Рубрикатор

Демография Моры Юрий Романовский
Моры Юрий Романовский

Аволь умок тевень коряс пачколинь ошонь Светотехстроев. Кись таргавкшнось Октябрянь 60 иетнень лемсэ проспектканть. Шкась ульнесь чопоньбелев, ды, паряк, секскак тесэнь эрицятнестэ ламотне ютасть Пролетарской райононь оймсема парконть ёнов. Малав пачкодемстэ пилезэнь каявсь седейс токиця моро. Морыцясь – цёраломань. Эзинь кирдеве ды совинь парконь ортатнева. Совамо тарканть эйстэ аволь васоло ашти концертэнь площадкась. Самай тезэнь пурнавкшность сехте ламо оймсицятне.

Сценанть лангсо морась раужо сулика марто сельмукшсо шумбра мазый цёра. Моронть прядовомадо мейле концертэнь ветицясь яволявтсь лия моро. Самай сестэ карминь содамо морыцянть лемензэ. Те – Юрий Романовский. Сон аволь профессиональной артист. Сцена лангс лисни седеензэ тердемань коряс. Пек вечки морамо. Весемесь бу улевель таркасонзо, бути а вейкесь. Юрий Романовский овсе сокор. Лиясь бу истямо тевтнесэ нолдавлинзе кедензэ, Юрий Романовскойде истя а мерят.

Цёранть марто теевинек содавиксэкс концерттэ мейле. Прянзо эзь покшкавтне. Кортамонок сеске тусь вейке омбоценень паронь арсемастонть.  Монь ульнесь мелем содамс, косто истямо ломанесь саи зняро вийть, штобу аволь ансяк а ёмамс эрямосонть, истя жо кандомс эсь моротнесэ ломантненень паро ёжо. А мезть сёпомс, неень эрямосонть стака шумбратнененьгак, анеицятненень колмоксть седе стака.

Юрий Романовскоень туртов паро ледстнемакс кадовсь эйкакшпорась. Сестэ сон лиятнеде мейсэяк эзь явовкшно. Чачсь 1963 иестэ Саранскойсэ. Тетязо, Яков Юрьевич, ды авазо, Тамара Ивановна, роботасть ошонь предприятиятнесэ. Цёрынентень эрямо таркатнень полавтнеманть кувалма савсь тонавтнемс колмо школава: 18, 21 ды 8 №№ школатнесэ. Женя ялаксонзо марто, конась эйстэнзэ 7 иеде седе вишкине, лиятнеде мейсэяк эзть явово. Тонавтнесть, чийнесть, налксесть футболсо. Эште школасо тонавтнемстэ Юрань ульнесь покш мелезэ улемс артыцякс. Рисовамонтень сон свал явиль ламо шка. Нурькинестэ меремс, те ульнесь сехте вечкевикс тевезэ. А стяко кортыть, минь арсетяно, Пазось жо теи. Истя лиссь Юрий Романовскоень эрямосояк. Апак учонь сельмень ормась цёранть туртов чополгавтызе пертьпельксэнть. Юра лоткась неемадо. Эряви чарькодемс, кодамо покш вачкодьксэкс ульнесь те тевесь цёранть туртов. Ве ёндо ваномскак истямотнень лангс стака, а зярдо жо эсеть марто истя… Улить ломанть, конат эрямованть снартнить ютамс шождасто ды кочксить истямо китнень. Юрий Романовскоень икеле истямо кочксемат арасельть. Ульнесть ансяк кавто кить: нолдамс кедтнень ды учомс, мезе седе тов канды теть эрямось. Омбоце кись седе стака, мезе лангскак апак вано, а максомс прянть эрямонь стакачитненень ды муемс эсь кинть. Сеть, кить чачить сокорокс эли жо лоткить неемадо вишка порасто, тонавтнить башка школасо, косо эйсэст тонавтыть анеицянь эрямонтень. Романовский сокоргадсь од цёракс, секскак ульнесть талакадомат. Художественной училищанть, косо сон ушодокшнось тонавтнеме, савсь кадомс. Тень таркас савсь молемс Москов маласо Волоколамск ошонь сокортнэнь туртов школав. Кода мерсь сонсь Юрий Романовский, ёвтазь школась макссь тензэ ламо. Самай тесэ сонзэ тонавтызь, кода эрямс неиця ломантнень ютксо ды а марямс прянть лиятнеде седе берянекс.

Колмо ковонь перть тонавтнемадо мейле сон велявтсь таго Саранскоев. Анеицятнень се шкане ды нейгак ошсонок вейсэндясь «Искра» предприятиясь. Тесэ весенень муевиль робота. Уставась роботамо Юрий Романовскойгак. Те шкась ульнесь а кувать. Цёрантень савсь туемс Молдавиянь Тирасполь ошов семиянь тувталтнэнь коряс. 1992 иестэ а покш республикасонть уставакшность аладямотне, конатне касокшность военной действиятнес. Тирасполесь тенень ульнесь куншкакурокс. Леднематне мольсть чинек-венек. Юра Романовский зярдояк а стувтсы, кода сынст кудонтень эшкевкшнесь нолдазь ракетась. Паро, тонась кодамо-бути тувталонь кувалма эзь сезевкшне.

