Рубрикатор

Демография Мезе талновты од семиятнень
Мезе талновты од семиятнень

Ламо пингень перть семиясь ашти мирденть ды нинть ютксо сехте кезэрень ды кеме институтокс. Виде, неень шкане семиянтень эряволь бу седе виевгадомс аволь ансяк эйкакшонь чачтомасонть, истя жо седе покш мель явомс сынст кастомсто обуцяст кемекстамсто. Теде аволь умок ульнесь кортамо М.Е.Евсевьевень лемсэ МГПИ-нь ВО-нь ФБГОУ-со, ков пурнавкшность МР-нь эрицятнень социальной ванстомань министерствань, республикань ЗАГС-нь службань, Рузонь Православной церьковань Мордовской митрополиянь, «Мордовский республиканский клинический перинатальный центр» МР-нь ГБУЗ-нь важодицятне, те вузонь тонавтницятнень марто.

 

Научно-практической конференциянть панжизе ды ветясь М.Е.Евсевьевень лемсэ пединститутонь воспитательной роботань коряс проректорось, педагогической наукань кандидатось, доцентэсь С.В.Кутняк. Сон тешкстызе, кодашка мель неень шкане явови масторсонок ды республикасо семиянтень. Государствань семиянь политикась  те цела система, ков совавтовить политикань, правань, экономикань, социальной, медицинань ды культурань мератне, конатне максовить семиянть виевгавтомс.

Кодамо лезкс течи Мордовиясо максови эйкакшонь триця семиятненень, пуромозтненень пачтясь МР-нь Эрицятнень социальной ванстомань министерствань демографиянь, семиянь, авань ды эйкакшпингень кевкстематнень коряс отделэнь прявтонь полавтыцясь Е.В.Пашина. Сынст ведомствась вейсэ «Научный центр социально-экономического мониторинга» МР-нь государствань казенной учреждениянть марто ютавтсь социологиянь кевкстнема 18-49 иесэтнень ютксо «Репродуктивные установки, как фактор воспроизводства населения в Республике Мордовия» теманть коряс. Ванкшноматне невтизь, икелень коряс полавтовсь венчамонь-урьвакстомань шкась. Те ёнксось эзизе лепштя одтнэнь мелест семиянь теемга. Текенень полавтовсть условиятне, конатнень коряс одтнэ анокт венчамс-урьвакстомс.

Сехте ламотне (85,4%) венчамост-урьвакстомат арсить кемекстамс ЗАГС-нь органтнэсэ, паспортсо печаттеме вейсэ эрямодо кевкстезетнестэ евтасть мель 5,2 %. Теде башка, пелест кортыцятнестэ (54,9 %) ловить, эйкакшонь чачтомадо икеле эряви сёрмадстомс. Мордовиянь эрицятнень ютксо пелест максызь вайгелест семиясо кавто эйкакшонь трямонть-кастоманть кисэ. Истятнэде, косо арсить чачтомс колмо эйкакшт, колмоксть седе ламо, вейкенть трямонзо коряс. Республикасонть эриця од ломантнень ютксто ламот васень таркас семиянь эрямосонть аравтыть  материальной базанть кемечинзэ.

Е.В.Пашинань валонзо коряс, Мордовиясо ули ды тевс нолдави од семиятненень государственной алкуксонь лезкс эрямо таркань аволь питнейстэ рамамонь коряс. Эйкакшонь трицятненень социальной лезксэсь тееви государствань эрьва кодамо социальной пособиятнень вельде, ютксост улить истят, конатнеде кияк икеле эзь марсе. Эштё аволь умок од семиятне учость лезкс ансяк тетяст-аваст пельде, ней жо сыненст эрьва ковсто пандови пособия эйкакшост туртов 1,5 иень топодемс.

Пандовить вейке шкань пособият военнослужащеень пешксесэ нитненень, кинь мирдест призывень коряс военной службасот, истя жо Российской Армиясо призывень коряс военнослужащеень нитненень эрьва ковонь пандомат эйкакшонтень 3 иень топодемс.

2013 иестэ саезь нужасо эриця ламо эйкакшонь триця семиятненень, косо колмо ды седе ламо эйкакшт, колмо иень топодемс поладови Мордовиянь эйкакштненень кемекстазь прожиточной минимумонть пандомась.

2015 иестэ саезь студентэнь семиятненень, косо трявить-кастовить эйкакшт ды сынст доходост аволь покшт, эрьва ковсто тенст пандови прожиточной минимумонь  покшолмасо суммась, конась кемекстазь республикань эйкакштненень. Республикань бюджетстэ эрицятненень максовить эрьва кодат социальной пельксэнь эли целанек ипотекань эрямонь кредитэнь пандомат.

В.Юдина

 

Новости

Путин казизе Волковонь Александр Невскоень орденсэ

Россиянь Президентэсь Владимир Путин тешкстась Указ «О награждении государственными наградами Российской Федерации». Зярыя кементь фамилиятнень ютксо Мордовиянь Прявтось Владимир Волков. Государствань руководителенть Указонзо коряс сонензэ максови Александр Невскоень орденэсь.

Подробнее ...
 
Кулят мэриясто

Ошонь Администрациясо ютась промкс, кона ушодовсь коммунальной техниканть телентень анокстамодо кевкстематнестэ. РФ-нь МЧС-нь ГУ-нь МР-нь представительтне пачтясть, маласо читнестэ Саранскойсэ температурась валги -5 градусос, чить термометрась невти +1, +2 градуст. Карми прамо начко лов. Ошонь прявтось Пётр Тултаев тешкстызе, машинань ветницятне чарыст зярс эзизь полавто. ГИБДД-нь важодицятне мерсть, ветницятненень ютавтыть профилактической кортамот. «Чуваронь-салонь почодыця машинатне телень шкане улест весе зыянов таркатнесэ, сэдтнень вакссо, пандопряв молиця килангтнесэ. Ошонь хозяйствань департаментэнь важодицятне кадык стувтсызь оймсема читнень. Субутась тынк туртов – важодемань чи», – мерсь Пётр Тултаев.

Подробнее ...
 
Литературанть марто вейсэ

А.С.Пушкин лемсэ республикань Национальной библиотекасо ютась «Литература и природа – рука об руку» эрьва иень акциясь. Сон юты колмоцеде ды тедеде алтавсь Экологиянь иентень. Сонзэ ютавтыцятне – Ицялбуень куншкакуронь библиотекась, «Смольный» национальной паркось ды А.С. Пушкин лемсэ библиотекась.

Подробнее ...
 
Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...