Рубрикатор

Их знает вся Россия «Лия истямо уш а карми…»
«Лия истямо уш а карми…»

… Февралень 1-це чистэ тусь эрямосто В.И.Демин. Лоткась чавомадо седеезэ покш учёноенть, валдо ойме ломаненть, журналистэнть. Истямо лия уш а карми: виев, ламонь содыця, ялганень лездыця, оймамонь а содыця. Кармить лият, истямо а карми.

Василий Иванович Деминэнь содылия умок. Тиринь Шугур велесэ, кона ашти Покш Березникень районсо, вейсэ налксилинек футболсо. Нейгак мельсэнь се чись, зярдо Шугуровань командась налксесь шабра Руз Найман велень футболисттнэнь марто. Куш сестэ шабра веленсетне изнимизь, эйстэнек кияк эзь ацирьгадо. Вася эйсэнек оймавтсь: «Течи сынь изнясть, ванды минь изнясынек».

 

В.И.Деминэнь, кода журналистэнть, карминь содамонзо сестэ, зярдо сынь важодеме «Эрзянь правда» республикань газетас Свердловскоень А.М.Горький лемсэ университетэнь журналистикань факультетэнть прядомадо мейле. Газетань сестэнь прявт редакторось П.П.Борейкин тердизе культурань отделэнь прявтонть В.И.Деминэнь ды мерсь:

– Василий Иванович, стало быть, Зиновьев ялганть саик важодеме эсеть отделс.

Ды минь вейсэ Василий Иванович марто вейке отделсэ важодинек кеменде ламо иеть. Весемезэ важодян газетасонть колоньгемень кото иеть. Васень шкасто столенек ульнесть карадо-каршо, зярдо Печатень кудось аштесь Советской ульцясо, 55 № кудосо.

Тешкстаса, Василий Иванович ульнесь алкуксонь журналистэкс. Сёрмадынек республикань культпросветроботниктнеде, тонавтыцятнеде, од ломантнеде, кить кочкизь тетятнень-аватнень тевест. Панжозель натой истямо рубрика: «Тетятнень модась – минек моданок». Малав эрьва недлясто ардылинек командировкав. Течи – Дубенкань, Отяжелень районов, ванды – Теньгушевань, Орданьбуень. Арасель истямо район, косо бу аволинек ульне. Василий Иванович яла кортыль тень: «Вадря материалось лиси сестэ, зярдо сонзэ нолдасак седейгат».

Нейгак мельсэнь Покш Березникень райононь Эрзянь Найман велев командировкась. Тов отделэнь прявтось Василий Иванович кучокшнымим велень од ломантнень тердемаст коряс. Келя, велесэнек Культурань кудосо важодицятне тевест топавтыть лавшосто, культурно-массовой мероприятият а ютавтнить ды истя седе тов. Чинь перть тонавтнинек сень, кода эрить ды важодить Эрзянь Найман велесэ од ломантне. Материалось уш аноколь максомс печатьс. Апак учне Василий Иванович кевкстимим: «Велень од ломантне (комсомолонь организациясонть лововсть 40 ламо од ломанть, те районсо весемеде ламо) сынсь мезеяк теить юткошкаст лезэвстэ ютавтомга? Паро, лиянь лангс тевенть каямс». Отвечан: «Арась». Истя лиссь материалось, конань В.И.Демин лемдизе истя: «…Ды од ломантне арсезевсть».

В.И.Демин «Эрзянь правда» газетасо важодемстэ пря зярдояк эзь покшкавтне. Важодсь виевстэ, кель-валозо сюпаволь. Бути сёрмадызе те эли тона статьянть, киньгак а сыль мелезэ мезеяк полавтомс. Эсь шкасто Василий Иванович сёрмадсь статья, конасонть сялдсь Покш Березникень райононь культпросветроботниктнень берянь важодемаст. «Понгонесь» райононь прявттнэненьгак. Те материалонть а печатамга, телефононь гайневтемат косто ансяк арасельть! В.И.Демин мелензэ эзизе полавто. Материалось печатазель «Эрзянь правда» газетасо.

