Рубрикатор

Демография Казнеть – аватненень!
Казнеть – аватненень!

 

Исяк Республикань Кудосо ютавтовсь кенярксчинь вастовома, сон алтазель Авань чинтень. Мазый залонтень пурнавкшность ламо эйкакшонь кастыця аватне, конат ламо вийть путыть семиянь питнейчитнень ванстомантень.

Поздоровонь вал марто пурнавозтненень пшкадсь республикань Прявтось В.Д.Волков.

 

– Ладязь коенть коряс, течи минь ютавттано пек лембе ды талновтыця вастовома. Ноябрянь меельце недлячистэнть Россиясо тешкстави Авань чись, – мерсь Владимир Дмитриевич. – Семиянь питнейчитненень свалшкане явовсь покш мель. Ансяк семиясо эйкакшось тонавтови мелявтомо лиянь кисэ, тетятне-аватне тонавтыть сонзэ арсеме, теить эйстэнзэ алкуксонь ломань.

В.Д.Волков ёвтызе, Мордовиясо ламо тееви эйкакшонь кастыця семиятненень лездамга.  Колмоце ды меельце эйкакшонть чачтоманзо кисэ пандови республикань авань капиталось. Неть ярмактнень мереви ютавтомс семиянть эрямонь условиятнень вадрялгавтомс, эйкакшонть тонавтомс эли аванть пенсияс.

– Неть сертификаттнэнь тевс нолдызь ламо эйкакшонь триця 900 семиятне. Республикасонть ламо тееви ламо эйкакшонь кастыця семиятнень эрямонь условияст вадрялгавтомга. Истя, нилеце эйкакшонть чачтоманзо кисэ целанек пекстави ипотекань кредитэсь, колмоценть чачтомсто – кадовозь сумманть эйстэ пандовить 30 проценттнэ. Истя жо ярмаконь лезкс явови студентэнь семиятненень, конатне трить-кастыть эйкакшт, сыненст эрьва ковсто пандовить малав 8 тёжат целковойть, – ёвтызе В.Д.Волков.

Республикасонок эрьва ковсто пандовить ярмакт колмоце ды меельце эйкакшонть чачтоманзо кисэ, зярс вишкинентень а топодить колмо иеть. Ярмаконь те лезксэсь неень шкане пандови малав 3000 эйкакштненень. Теде башка, колмо ды седе ламо эйкакшонь кастыця семиятненень явовить модань участкат. Меельце колмо иетнень перть ламо эйкакшонь кастыця 500 семиятне вадрялгавтызь эрямонь условияст.

Ламо эйкакшонь триця семиятненень явшевить казнеть Инечинть каршо, явови лезкс сентябрянь 1-це чинтень, Од иень каршо республикань 90 тёжат эйкакштненень явшевить ламбамо казнеть. Владимир Дмитриевич ёвтызе, меельце иетнестэ республикасонок ламолгадсть семиятне, косо чачить омбоце, колмоце ды седе ламо эйкакштне. Те невти, тетятне-аватне кемить вандынь чинтень. Владимир Дмитриевич ёвтась аватненень покш сюкпря эрьва чинь а шожда тевест, семиянь питнейчитнень ванстомаст кисэ. Арсесь тенст кеме шумбрачи, парочи ды уцяска.

Теде мейле ушодовсь казнетнень явшемась. Пурнавозтненень максовсть Ламо эйкакшонь кастыця авань I, II, III степенень почётонь дипломт, «За заслуги в воспитании детей» МР-нь Прявтонь дипломт.

Эряви тешкстамс, казезтнень ютксо ульнесть тонавтыцят, врачт, велень хозяйствасо, промышленной предприятиясо, властень управлениянь органонь важодицят. Казезь аватнень ютксо ульнесь вейке цёраяк, те Дубенка ёнксонь Кабаева велень эрицясь С.Я. Орлов. Сон ськамонзо три-касты вете эйкакшт!

Теде башка, аватненень максовсть ярмаконь казнеть ды коень коряс мазый пацят.

Т.Аксенова

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...