Рубрикатор

Их знает вся Россия "Мон-тынк раськеньпелькс"
"Мон-тынк раськеньпелькс"

Покш талантонзо кисэ те актеронть умок уш лемдизь инекс. Сон театрань ды кинонь сеть актертнэстэ, конатнеде ней кадовсть овсе аламо ды конатне ероковсто налксевлизь куш кодамо роленть. Налксевлизь истя, штобу героест теевель а стувтовиксэкс. Кортамось моли Олег Павлович Табаковдо – СССР-нь Народной артисттэнть, А.П.Чехов лемсэ МХАТ-нь художественной руководительденть. Сон налксесь сядодо ламо рольть, конатнестэ пелест – главнойть. Нейгак сеедьстэ вастневи од кинотнесэ. Од ломантне жо, васняяк, содасызь сонзэ «Простоквашино» мультфильмастонть Матроскин катканть кортавксонзо коряс (весемезэ сонзэ вайгельсэ кортасть 20 мультфильмань геройть). Ды вана ютазь пецясто те ине актерось содавтызе минек республиканть.

Аволь умок Россиянь Президентэсь Дмитрий Медведев казизе СССР-нь Народной артистэнть «За заслуги перед Отечеством» I степенень орденсэ. Омбоце чистэнть обед малав Олег Павлович уш Саранскойсэль. Национальной театрасо эйсэнзэ учось Мордовиянь творческой интеллигенциясь. Залсонть умарнень а козоль прамс. Кой-кить натой озакшность кузтема лангс.

Сцена лангсто эсь эрямодо евтнеманть ушодомадо икеле Олег Павлович тешкстызе, келя, сон аволь Табаков, а Утин (сеске пейдезь ладсо мерсь: «Илядо човоря Путин марто!»). Покштянзо тетянть эсь шкасто трямо-кастомо саизь сюпав ломанть, Табаковт. Ды покштязо кармась кандтнеме те фамилиянть.

Кода евтнесь актерось, национальностезэ ашти кавто пельксстэ: вейкесь – эрзямокшонь, омбоцесь – польско-украинской. Чачсь сон 1935 иестэ Саратовасо врачонь семиясо. Войнадо икелень эйкакшпингедензэ ледстни кода сехте уцяскав шкадо. Табаков истя жо ледстинзе войнань иетнень, тетянзо-аванзо, бабанзо, конась раськень коряс эрзямокшоль.

15 иетнес Табаковонь кемекстась мелезэ улемс актерокс. Те профессиянть кочкамонь тувталокс кармась Саратовань Пионерэнь кудосо театрань кружокс якамось, конань прявтсоль Н.И.Сухостав. Кода евтни Олег Павлович, мирдензэ куломадо мейле те авась весе седей лембензэ алтась эйкакштненень. Советской театрантень сон макссь 176 артистт. Ды зярдо кулось, сынь эсест ярмакост лангс стявтсть калмонзо лангс памятник.

1953 иестэ Олег Табаков тусь Московов МХАТ-нь школав-студияв документэнзэ максомо. Саизь сонзэ В.О.Топорковонь курсонтень.

1957 иестэ МХАТ-нть юрсо Олег Ефремов панжсь од актеронь студия, конась седе тов теезель «Современник» театракс. Табаков ледстнесь, кода колмоце курссо анокстасть Розовонь пьесанзо коряс «Вечно живые» спектаклянть, косо сонензэ максозель аволь покш роль. Сестэ сон сельмень сявадозь вансь Евгений Евстигнеевень ды Галина Волчекень лангс, конатнень ульнесть покш ролест. «Моненьгак бу тонадомс сынст ладсо налксеме…» – эсь пачканзо арсесь Олег Павлович.

1970 иестэ Ефремовонь МХАТ-нь художественной руководителекс путомадо мейле Олег Табаков кармась улеме «Современникень» прявтокс. Теке жо шкастонть театрань режиссерокс аравтызь Галина Волчекень. Те таркантень сонзэ кемекстамонтень ламо вийть путсь од прявтось.

Кото иень ютазь ГИТИС-нть юрсо Табаков пурнась 26 студенттстэ курс. Истя сон теевсь тонавтыцякс. Мусь подвал, косо икеле ванстовсь уголия, студенттнэнь марто ванськавтызь сонзэ ды тейсть а покш театра, конань лемдизь «Табакеркакс».

