Рубрикатор

Их знает вся Россия "Сельведтнеде иневедь ульнесь..."
"Сельведтнеде иневедь ульнесь..."

Ледстнемат Отяжелень райононь Ламбаське эрзянь велень

од цёрадонть Женя Тутыгиндэ, кона чавовсь Афганистансо.

Женянь сёрмастонзо:

«Шумбратадо, монь вечкевиксэнь – авам, тетям, бабам, Валя ды Света! Мон живан, шумбран, кисэнь илядо мелявто. Монь весемесь моли парсте. Сёрмадодо тынсь седе ламо ды седе курок. Кодат велесэнть од кулятне? Ледстнить-арась мондень? Авай, кие те кизэстэнть водовозокс (колхозсо – ред.) карми улеме?

Нурькинестэ мерезь, сёрмадодо весемеденть, монь весемеденть ули мелем содамс.

 

… Яла седе нурькалгады ды нурькалгады се шкась, конань ютамодонзо мейле мон пачкодян кудов. Тесэ тундось уш моли келей эскелькссэ.

… Люба (сазорказо – Р.К.), бути мезеяк марят монь ялгадон – весемеде сёрмадт. Пек тошнавинь эсень классонть кисэ. Ну, мезеяк, курок армиясто велявттано, а тосо карми улеме вастовома…»

Вастовома ульнесь 1987 иень майстэ… Ансяк вана Евгений Тутыгин сонзэ классонь тонавтницятнень ютксо арасель… Те чистэнть Ламбаське велесэнть сонзэ калмонзо лангс састь эйкакшпингень ялганзо, велень эрицят, школьникть ды сынст тонавтыцяст. Чавовозь солдатонть калмонзо лангс путозельть цецят, мейле ушодовсь митинг… 

Женянь эйкакшпингезэ

Антонина Евдокимовна Тутыгина, авазо:

– Женя кассь чуморксов, эряза эйкакшокс. Зярдо тензэ топодсть кемень ковт, тейсь васенце эскелькс, тусь якамо. Чачозо потмуракс чуросто эрсиль, пейдиль, яла раксиль, вечксь эрямонть. Пек вечксь бабанзо ёвкстнэнь, моротнень. Зярдо чавовсь, сельведтнеде семиясонок иневедь ульнесь…

Геннадий Петрович Тутыгин, тетязо:

– Важодинь трактористэкс, бажинь тонавтомс техниканть вечкеме эйкакштненьгак. Кудов сеедьстэ сакшнынь тракторсо. Женя ды Коля цёран яла сеске чиильть ваксозон, кенярдозь чарыльть тракторонть перька. Кода сельмест цитнезевильть, зярдо кузтилинь кабинас ды озавтылинь руль экшс! Пек покш мелем ульнесь тонавтомс сынст эсень тевентень ды кадык важодевельть монь марто.

Бабанзо ледстнематнестэ:

– Женя ульнесь монь омбоце нуцькакс-цёрынекс. Зярошка кенярксось ульнесь семиясонть, зярдо сон чачсь!

Тетязо-авазо эрьва чистэ важодема таркасольть, секс Женя весемеде кувать эрсесь вакссон. Вишка пингезэ сюлмавозь монь моротнень ды ёвкстнэнь марто. Вансы яла – кудоютконь тевтнеде озынь оймсеме, сеске кузиль кумажан лангс ды кармавтсамам ёвксонь ёвтнеме, морамо.

Бажинь яла, кадык нуцькан касыть а манчицякс, а покшкавтницякс, важодемадо а пелицякс. Паряк, секс Женя вишка пингстэ саезь кармась тень лездамо: совавтнесь каштомонь уштомс пенгть, якась вазнэнь тикше мельга, валнось эмежть...

Нуцькам свал эйсэнь оймавтсь – зярдо, келя, сыредят-лавшомат, мон тонь а кадтан, карман мартот эрямо. Вай, вана неть валтнэнь эрямом прядовомс а стувтсынь…

Николай, лелязо:

– Женя вечксь видечи. Мезенть тешкстылизе теемс – кода а стака улезэ – ялатеке а потыль. Стакачиде эзь пеле. Эсь прянзо покордамс зярдояк а максылизе.

Покш мельсэ тейнесь пластилинстэ эрьва кодат фигуркат, вечксь рисовамонть. Рисовась самолётт, машинат, тракторт, танкт ды, кода сонзэ шкава лия цёрынетнеяк, бажась седе курок касомс ды теевемс солдатокс.

