Рубрикатор

Демография Кизэсь – свадьбань кенярксов шка
Кизэсь – свадьбань кенярксов шка

Кизэсь, коень коряс, свадьбань сехте паро шка. Урьвакстыцятне-мирденень лисицятне бажить ютавтомс те мазый кенярксчинть лиятнень енов а молицякс. Сеедьстэ неть свадьбатне налксевить аволь тиринь масторсо.

Васняяк, од ломантненень эряви содамс, омбо масторсо свадьбань регистрациятне а теить тынк мирдекс-никс. Бути арсетядо ютавтомс свадьбанть Балисэ эли Гавайясо, эряви содамс, неть мазый регистрациятне иневедь чиресэ ютавтневить ансяк сеть ломантнень туртов, конатнень уш регистрировазь бракост эсест тиринь масторсо.

 

Неень од койтнень коряс, одирьватне-содамотне сеедьстэ налксить эсь свадьбаст кавксть эли колмоксть, кинь зярс сатыть ярмакост. Невтемакс, Сальвадор Дали артыцясь урьвакстнесь, натой, ведьгеменксть. Ды свал сайнизе эсь никс Галань, рузонь аванть – Елена Дмитриевна Дьяконовань. Те церемониясь ютавтневсь эрьва масторсо, козонь сакшнось содавикс артыцясь. Далинь дивавтыльть тосонь свадьбань койтне.

Таити усиясонть тынк учи сехте тандавтыця церемония. Васняяк весемесь моли парсте. Одирьванть ды содамонть мазыйстэ наряжазь венчсэ уевтьсызь свадьбань ветямо таркантень, почодсызь тантейстэ качадыця цецясо, тосонь эрицятне киштить ды морыть. Церемониянть шкасто тенст максови специальной конев, конась сермадозь Таитинь кельсэ. Седе тов ушодови покш тевесь. Од ломантнень кадсызь плавкасо ды купальниксэ, максыть тенст аквалангт, пекстасызь клеткас ды ертсызь се таркантень, косо укшныть акулат. Вана истя вансызь мирденть-нинть ежомарямост свадьбань васенце чистэ!

Весе церемониянть питнезэ 1,5 тежат долларт. Эйзэнзэ эряви эште путомс ярмакт самолетсо ливтямс ды инжень кудосо эрямс. Суммась малав 15 тежат долларт, кавтов – а вишкине!

Сехте умонь коесь ванстовсь Даниясо. Тосонь одирьватне оршнить свадьбас раужо платия ашо кружова марто. Фатань таркас эряви путомс сырнень корона. Сонзэ яла сайнесызь священникенть кедьстэ, конась ютавты те церемониянть. Седе тов ушодовить киштемат-элякалемат валскес.  Келя, покш гайттне идить мирденть-нинть апаро вийтнеде.

Турагентстватнень кедьстэ рамазь путевкатне те церемониянть теемс стить тенк малав кавто тежат еврот. Тозонь сови эрявикс документэнь пурнамось, госпошлинась, омбо масторонь кельстэ ютавтыця ломанесь, отельсэ свадьбань чокшнесь ды симемапель марто а покш столесь ратушанть икеле. Весе лия арсематнень кисэ сави пандомс башка ярмакт.

Сехте дивавтыця свадьбась Ямайкасо. Тосонь власттне анокт тынк урьвакстомс-венчамс бамбуконь венчсэнть ведь лангсо, эли Очо Риос сад пиресэнть, Негрила пандонть  прясо чипаень валгомсто ды косо меленк ули. Мэриясь максы официальной документ венчамодо-урьвакстомадо, ансяк минек масторонь власттнень туртов сон ялатеке стяконь коневне. Ямайкасо свадьбанть налксемс эряви тиринь масторсто туемс мартот чачомадо свидетельстват, тетянк-аванк пельде согласия ды эште ламо эрявикс коневт.

Тешкстама, сонсь церемониясь аволь питней – малав 80 долларт. Питней карми самолетсо ливтямось ды тосо эрямось – кеменьшка тежат долларт.

