантнень ланга, а невтни закон лангс», – ёвтызе мелензэ Петр Тултаев.

***

Мартонь 26-це чистэ саезь Саранскоень школатнесэ ушодовсть тундонь каникулатне. Гриппсэ ормалгадомадонть пекстазь 14 класст. «Ошонь культурань учреждениятнесэ весе культурно-массовой мероприятиятнень эрявить лоткавтомс, иляст уле ламо сэредицят. Бути ормалгадыде, аштеде кудосо, илядо кандтне инфекциянть», – тешкстызе Петр Тултаев.

Саранскойсэ ушодовить Маень 9-це чинтень ды Ошонь чинтень анокстамотне. Истямо кармавтома макссь Петр Тултаев. «Июнень 16-це чистэ Саранскойсэ карми Чемпионатонь васенце матчось, ошонть мазылгавтомсто эряви тевс нолдамс футболонь тематиканть. Июнень 12-це чистэ, Ошонь чистэнть, эрявить невтемс сеть раськетнень коест-кирдаст, конатне кармить налксеме минек стадионсо. Моротнеде-киштематнеде башка, анокстама культурно-справочной материалт Футболонь коряс масторлангонь чемпионатонь командатнеде-участницатнеде», – мерсь Петр Тултаев.

Теде башка, ошонь школань прядыцятнень выпускной чокшнетне ды аттестатонь явшематне ютавтовить июнень 23-це чистэ.

***

Оперативной совещаниясонть кортамось мольсь Саранскоень аэропортонть видьс транспортонть якамодо. Маень васенце читнестэ аэропортонь комплексэнть видьс нолдави общественной транспорт, кона карми важодеме свал. Ней яволявтозь перевозчикень коряс конкурс. Те маршруттканть транспортонь ардомань интервалось ладязо самолётонь рейстнэнь коряс. Петр Тултаев макссь кармавтома, конкурсонть ютавтомадо икеле нолдамс тов автобус. Истя жо кортамось мольсь аэропорт вакссо парковкадонть. Ламо пассажиртнэ сакшныть аэропортов эсест транспортсо, кадсызь сынст а ванстовиця парковкас, туить Московов, чокшне самсто мусызь машинаст нолдазь чары марто. Кода тешкстазель, чарытнень колыть таксисттнэ. Теде башка, сынь саить пассажиртнэнь кедьстэ покш питне. Ошонь мэрэсь кармавтсь пачтямс аэропортонь прявттнэнень, кадык мезеяк арсить.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...