Люба, сазорозо:

– Женянь ды монь эйкакшпингенек, ловт, ютасть вейсэ – сон мондень ансяк кавто иеде покшоль. Семиясонть эйсэнзэ пек вечксть. Ледстяви (сестэ монень котошка иеть ульнесть), пильгем синдекшния, путсть гипс. Тетям-авам важодсть колхозсо чоподасто чоподас, бабам топавтсь кудоютконь тевть ды вансь Валя сазоронок мельга – тона минденек вишкинель. Монень лездамс сатотсь Женянень. Содазь, сонзэ ульнесь покш мелезэ туемс ялганзо марто ковгак, ялатеке монь эзимим кадно. Лисилинек яла ушов, озылинек   пенге лангс, налксилинек.

Вишка пингстэ саезь тонадокшнось конькасо кирякстнеме, вечксь налксеме хоккейсэ, футболсо, войнынесэ.

Школань иеть 

(Ялганзо ледстнематнестэ)

Сергей Сироткин:

– Женя Тутыгин марто тонавтнинь кемень иеть. Сон свал ульнесь эрямонь вечкиця ломанекс. Маряви, сонзэ зярдояк апаро ёжосо эзия некшне. Ледстяви, васенце классо уроконь шкасто терявтынек полавтомс озамо тарканок. Коминек парта алов, ды адя – сон монь таркас, мон – сонзэ. Тонавтыцянок бизмолдоманок редизе ды сёвнымизь парсте.

Колмоце классо мартонзо пеедькшнинек вейке-омбоце лангсо. Вера Федоровна тонавтыцянок пельде таго тенек понгсь. Уголс стявтымизь. Школань иетне эзть редявояк, кода ютасть. Ней уш весе ялганок армиясо службаст прядызь ды велявтсть кудов, ансяк Женя эзь велявто. Ялатеке сон зярдояк а стувтови, зярс эрить малавиксэнзэ, шабранзо, ялганзо, весе сеть, кить сонзэ содылизь.

Тая Кадаева:

– Женя марто эринек шабрацек. Монь шкавань тейтерькат ульцясонок арасельть, секс Женя тень ульнесь эйкакшпингень весемеде малавикс оякс. Секс пек стака тень ульнесь, зярдо мария чавовомадонзо кулянть. Зярдо топодсть тенек сисемень сисем иеть, вейсэ туинек школав. Уроксо Женя маштсь тонавтыцятнень парсте кунсоломо, секс тонавтнемась сонзэ мольсь валанясто. Зярдо путыльть тензэ берянь отметка, лиясто мик авардезевиль. Ансяк истят тевть эрсесть пек чуросто. Начальной школанть прядокшнызе отличникекс.

Зярдо карминек улеме пионерэкс, Татьяна Бибина лемсэ минек отрядсонть Женянь путокшнызь звенань командирэкс.

Ульцясо сонтемензэ кодамояк налксема а лисиль – ушодыцякс свал ульнесь сон. Весемеде пек вечкилинек «чижиксэ», «лаптасо» налксеме. Налксиль сон апак манче. Вечксь пеедькшнеме – истя бажась ёжонок витемс.

Важодема килангсо 

Зярдо совась вийс, кизэнь каникуласто кармась эсензэ колхозонтень лездамо – лишмесэ усксесь ведь паксясо важодицятненень. Бути аватнестэ кияк яла пейдезь мериль – тонь ведеть курок лаказеви! Сон, ламонь апак корта, апак покшкавтне, велявтылизе лишмензэ веленть ёнов ды, вансак, пельчасошкань ютазь сы кельме ведь марто.

Вадря важодеманзо кисэ колхозонь правлениясь сентябрянь васенце чистэ яла макснесь тензэ питней казнеть.

Средней школанть прядомадо мейле Женя мольсь тонавтнеме Саранскоень 18-це ГПТУ-с, кармась улеме 3-це разрядонь токарекс. Зярыя ковт важодсь «Светотехника» производственной объединениясонть, тестэ тердизьгак армияв. 

Кода те лиссь

«…Те лиссь 1986 иень майстэ. Минек артиллеристтнэ ульнесть Афганистанонь провинциятнестэ вейкесэнть. Тесэнь эрицятне кармасть леднеме реактивной снарядсо. Теде башка, майсевтсть минатне. Противникесь, маряви, перьканок аштиця весе паксянть эйсэст «видизе». Минек снайпертнэ ютасть, афганецтнэнь пельде ламо «казнеть» таргасть. Ансяк аволь весе муевсть. Кадовозтнень эйстэ вейкенть лангсо сезевстькак Женя ды зярыя лия солдатт.

Полксонть, косо служась Евгений, сонзэ кроватензэ лангсо – цецят ды тензэ кучозь сёрматне, конатнень ней уш зярдояк сон а ловносынзе. Теске понгавтозь парадной формазо.