«Эрзянь правда» газетань культурань отделэнь прявтонть В.И.Деминэнь ушодксонзо коряс газетасо теезель «Тештине» литературной вейсэндявксось, конань ветясь МР-нь народной сёрмадеесь, Ине Отечественной войнань участникесь В.К.Радаев. Тесэ эсь стихотворенияст, ёвтнемаст печатасть од ломантне: вузонь студенттнэ, школань тонавтницятне. Эйстэст кой-кить теевсть алкуксонь сёрмадеекс, сындест парсте содыть республикань эрицятне.

В.И.Деминэнь обуцясо мезесь тень вечкевиль – зярдояк эзь ульне нусманякс! Мельсэнь ашти Василий Ивановичень каршо валозо, зярдо кевкстьсак: «Кода эрямось?» – «Вана тонь неитинь, ёжом сеске вадрялгадсь, кенярдозевинь!»

Истя, 1977 иестэ саезь 1992 иес В.И.Демин важодсь республикань массовой информациянь средстватнесэ. «Сятко» журналонь прявт редакторонь полавтыцякс, теке шкастонть заочна прядызе Мордовской АССР-нь Министрань Советэнть юрсо Келень, литературань, историянь ды экономикань научно-исследовательской институтонь аспирантуранть. Василий Иванович меельце шкастонть важодсь МГУ-нь филологиянь факультетсэ.

В.И.Демин марто сюлмотнень эзинек сезе. Аволь сеедьстэ, ялатеке вастневкшнинек. Сон сакшныль «Сятко» журналонь редакцияв, кона ашти истя жо Печатень кудосо. Вейке вастовомасонть тень мери: «Минек филфаксо ули пек паро ломань, учёной. Лемезэ – Юрий Антонов. Сон сась Оренбургонь ёнкссто. Ней сон – филологиянь наукань доктор. Койсэнь, ланганзо сёрмадомс а берянель!»

Алкукскак, кода а сёрмадомс: республикань томбале эриця эрзясь теевсь филологиянь наукань докторокс, профессорокс! Нама, сёрмадынек. Статьянть лемезэль – «Антонов наукань докторось, профессорось». А шнамга, материалось пек тусь студенттнэнь, сынст тонавтыцятнень ды, нама, «Эрзянь правда» газетань ловныцятнень мельс.

Видькстан, В.И.Демин кеме ояксчисэ эрясь лелям, филологиянь наукань кандидатонть Николай Васильевич Зиновьев марто. Мельс ледни, сынь кавонест кувать кортнильть сеть сёрмадейтнеде, кинь книгаст совасть мокшэрзянь литературань сырнень фондс: Андрей Куторкиндэ, Василий Радаевде, Кузьма Абрамовдо, Илья Девиндэ, Сергей Кинякиндэ, Василий Коломасовдо. Ледстнесть сёрмадейтнень марто вастовоматнеде. Неть кортнематнеде мейле «Эрзянь правдасо» теевсь рубрика – «Творческой портрет». Тозонь совасть Н.В.Зиновьев учёноенть минек сёрмадейтнень эрямонь ды творчествань кидест очеркензэ.

Виде, Василий Иванович Демин оймамонь а содыцяль. Сёрмадыль книгат, монографият, научной статьят, учебной ды учебно-методической пособият. Эйсэст невтевить эрзя-мокшонь литературанть ды культуранть виевгавтомань ды теемань од ёнкст, конатнень покш пельксэсь васенцеде совавтови тонавтнемань ды научной оборотонтень.

В.И.Демин – «Мордовия» энциклопедиянть, «Мордва» эрзя-мокшонь раськень культурань, этнографиянь, историянь коряс очеркень пусмонть эрзянь кельс ютавтыця. Кедезэть саиндерясак «Сятко» журналонь кодамояк номерэнть, тесэ Василий Ивановичень печатазь зярыя материалонзо. Яла мерилинь тензэ: «Василий Иванович, аламос оймсек! Моторось вейке!» Сон кедьсэнзэ ахолдыль, ды весе.

Ды кодамо ломанесь пароль! Панжадо оймель. Мартонзо кортневлить ды кортневлить. Ней, ризксэнтень, сон арась ютксонок…

Пётр Зиновьев,

МР-нь массовой информациянь средствань заслуженной роботник

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...