Бути тынк ули меленк налксемс свадьба менельсэ – инеськеть, Венань ошонть лангс вановтыця Чаронтень. Сонзэ вере мэриянь представителесь яволявтадызь тынк мирдекс ды никс. Ансяк инженк туртов сави ваномс те тевенть мельга мода лангсто эли шабра кабинкасто, эдь эйзэст кельгить ансяк ниле ломанть.

Венасо свадьбась истя жо сти питнейстэ – малав кавто тежат еврот. Седе питней вариантось, козонь совавтови эште шампанской, ярсамопельть, фотограф, цецянь пусмо ды фортепианань композицият (козонь сонзэ евкстасызь – а чарькодеви) – сти колмо тежат еврот.

Кипр усиясонть свадьбанть минь бу лемдявлинек сехте мельс а туицякс. Сонсь церемониясь юты вишкине, пси комнатасо, косо свидетелекс кармить овсе а содавикс ломанть ды весемесь моли вете-кемень минутат. Те «евксонть» кисэ сави пандомс малав кавто тежат еврот, тозонь а совить самолетсо ливтямось ды эрямось. Парось ансяк вейкесэ – тосонь брактне лововить алкуксокс весе Моданть лангсо.

 

Новости

«Единая Россия» будет добиваться придания захоронениям участников боевых действий статуса «воинских захоронений»

Партия «Единая Россия» займется созданием реестра захоронений ветеранов боевых действий и придания им статуса «воинских захоронений». Это позволит сохранить память о тех, кто защищал интересы нашей страны в ходе боевых действий, не допустить повторного захоронения в этих местах. Об этом заявил секретарь Генерального совета Партии Андрей Турчак на встрече с членами Всероссийской общественной организации ветеранов «Боевое братство», которые обратились к нему с соответствующей просьбой.

Подробнее ...
 
Турчак об ответственности членов «Единой России», обновлении рядов и партийной учебе

Люди ждут от власти взвешенной и справедливой позиции, а самое главное – конкретных действий и решения проблем и честных поступков. Бездумно сказанное слово воспринимается людьми как оскорбление и бьет по репутации власти в целом, заявил секретарь Генерального совета «Единой России» Андрей Турчак в своем интервью «Известиям».

Подробнее ...
 
Терминалтнэ кармасть «кортамо» эрзякс

Ютазь иень декабрянь меельце читнестэ Сбербанконь Мордовиянь отделениянь офистнэс совицятне дивавтозельть вейке ёнкссонть: терминалтнэсэ, конатне максыть обслуживаниянь талонт, информациясь кармась невтевеме аволь ансяк рузонь кельсэ – эрзянь кельсэяк. Лямбирь велень Сбербанконь офиссэ жо панжовсь приложения татаронь кельсэ. Минек республикань эрицятненень истямо од лувось пек вечкевсь. Кода кортыть банконь сотрудниктне, те оштё вейке вишка эскелькс Сбербанконь социальной проектэнть топавтомасо, конась бажи ванстомс Россиянь раськетнень ёмиця кельтнень.

Подробнее ...
 
«Школа грамотного потребителя» поможет жителям Мордовии обезопасить себя при использовании бытового газа

Партийный проект «Единой России» «Школа грамотного потребителя» подготовил комплекс мер по безопасному использованию газа в быту. Об этом рассказал координатор проекта, руководитель «Центра общественного контроля в сфере ЖКХ Республики Мордовия» Алексей Кливер. 

Подробнее ...
 
«Единая Россия» привлечет депутатов к контролю за каждым объектом в рамках реализации нацпроекта «Безопасные и качественные автомобильные дороги»

«Единая Россия» закрепит за каждым объектом, на котором ведутся работы в рамках реализации национального проекта «Безопасные и качественные автомобильные дороги», конкретного депутата, чтобы отслеживать выполнение работ и расходование выделенных на них средств. Об этом сообщил в рамках правчаса в Государственной Думе зампредседателя комитета Госдумы по транспорту и строительству, координатор партийного проекта «Безопасные дороги» Владимир Афонский.

Подробнее ...