Женя марто служинь ансяк вейке ие. Те шканть перть карминь содамо, кодамо сонзэ обуцязо… Сон кодамояк стакачинень эсь прянзо эзь максо. Зярдо тензэ а пшкадят – свал лездыль. Сеедьстэ ульнесь рейдсэ. Начальниктне арсесть сонзэ путомс БМ-20 машинань командирэкс…

Минь ёмавтынек пек паро оя». (Женянь ялганзо А.Н.Сульдинэнь сёрмасто).

«Мон сонзэ а стувтса се шкас, зярс карман эрямо. Маень 16-це чись монень ней теевсь весемеде раужо чикс. Превстэнь-седейстэнь зярдояк а нардави – те чистэнть ёмавтыя пек малавикс оям». (Женянь омбоце оянзо Г.Потапкинэнь ледстнематнестэ).

 

Материалонть

анокстызе

Раиса Кузнецова.

(Эрзянь кельс

ютавтызе Александр Тикшайкин).

 

Новости

Депутат Госдумы РФ Сергей Чиндяскин посетил с рабочим визитом Кочкуровский район
Депутат Госдумы РФ Сергей Чиндяскин в рамках региональной недели в июне посетил Мордовию. Он прибыл в Кочкуровский район. Свой рабочий визит Сергей Чиндяскин начал со встречи с главой Кочкуровского района Светланой Герасимовой. А позже принял участие в работе круглого стола, на котором были рассмотрены вопросы по работе в муниципалитете регионального оператора по обращению с ТКО и действия программы по развитию сельских территорий. Основное внимание было уделено обсуждению проекта госпрограммы по развитию сельских территорий на 2020-2025 гг., благодаря которой у сельских жителей появится возможность решить целый ряд проблем.
В тот же день депутат посетил с.Старые Турдаки, Центр национальной культуры народных промыслов и ремесел села Кочкурово, а также экспериментальную детскую художественную школу в Подлесной Тавле.


 
Жители Мордовии обратились к Сергею Чиндяскину с пенсионными вопросами
14 июня депутат Госдумы Сергей Чиндяскин провел прием граждан в
региональной общественной приемной Председателя Партии «Единая
Россия» Д.А. Медведева.
По поводу назначения льготной пенсии обратилась к нему жительница
Саранска. Она рассказала, что проработала в психиатрии14 лет. Общий
трудовой стаж заявительницы - 32 года. В трудовой книжке имеются все
необходимые записи, но в Пенсионном фонде республики ей отказывают в
назначении досрочной пенсии. Сергей Чиндяскин взял решение этого
вопроса под личный контроль.
Подробнее ...
 
Сергей Чиндяскин обсудил вопросы развития религиозного туризма в Темникове
13 июня Сергей Чиндяскин с рабочим визитом посетил Темниковский
район Мордовии. Вместе с главой района Сергеем Кизимом он принял
участие в работе круглого стола на тему: «Сельский и религиозный туризм –
одно из направлений развития Темниковского муниципального района».
Цель данного мероприятия - привлечь внимание к развитию туризма на
территории района. Темников является старейшим городом Мордовии, имеет
богатую историю. Он связан с именами адмирала Ф. Ф. Ушакова,
основоположника мордовской литературы З.Ф. Дорофеева, первой русской
героини Алены Арзамасской и других. На территории района находится
Рождество-Богородичный Санаксарский мужской монастырь, который уже
является центром паломничества.
Подробнее ...
 
Депутат Госдумы Сергей Чиндяскин посетил Теньгушевский район Мордовии
Июньскую региональную неделю депутат Госдумы Сергей Чиндяскин
начал с посещения Теньгушевского района Мордовии. Парламентарий
провел рабочую встречу с главой района Александром Кузьминым, на
которой были обсуждены вопросы социально-экономического развития
территории. Далее он встретился с руководителем МКП «Коммунальщик»
Александром Макаевым. Тема встречи очень актуальна для всех жителей
районного центра – качество питьевой воды. Чтобы его улучшить, здесь
необходимо реконструировать 18 км водопровода и построить
дополнительный водозаборный узел. В настоящее время готовится проектно-
сметная документация. Сергей Чиндяскин взял на личный контроль решение
данной проблемы.
Подробнее ...
 
При поддержке «Единой России» состоялся Республиканский фестиваль по настольным спортивным играм среди людей с ограниченными возможностями
10 июня при поддержке партийного проекта «Единая страна – доступная среда»
на базе регионального отделения «Всероссийского общества инвалидов»
состоялся Республиканский фестиваль по настольным спортивным играм среди
людей с ограниченными возможностями. Всего на фестивале присутствовало 36
участников.
Подробнее ...