1983 иестэ Табаков кадсы «Современникенть», О.Н.Ефремов тердьсы сонзэ МХАТ-ов. Тесэнь васенце ролезэ – Сальери П.Шефферэнь «Амадей» пьесасонть. Течияк театрасонть те спектаклясь пурны покш залт.

Ней Табаковнень – 75 иеть. Эйсэнзэ дивавты весемесь: эрямонтень вечкемась, од изнявкстнэс бажамось, ойме виесь (те, келя, эрзя-мокшонь ундокстнэстэ моли). Ледстинзе Тютчевень валонзо: «На старости я сызнова живу». Театрань лия новатортнэнь марто сон ардтни весе Россиянть келес – вешни ероков ломанть. Ансяк Мордовияв эште эзть пачколе, келя, курок сыть тейгак.

Олег Павлович уш кемень иеть важоди МХАТ-нь прявтокс. Аволь умок сонзэ кемекстызь колмоцеде.

– Вана Николай Иванович колмоце срок топавты Мордовия Республикань Прявтонь тевтнень. Арсезевинь: пример лангстонзо эряви саемс! – пейди актерось.

Мейле залстонть кармасть макснеме кевкстемат. Кой-кить тердсть самс Мордовияв спектакля марто.

– Алкукскак, самс эряви. Нейке ушодан анокстамо. Кода кортась Толстой графось – ЕБЖ! Если буду жить!

Мейле сценанть лангс лиссь Н.И.Меркушкин. Сон евтась сюкпрянь валт Московонь инжентень тей самонзо кисэ. Истя жо мерсь, бути те вастовомась ютаволь покш площадьсэ, сонгак бу пешкедевель ломанде.

Республикань Прявтось ледстизе, кода эште 1995 иестэ Олег Табаков вастневсь Московсо эрзя-мокшонь диаспоранть марто. Ды се шкастонть саезь истят вастовомат эрсить сеедьстэ. Олег Павлович сови эрзя-мокшонь раськенть Россиянь лия раськетнень марто вейсэндямонь 1000 иетнень кенярксчинтень анокстамонь оргкомитетэнь члентнэнь юткс. Аравтозь культурань блоконть прявтокс.

Нама, вастовоманть сехте торжественной шкась – СССР-нь Народной артистэнтень «Мордовия Республикань Почетной гражданин» лементь максомась. Мейле актеронтень невтезель раськень культурань концерт. Сцена лангс лиснесть «Келу», «Торама», «Гайгев вайгель» ансамблятне, «Масторава» раськень оршамопелень театрась. Весемеде пек Табаковонь дивавтызе вишка артистэсь Саша Рубцов. Сон седясь гармониясо ды морась частушкат. Натой алтась «саемс Табаковонь тейтерьканзо никс».

Те чистэнть Московонь инжентень максозельть ламо казнеть. Мордовиянь Прявтось казсь тензэ эрзя-мокшонь велень эрямонь сюжетэнть лангс картина, чувтосто керсезь лицянзо. Эсь казне марто састь олимпийской чемпионтнэ Валерий Борчин ды Денис Нижегородов. Вейкесь эйстэдест мерсь, келя, Олимпийской анокстамонь центрась ды Табаковонь театразо топавтыть вейке тев. Ансяк васенцесэнть анокстыть ине спортсмент, омбоцесэнть – ине актерт.

Меельцекс ютась театрализованной представления, косо Табаковонь «лемдизь» эрзя-мокшокс. «Келунь» морыцятне оршавтсть лангозонзо раськень панар. Тень кувалма актерось мерсь: «Кандтнемензэ карман ансяк недлячистэ».

Театрась Россиясо эрявикс нейгак

Вастовоманть прядовомадо мейле минь, журналисттнэ, учинек содавикс актеронть Национальной театрань фойесэ. Максынек тензэ зярыя кевкстемат, сниминек мартонзо. Национальной культурань студенттнэ покш мельсэ учость пельдензэ автограф.

– Олег Павлович, евтынк меленк неень кинематографиядонть.