1997 иестэ сон таго велявтсь Саранскоев ды таго сась «Искра» предприятияв. Се шкане тесэ виевстэ роботась художественной самодеятельностесь. Цёранть тердизь хорсо морамо. Эзь отказа, видьстэ меремс, мольсь морсеме юткошканть ютавтомга. Зярыя шкань ютазь кармась тензэ налкставомо. Хорсо морамось тензэ паро ёжомарямо мекс-бути эзь кандо. Сестэ Юрий Романовский мерсь хоронь прявтонтень, келя, ули мелезэ морамс ськамонзо. Эряви меремс, цёрась ськамонзо седе икеле зярдояк эзь морсе ды мик теде эзь арсекшнеяк. Семиясосткак морыцят зярдояк арасельть. Варчизе, мелезэнзэ тусь. Ёвтазденть башка, Юрий Романовский парсте налкси гитарасо. Кармась тенень явомо седе ламо шка. Зярыя шкань ютазь Романовскоень кучизь Казанев. Тосо ютась «Салют Победы» инвалидтнэнь ютксо Равчирень федеральной округонь фестивалесь. Сольной морамотнесэ Юрий Романовскойнень «В тихой речушке» моронть кисэ максозель омбоце таркась.

Казаньстэ самодо мейле сон вастызе Анатолий Горлышкинэнь. Сон истямо жо сокор. Цёратне сайсть мель морсемс кавонест. Зярыя шкань ютазь сынь уш невтсть эсь программаст «Шумбрат, Мордовия!» фестивалень сценанть лангсо. Игорь Слуцкоень «Калина красная» моронть морамодо мейле сынь понгсть финалс. Сестэнь Мордовиянь Прявтось Н.И.Меркушкин, поздоровонь ёвтамонть марто, казекшнинзе цёратнень ярмаконь казнесэ.

Башка историякс Юрий Яковлевичень эрямосо аштить авторонть Игорь Слуцкий марто сюлмотне. Зярдо васенцеде Московонь инжесь сакшнось Саранскоев, Юрий Романовский ды Анатолий Горлышкин кучокшность тензэ залсто конёвсо сёрмадовкс, конасонть вешсть пельдензэ лезкс. Лезксэнь вешемась ульнесь аволь кодамояк ярмаконь, цёратне вешсть мерема, штобу Слуцкий меревель тенст тевс нолдамс эсензэ фонограмматнень. Сестэ инженть ламо шказо арасель, ды сёрмадовксось кадовсь каршо валтомо. Зярыя шкань ютазь сон гайневтсь Романовскойнень телефононь пачк ды яволявтсь, курок сон таго карми Саранскойсэ ды шказо ули мик вастовомс. Истя лисськак. Вастовомась макссь ламо вийть Саранскоень морыцятненень.

2008 иестэ Юрий Романовский ды Анатолий Горлышкин Московсо «Филантроп» фестивалень участникть. Тов сынст кучокшнынзе Мордовиянь Культурань министерствась. «Рябина» моронть кисэ тенст максозель «Сырнень диплом». Сынст выступленияст совавтозель Россиянь «тештень» выступлениятнень юткс, кона программась невтевсь Христос Спасителень храмсонть. Мордовиянь морыцятненень эзь удала тосо морамс. Концертэнь шкась ульнесь поездэнь туемадо мейле. Самодо мейле сыненст максызь «Народный коллектив Мордовии» лементь.

Юрий Романовский лови эсь прянзо уцяскавокс. Сонзэ ули эсензэ проектэзэ, конань сонсь жо нолдызе тевс. Ошонь оймсемань парктнесэ ломантне покш мельсэ сынст кунсолыть. Цёратнень ули мелест келейгавтомс выступлениятнень географиянть, ансяк сокор ломантненень те а шожда тев. Репетициятненьгак сынь ютавтнить башка-башка. Компьютерэнть вельде эрьвась путы вайгелензэ эсь таркас. Мейле весементь пурнасызь вейс ды лиси паро моро. Репертуарось свал одкстомтови. Программасонть моротне эрьва кодат. Улить эсесткак. Юрий Яковлевич Романовскоень тевезэ апак редя эзь кадово. Культурас покш путовксонзо кис сон казезь Мордовия Республикань Почётонь грамотасо, Культурань министерствань Шнамонь конёвсо.

Н.Евдокимов

 

Новости

«Единая Россия» добилась принятия закона о защите животных

Закон о защите животных был принят Государственной Думой 19 декабря через 8 лет с момента внесения. В марте 2011 года он прошел первое чтение. Осенью 2016 года на важность его принятия обратил внимание Президент России и дал соответствующее поручение Правительству РФ.

Подробнее ...
 
Более 1500 заявок подано на участие в учебном модуле Высшей партийной школы «Политический лидер»

За 10 дней с момента старта Высшей партийной школы и первого учебного модуля «Политический лидер» из регионов подано более 1500 заявок на участие. Всего в этом году будет отобрано 150 участников, для которых в Москве пройдет недельное обучение. Об этом заявила первый заместитель секретаря Генерального совета «Единой России» Ольга Баталина.

Подробнее ...
 
Од иень ярмунка

Од иень кенярксчитнеде икеле, ацамковонь 22-це чистэ, Саранскойсэ ютавтови ярмунка, косо кармить микшневеме эрьва кодат товарт ды велень хозяйствань продукция.
Ярмункасонть кармить Мордовиянь микшнемань сферань, общественной питаниянь, перерабатывающей промышленностень ды велень хозяйствань предприятиятне.

Подробнее ...
 
Турчак: Власти компенсируют гражданам затраты на покупку приставок для цифрового ТВ

Правительство РФ и региональные власти предусмотрели исчерпывающий набор компенсирующих мероприятий при переходе с аналогового на цифровое телевещание для малозащищенных слоев населения. Также в региональных бюджетах предусмотрены денежные компенсации или закупка необходимого оборудования. Совет по развитию цифровой экономики при Совете Федерации представит на ПМЭФ-2019 свой рейтинг цифровизации регионов и предложит механизм поддержки лучших региональных практик. Об этом заявил вице-спикер Совета Федерации, секретарь Генерального совета «Единой России» Андрей Турчак по итогам второго заседания Совета по развитию цифровой экономики в Новосибирске.

Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.