Рубрикатор

Их знает вся Россия Шкась лемензэ а нардасы
Шкась лемензэ а нардасы

 МР-нь архивень службасо панжовсь  «Полет в бессмертие во имя Родины»  выставка, конась алтазь летчикенть, Советской Союзонь Героенть М.П.Девятаевень чачома чистэ 100 иетненень. Тесэ ульнесть Ине Отечественной войнань ды трудонь ветерант, школасо тонавтницят, ученойть ды  Девятаевень церазо,  Александр Михайлович, тейтерезэ, Нэлли Михайловна, нуцьказо.

 

Эрьва ломаненть ули пек вечкевикс тарказо, истямокс мон лован Торбеева веленть, козонь чачинь, – истя ушодызе эсь кортамонзо выставканть панжомсто МР-нь архивень службань прявтось Н.В.Бычков. – Тесэ истя жо эйкакш ды од поранзо ютавтызе легендарной летчикесь М.П.Девятаев. Сондензэ мон ламо ловнынь.

Н.В.Бычковонь евтнеманзо поладызе МР-нь Госсобраниянь Председателень полавтыцясь И.М.Москаев.

Мон парсте содылия Девятаевень, –  ёвтнесь Иван Михайлович. – Икеле важодинь Саранскоень 27 № средней школань прявтокс. Тенек сеедьстэ инжекс сакшнось легендарной летчикесь, вастневсь школасо тонавтницятнень марто. Девятаевень евтнеманзо тонавтницятне кунсолость покш мельсэ. Эзть нолда вакска вейкеяк валонзо. Школасонть ули эйкакшонь организация, кона кандтни М.П.Девятаевень лемензэ.

И.М.Москаев видькстась, эрзятнень ды мокшотнень ютксо улить кавто ломанть, кить славизь раськенть аволь  ансяк масторонок келес. Неть – скульпторось Степан Эрьзя ды легендарной летчикесь М.П.Девятаев, конась оргодсь  «адсто». Сонзэ позывноезэяк ульнесь «мордвин». Ломанень историясо истямо подвиг эште арасель.

М.П.Девятаевень концлагерьстэ оргодемась – алкуксонь подвиг. Течи од ломантнень патриотической воспитаниясо те примерэнть питнепезэ арась, – мерсь МР-нь Культурань ды национальной политикань министрань васенце полавтыцясь А.И.Карьгин. Мейле сон легендарной летчикенть церанстэнь А.М. Девятаевнень макссь тетядонзо книга, кона лиси печатьстэ неть читнестэ. Те, келя, книгань сигнальной  1-це экземплярось.

Краеведениянь музеень директорось Н.А.Шабалкина М.П.Девятаевде кортась ансяк паро валсо. Сонзэ коряс, М.П.Девятаев зярдояк пря эзь покшкавтне.

Выставкась явозель зярыя пелькска. Вейкенть лемезэ – «Начало пути», косо документтнэ евтнить Михаил Петровичень тетядонзо-авадонзо, од порадонзо, кода понгсь тонавтнеме Казанень речной техникумс.

«Ине Отечественной войнась» пелькссэнть М.П.Девятаев икеленек сти кода немецень-фашистэнь захватчиктнень каршо тюриця. Тесэ самолетонь макетэсь, конань эйсэ ливтнесь, летчикень шлемесь. Седееть чавомо ушоды, зярдо несыть концлагерьсэ улезенть  кепканзо ды 104153 номер марто робанть.

Лиясо фотографият, фотографият… Эйсэст М.П.Девятаев содавикс учёноенть, конструкторонть С.П.Королев, СССР-нь маршалонть С.М.Буденной, семиянзо, ялганзо-оянзо марто.

1987 иестэ саезь М.П.Девятаев – Татарстанонь Почетонь гражданин, 1991 иестэ – Мордовия Республикань Почетонь гражданин.

Неявикс таркасо 1985 иень «Комсомольская правда» газетась, косо печатазь Василий Песковонь М.П.Девятаевде  очеркезэ. Кортыть, те очеркесь  печатазель эсь шкасто «Российская газетасо», конань тиражозо ульнесь 3 миллиондо ламо экземплярт. Лисни, Михаил Петровичте содасть масторлангонь келес.

Кода  кирдян мельсэнь, тетям ульнесь виев, валонь кирдиця, мездеяк а пелиця, – ледстни легендарной летчикенть церазо А.М.Девятаев. – Мезе арси теемс, тейсы. Сон эсь вийсэнзэ 1974 иестэ строясь Равчирес кудо. Се шкане сон васов неявсь. Эйзэнзэ соват – понгат, мерят, корабляс. Теплоходсо укшныцятне содасть, те сад-пиресь Героенть Девятаевень. Ды ваксканзо уемстэ моряктне яла сеерильть тетянень. Эште вана мезе: тетям пек вечкиль озавтнемс чувтынеть – умаринат, вишняринат, грушат… Чувтынетнень тензэ ускильть ялганзо Донбассто.

М.П.Девятаевде лембестэ ледстнесть истя жо Ю.Ф.Юшкин, ученойтне А.С.Лузгин, А.М.Бибин, тейтерезэ Нэлли Михайловна ды ламо лиятне.

Выставкась анокстазь республикань центральной архивень ды И.Д.Воронинэнь лемсэ краеведениянь музеень документтнэнь ды материалтнэнь коряс.

Петр Зиновьев

 

 

Новости

Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...
 
В рамках приема граждан Председатель ЕР поддержал социально значимые инициативы

Ряд социально значимых поручений дал Председатель «Единой России», премьер-министр Дмитрий Медведев в ответ на обращения, поступившие в рамках прима граждан, который прошел 30 ноября в Центральной общественной приемной Партии.

Подробнее ...