– Меельце шкастонть киноиндустриянть качествазо прась. Саемс сериалтнэнь – те эдь рекламань туртов парго. Бути кортамс тувталтнэде, сынь сюлмавозь алкуксонь литературанть аразьчинзэ марто. Сценарийть а кинень сермадомс. Течи те пек покш стакачи. 35 иеде теде икеле мон бу евтавлинь тенк театральной режиссурасо 15-20 талантливой лемть. Ней – 3-4, сетнеяк МХАТ-со важодить – Серебренников, Бутусов, Бородин. Арсян, эряви вельмевтемс литературанть художественной смустензэ.

– Кодамо смусть Тынк туртов канды эрзя-мокшонь раськенть Россиянь лия раськетнень марто вейсэндямонь 1000 иетнень кенярксчись?

– Кода кортась Платонов, «Россиясь монтемень аволь пешксе». Истя Россиясь эрзятневтеме ды мокшотневтемеяк улевель бу аволь пешксекс.

– Кодат ежомарямот кадовсть минек Национальной театрадонть?

– Ванынь лангозонк сцена лангсто ды арсезевинь: театрась Россиясо эрявикс. Койсэнь, советской властень 72 иетнень перть те эрявиксчись эзь ема. Эдь рузонь ломантне пек парсте маштыть чарькодеме актеронть оймензэ: истя жо кенярдыть, авардить, мелявтыть… Те ули ансяк минек масторонь ломантнесэ.

Ваньксчись – кодамо Белоруссиясо

Истямо каршо вал макссь Табаков театрасо вастовомасонть Огарев лемсэ МГУ-нь студентканть тусь-арась актеронть мельс Саранскоесь кевкстеманзо лангс.

Субутасто артистэсь нинзэ Марина Зудинань ды Павел церанзо марто ваннызь ошонок мазычинть: якасть Ушаков лемсэ храмонтень, Эрьзянь музеентень, Никон патриархонть памятникентень. Ульцясо ломантне снимасть мартонзо, вешсть автограф. Эрьва ендо марявсь: «Ванодо, Матроскин юты!»

Л.Адмайкина

 

Новости

В «Единой России» проверят состояние детских площадок по всей России
До конца июня 2019 года активисты партпроекта «Единой
России» «Народный контроль» проведут проверку состояния детских
площадок в 85 регионах - насколько они соответствуют нормативам и
безопасны для жизни и здоровья детей. Информация о выявленных
нарушениях будет передана в администрации муниципалитетов,
управляющим
компаниям,
товариществам
собственников
недвижимости с требованием устранить выявленные недостатки. Об
этом заявила координатор партпроекта «Народный контроль»,
депутат Госдумы Анна Кувычко.
Подробнее ...
 
Аршинова направила в Правительство РФ пакет предложений для включения в программу «Земский учитель»
В целях реализации Послания Президента Владимира Путина
Федеральному Собранию в регионах активисты партпроекта «Новая школа»
организовали широкое обсуждение проекта программы «Земский учитель» с
привлечением представителей профильных ведомств и институтов развития
образования, ведущих экспертов, педагогического и родительских
сообществ. По их итогам был выработан комплекс важных предложений для
включения в программу «Земский учитель», которые были отправлены на
имя вице-премьера Правительства РФ Татьяны Голиковой. Об этом заявила
координатор партпроекта «Новая школа», член комитета Госдумы по
образованию и науке Алена Аршинова.
Подробнее ...
 
Жители Мордовии обратились к главному федеральному инспектору за содействием в решении проблем

В соответствии с поручением полномочного представителя Президента России в Приволжском федеральном округе Игоря Комарова 22 мая 2019 года в приемной Президента Российской Федерации в Республике Мордовия состоялся прием граждан. Провел его главный федеральный инспектор Михаил Сезганов.


Подробнее ...
 
Госдума приняла во втором чтении поправки «Единой России», разрешающие продажу театральных билетов без кассовых аппаратов
Депутаты Государственной Думы поддержали во втором чтении
поправки, разработанные депутатами от «Единой России», в закон «О
применении контрольно-кассовой техники», которые в том числе
предусматривают освобождение распространителей театральных билетов от
обязанности использовать кассовые аппараты с 1 июля 2019 года.
Подробнее ...
 
Медведев поддержал предложения участников Форума сельских депутатов «Единой России»
Председатель «Единой России», премьер-министр Дмитрий Медведев
поддержал предложения участников Форума сельских депутатов, который
прошел 21 мая в Воронеже.
Подробнее ...